香港龜友論壇

標題: 細盾B 爆原蟲 (已服葯) 但... [打印本頁]
作者: ricoleung    時間: 2013-1-30 14:49
標題: 細盾B 爆原蟲 (已服葯) 但...
拒食左幾日 同 四支無力
尋晚強迫佢吞左3粒命脈
希望無事...

作者: 豆腐玉女    時間: 2013-1-30 14:59
係咪380果d啊!我都有一隻又係死下死下甘!
作者: ricoleung    時間: 2013-1-30 15:05
豆腐玉女 發表於 2013-1-30 14:59
係咪380果d啊!我都有一隻又係死下死下甘!

無咁平
可能之前換左缸
佢唔慣...
作者: freemankapo    時間: 2013-1-30 15:17
ricoleung 發表於 2013-1-30 14:49
拒食左幾日 同 四支無力
尋晚強迫佢吞左3粒命脈
希望無事...

細盾b幾多cm呀?
作者: 快快長大吧    時間: 2013-1-30 15:26
俾D咩薬佢食啊c 姐
作者: ricoleung    時間: 2013-1-30 15:59
freemankapo 發表於 2013-1-30 15:17
細盾b幾多cm呀?

5CM only...
我知幾難救... 嗚
作者: ricoleung    時間: 2013-1-30 15:59
快快長大吧 發表於 2013-1-30 15:26
俾D咩薬佢食啊c 姐

中蜂幫我餵
actually無問清楚
作者: 密瓜荳奶    時間: 2013-2-1 18:06
我兩隻爆原蟲我餵掃蟲王佢食
作者: 火水.    時間: 2013-2-1 18:27
回復 密瓜荳奶 的帖子

掃蟲王只能杜寄生蟲而已，杜原蟲要用M藥
作者: 火水.    時間: 2013-2-1 18:27
回復 密瓜荳奶 的帖子

掃蟲王只能杜寄生蟲而已，杜原蟲要用M藥
作者: tonycha    時間: 2013-2-1 18:48
本帖最後由 tonycha 於 2013-2-1 18:55 編輯
火水. 發表於 2013-2-1 18:27
回復 密瓜荳奶 的帖子

掃蟲王只能杜寄生蟲而已，杜原蟲要用M藥

Agree.

加上掃蟲王有毒, 我查過成份, 好傷龜龜身體, 餵太多仲會死.  杜寄生蟲用AZOO啦, 完全唔傷龜龜身體, 屬於新藥!!

而,杜原蟲就要用M藥!!!


作者: ricoleung    時間: 2013-2-1 18:55
而家個底甲好似黑黑地
但仲肯食野
仲有排一條條靚屎

好擔心
作者: tonycha    時間: 2013-2-1 19:01
ricoleung 發表於 2013-2-1 18:55
而家個底甲好似黑黑地
但仲肯食野
仲有排一條條靚屎

底甲黑黑地?  黑死病?  
作者: tonycha    時間: 2013-2-1 19:09
本帖最後由 tonycha 於 2013-2-1 19:14 編輯
ricoleung 發表於 2013-2-1 18:55
而家個底甲好似黑黑地
但仲肯食野
仲有排一條條靚屎


如果係我隻盾B, 我唔會餵杜寄生蟲藥!  我會餵一次杜原蟲藥M藥, 然後日日強餵Mazuri糧。  

以前我隻盾B底甲都有少少黑, 應該係鈣、骨、同營養都唔夠, 我就狂餵波蘭糧(30%蛋白), 佢都好中意食波蘭糧, 同埋狂照Zoomed UVB 10.0, 跟住幾個月後好返, 肥肥白白!  我$1000賣左。

可惜30%蛋白既波蘭糧已停產, 現在的是18%蛋白既波蘭糧, 好臭, D龜龜唔食!  小豹師姐有最後一罐30%蛋白既波蘭糧,求下佢賣比你啦。
作者: ricoleung    時間: 2013-2-1 22:46
我而家餵左m葯
每日強餵3粒命脈
用膠dull迫佢照uvb

開始回復食慾
keep一排睇下點
作者: jacky123    時間: 2013-2-1 22:56
回復 火水. 的帖子

C兄有冇M藥相啊THX
作者: tonycha    時間: 2013-2-1 23:18
本帖最後由 tonycha 於 2013-2-1 23:21 編輯
ricoleung 發表於 2013-2-1 22:46
我而家餵左m葯
每日強餵3粒命脈
用膠dull迫佢照uvb

要有耐性, 多UVB--每日12個鐘(UVB膽內含UVA--刺激食慾), 多營養食品--龜糧, 高濕度--60%-75%

慢慢可以養返生, 我以前隻盾, 賣左:


作者: ricoleung    時間: 2013-2-2 19:15
tonycha 發表於 2013-2-1 23:18
要有耐性, 多UVB--每日12個鐘(UVB膽內含UVA--刺激食慾), 多營養食品--龜糧, 高濕度--60%-75%

慢慢可以養 ...

我會加油 今日落平台晒左一個鐘
即刻痾屎屎
作者: net11    時間: 2013-2-2 20:51
回復 豆腐玉女 的帖子

380有隻盾？邊度買？
作者: net11    時間: 2013-2-2 20:52
回復 豆腐玉女 的帖子

邊度有380隻？
作者: alexwong2012    時間: 2013-2-2 20:57
M藥用錯份量會整壞腸胃，一去冇回頭，和M藥只能醫初爆原蟲的龜，（有啲師兄試過，不個唔出聲啫）
如爆了好內，唔食野好耐唔係用衣隻藥。
你係愛隻龜就帶去比醫生餵杜蟲藥。
作者: climbv35907    時間: 2013-2-2 21:04
回復 tonycha 的帖子

C兄隻盾好靚
我每日UVB用得8個鐘 , 係唔係用12個鐘會好D , 事關我2隻盾B有少少起釘 , 同有D咩多營養食品,而家我每日一粒M糧(一,四釫粉,二,五BAC,三六維他命,日就金錢草)....
作者: tonycha    時間: 2013-2-2 21:48
本帖最後由 tonycha 於 2013-2-2 22:19 編輯
alexwong2012 發表於 2013-2-2 20:57
M藥用錯份量會整壞腸胃，一去冇回頭，和M藥只能醫初爆原蟲的龜，（有啲師兄試過，不個唔出聲啫）
如爆了好 ...

M藥 係專門殺 厭氧性腸道原蟲 最廣、最多種類原蟲既藥, 連人都係食M藥.

M藥只能醫初爆原蟲的龜?  M藥會整壞腸胃?  你有冇去美國FDA網站查過ga?  M藥既副作用及高份量(high dose)根本唔會傷腸胃!  你唔好順口開河啦。  長時間感染原蟲就真係會令腸胃饋瘍(Ulcer), 呢個係條腸被原蟲饋爛左既樣:

作者: jacky123    時間: 2013-2-2 21:57
回復 tonycha 的帖子

M藥係點樣架C兄相啊THX
作者: tonycha    時間: 2013-2-2 22:01
本帖最後由 tonycha 於 2013-2-2 22:13 編輯
alexwong2012 發表於 2013-2-2 20:57
M藥用錯份量會整壞腸胃，一去冇回頭，和M藥只能醫初爆原蟲的龜，（有啲師兄試過，不個唔出聲啫）
如爆了好 ...

係人都知有病要睇醫生, 但係香港好既爬醫得一個, booking排得黎都病到死下死下啦。  加上好多人$380買隻龜返黎, 唔想比$800爬醫去杜原蟲(登記費,化驗費,顯微鏡睇蟲費,醫生費,藥費,強餵藥費...)。  加上M藥杜原蟲最廣最多, 你話係唔係有 好過冇, 唔通等死?  唔通由得D人去魚街亂咁買'掃蟲王'毒藥食???
作者: alexwong2012    時間: 2013-2-2 22:20
tonycha 發表於 2013-2-2 22:01
係人都知, 有病要睇醫生, 香港好既爬醫得一個, booking排得黎都病到死下死下啦.  加上好多人$380買隻龜返 ...

咁就祝你地龜好運，我全家啲龜都係果位醫生醫，我未試過等超過三日，我亦試過隻龜可能第二日就唔得，第二日即帶隻龜去等左三個鍾就見到醫生。
我就唔會這樣教人杜蟲，真係有兄弟學你咁杜蟲，杜死左係味你賠比人先？
話你知醫生正式教過我用M藥，你地用的方法全部錯的，早排我更有朋友睇到你地早前的POST，杜死左隻龜。
作者: tonycha    時間: 2013-2-2 22:34
本帖最後由 tonycha 於 2013-2-2 22:53 編輯
alexwong2012 發表於 2013-2-2 22:20
咁就祝你地龜好運，我全家啲龜都係果位醫生醫，我未試過等超過三日，我亦試過隻龜可能第二日就唔得，第二 ...
話你知醫生正式教過我用M藥，你地用的方法全部錯的，早排我更有朋友睇到你地早前的POST，杜死左隻龜。

醫生正式教過你用M藥, 你都唔教大家, 咁你咪PK lor, 上網睇住D人病龜, 淨係識講 "你地D方法錯晒!", "醫生教過我,我唔話你知啊!", 又或者 "睇醫生", "睇醫生", "睇醫生", "睇醫生", "睇醫生", .  How convenient!

杜死左隻龜?  你有冇去美國FDA網查過LD50啊?  你知唔知咩係LD50啊?  M藥毒性好低好低, 所有抗生素根本唔會殺細胞!  你學過未啊?  M藥幾十年來都係畜牧業常用飼料添加劑!  好心你唔好吹水啦!
作者: alexwong2012    時間: 2013-2-2 22:45
補充:
我隻小黑(黑蛛)因診所安全理由,醫生唔可以係診所替他杜蟲.
醫生都係開藥比我,教我點樣用藥杜蟲.
我隻小福R仔身上啲原蟲超利害,第一次杜唔到,第二次用第二隻藥在診所杜完,回家用小量的M藥補助.
再補充:
我朋友杜食左隻星,所以好曾教人用M藥個位師兄,我只好對他說,你唔可以全怪人家,人家醫得好,唔代表你醫得好,當買過教訓算吧!
作者: alexwong2012    時間: 2013-2-2 22:49
tonycha 發表於 2013-2-2 22:34
醫生正式教過你用M藥, 你都唔教大家, 咁你咪PK lor, 上網睇住D人病龜, 淨係識講 "你地D方法錯晒!", "醫生 ...

我是有教過人,只是PM比玩耐左的好友龜友.
作者: alexwong2012    時間: 2013-2-2 22:59
本帖最後由 alexwong2012 於 2013-2-3 03:11 編輯

我吹你水see this 睇吓紙上的是否M藥.

因安全理由,所以把醫生開給我的M藥處方圖片delete.Sorry



作者: alexwong2012    時間: 2013-2-2 23:04
本帖最後由 alexwong2012 於 2013-2-2 23:37 編輯

杜原蟲不是醫流鼻水用黑藥,我係唔亂教人.

Ps:紙上寫的份量不要跟,因要有龜的重量才能計出應用的份量.thx
作者: tonycha    時間: 2013-2-2 23:13
本帖最後由 tonycha 於 2013-2-2 23:55 編輯

回復 alexwong2012 的帖子

你朋友食M藥毒死左星龜?  M藥既美國既MSDS係, 動物LD50係口服3000mg/kg.

你知唔知要食死一隻100g星龜, 要300mg架!  一粒成人藥片得200mg, 即係話要食1粒半成人藥片!!!  100g星龜BB食得落1粒半成人藥片???  唔好玩啦!!
作者: alexwong2012    時間: 2013-2-2 23:23
哈!我唔知咼!他淨同我講,跟足你地一粒藥丸整碎加水,加落啲食物到,小小咁餵比隻龜食,點知第三日就開始完全唔食野,繼續all啫喱,好似第五日就走左......
你話冇毒性,我念食多50-100mg都唔會死龜掛...
作者: benlc    時間: 2013-2-2 23:38
alexwong2012 發表於 2013-2-2 23:23
哈!我唔知咼!他淨同我講,跟足你地一粒藥丸整碎加水,加落啲食物到,小小咁餵比隻龜食,點知第三日就開始完全唔 ...

咁我又唔覺得關tonycha 事，應該係佢拖延左個病情，以致救不到，tonycha的吸藥水方法的確未能準確令到龜隻吸收藥量，但選藥是正確的。
師兄的醫生教路可否大方公開教路，令大家學多點知識，知多d野
作者: alexwong2012    時間: 2013-2-2 23:48
benlc 發表於 2013-2-2 23:38
咁我又唔覺得關tonycha 事，應該係佢拖延左個病情，以致救不到，tonycha的吸藥水方法的確未能準確令到龜 ...

我唔會教人杜蟲.1我唔係醫生,2我唔想做罪人.

And我想講好耐,你地成日話龜唔係玩具,唔係拎來玩.
咁你地幾百至二千買左龜回來養,隻龜生原蟲都唔寫得拎800元出來杜蟲.
自已去試藥,試完e隻唔得,就試第二隻藥,當隻龜是實驗品.
這樣叫尊重生命嗎?
作者: lktq    時間: 2013-2-3 00:06
主人自主權在手，沒人迫沒人誘，主人大可找醫生，他選擇了跟Tonycha的方法，那當初一定有他的理由呢。而且跟足了，就一定康復嗎？還有很多因素呢…個體狀況，環境，年紀，病情等等。自己不去反省為何龜會病到這樣，反而怨別人，這種心態要不得要不得。

不過看到兩位ching的 "討論"，也讓我們獲益不少喔 ~

幸好我一直都不愛分享自己怎樣做setting，免得別人set錯了，死了龜誰負責…亦都因為這樣，很多老手都離開了這個論壇…可惜可惜。
作者: benlc    時間: 2013-2-3 00:17
alexwong2012 發表於 2013-2-2 23:48
我唔會教人杜蟲.1我唔係醫生,2我唔想做罪人.

And我想講好耐,你地成日話龜唔係玩具,唔係拎來玩.

分享唔需要太過刻求，你可以註明一切，同時罪唔罪人又有咩關係呢，廣大的龜友都知有獸醫，如今要信從網上的心得，也是負上一定責任，若是這樣就當上罪人之名，可以講很多都係罪人，抱著這個心態跟本只有靚相分享，沒有經驗之談，你問我嗎？我怕當罪人，不懂不懂!!
每個人觀點不同情況亦不同，根本不是試藥，是用藥，當然沒有經驗的又不很找料可以叫亂黎，希望你都會分享下等我學下野都好。
作者: 神秘俠    時間: 2013-2-3 00:21
M藥是有用治療原虫的，我的豹龜昨日才治療康復中
但要注意：買藥的份量、用藥的份量、治療過程、用藥後要BAC、及早治療......等等
當然，也可選擇去睇E生啦~~~
個人意見，不喜勿回~!
作者: alexwong2012    時間: 2013-2-3 00:28
lktq 發表於 2013-2-3 00:06
主人自主權在手，沒人迫沒人誘，主人大可找醫生，他選擇了跟Tonycha的方法，那當初一定有他的理由呢。而且 ...

我完全認同,所以我都唔會亂教人e樣果樣,真係死了龜誰負責,朋友還好,唔識的可唱你一世.
某醫生近來,成日對人說:我自已都養死龜,唔養啦~~~~
我聽到後個心好唔舒服,我明解他點解會說這番話...
作者: tonycha    時間: 2013-2-3 00:37
本帖最後由 tonycha 於 2013-2-3 00:50 編輯
lktq 發表於 2013-2-3 00:06
主人自主權在手，沒人迫沒人誘，主人大可找醫生，他選擇了跟Tonycha的方法，那當初一定有他的理由呢。而且 ...
幸好我一直都不愛分享自己怎樣做setting，免得別人set錯了，死了龜誰負責…亦都因為這樣，很多老手都離開了這個論壇…可惜可惜。

大家上黎分享經驗, 有人醫好, 亦有人醫死.  所以我過去1年都冇分享經驗.  只不過見神秘俠話唔會去睇醫生,同埋佢話見Jelly屎,佢想買掃蟲王,所以我先至出聲。

你講得岩, 分享經驗冇著數, 死了龜誰負責?  好多老手都離開了這個論壇…

有邊個敢寫包單一定醫好?  有龜友去睇果位出名既爬醫都有R.I.P case啦.
作者: alexwong2012    時間: 2013-2-3 00:52
神秘俠 發表於 2013-2-3 00:21
M藥是有用治療原虫的，我的豹龜昨日才治療康復中
但要注意：買藥的份量、用藥的份量、治療過程、用 ...

小小題示你.(我唔係黑心)
希望你隻龜本身原蟲數量好小,
因龜可以反反覆覆,你e兩日杜完可能又食番野,但有機會一星期後再爆過,
所以你要好留意隻龜,和這段時間不要理他,他喜歡做乜又佢做,等他靜養.
如果日後真番爆真的要找醫生杜,確保體內原蟲减到最小or冇.
還有杜蟲後康復期好長,我試過兩個幾月,有師姐試過三個月(這情況是指爆到好勁冇100都有90個啲)
作者: alexwong2012    時間: 2013-2-3 01:25
神秘俠 發表於 2013-2-3 00:21
M藥是有用治療原虫的，我的豹龜昨日才治療康復中
但要注意：買藥的份量、用藥的份量、治療過程、用 ...

體內長期是否可以冇原蟲,我就唔知,我有隻哥紅和星杜到吸啲屎出來照,清到............一絛都冇.
我隻哥紅病時4cm大,現在半年已8cm,隻星兩個月前杜,現在都大左半cm,重好肥.......
作者: alexwong2012    時間: 2013-2-3 01:39
本帖最後由 alexwong2012 於 2013-2-3 01:48 編輯
tonycha 發表於 2013-2-3 00:37
大家上黎分享經驗, 有人醫好, 亦有人醫死.  所以我過去1年都冇分享經驗.  只不過見神秘俠話唔會去睇醫生, ...


某醫生近來,成日對人說:"我自已都養死龜,唔養啦"~~~~能醫不自醫 :)

睇得出你冇乜同情心,他說話是有骨架.

他因得盡心盡力去醫龜,醫好有幾多個真真正正多謝他,只會話他收費貴,醫好隻龜是醫份的.
醫唔就比人係網上係咁唱.
當你在診所望住他背影,聽到他講出這說話,你就...........同你講都晒氣.對牛彈班.

所以我好多時見到衣d乜蟲物蟲的post,睇完就算,話你知重要話我吹水......

還有上次見到你係佐龜個post,話賣隻真黃腿來串人,我睇完都即閃,有冇搞錯..............我記得沒師兄認真答你.



作者: 雪嵐    時間: 2013-2-3 01:56
火水. 發表於 2013-2-1 18:27
回復 密瓜荳奶 的帖子

掃蟲王只能杜寄生蟲而已，杜原蟲要用M藥

m藥全名係乜？
作者: alexwong2012    時間: 2013-2-3 02:38
雪嵐 發表於 2013-2-3 01:56
m藥全名係乜？

抄左我張貓紙落電腦,印出來拎去藥房便是.
作者: tonycha    時間: 2013-2-3 04:07
本帖最後由 tonycha 於 2013-2-3 06:28 編輯
alexwong2012 發表於 2013-2-3 01:39
某醫生近來,成日對人說:"我自已都養死龜,唔養啦"~~~~能醫不自醫 :)

睇得出你冇乜同情心,他說話是有骨架 ...

唔知道踩親你邊條尾?  最早係你出post串串貢,話咩M藥杜壞腸胃。 冇根據就唔好亂up啦。

你有錢, 少少野就鍾意睇醫生, 但係呢度好多人係中學學生哥, 窮家子女, 低薪打工仔, $800杜一次原蟲一隻龜, 唔係個個負擔得起ga!  而且所有動物一改變環境(岩岩買返黎,環境變化太大)、或緊張、或太逼 就會爆原蟲! ~畜牧業經常發生, 所以常餵M藥落飼料,你食既肉類一定含有M藥。

幫下窮人都比你串?  有頭髮邊個想做辣厘啊?

你可以講, 養得龜就要負責, 包括睇香港維一既名爬醫!  咁唔通窮人就唔可以養龜啊?!!  窮人就唔可以結婚生仔啊?  不如你試下咁同D窮人講: "喂, 你唔帶個仔去睇養和醫院, 咁好心就唔好生仔啦!  公立醫院每年幾多醫療事故啊!"

有人頭痛, 上網問下點算好?  跟住有人覆: "落去藥房買必X痛啦, 食一粒15-30分鐘後就會止痛ga啦.",  你就突然彈出黎講: "頭痛呀?  食必X痛未必止得痛ga!  其實仲有其他藥可以止頭痛ga!  去養和睇醫生啦!  佢地醫生全港最top.  而且仲教我點去食頭痛丸!  我係唔會教人既!  頭痛你就要去睇醫生, 頭痛可以好大劑ga!",  "仲有啊, 我個friend 聽網上D人講話咩,頭痛食頭痛丸止痛, 結果我個friend狂食左50粒, 出左事, 你話頭痛丸係唔係好毒呢????!!!!!  咁毒既藥, 就唔好叫人食啦.  所以頭痛一定要睇醫生!"
作者: tonycha    時間: 2013-2-3 04:29
本帖最後由 tonycha 於 2013-2-3 04:37 編輯
alexwong2012 發表於 2013-2-3 01:39
某醫生近來,成日對人說:"我自已都養死龜,唔養啦"~~~~能醫不自醫 :)

睇得出你冇乜同情心,他說話是有骨架 ...
"還有上次見到你係佐龜個post,話賣隻真黃腿來串人,我睇完都即閃,有冇搞錯..............我記得沒師兄認真答你."

"還有上次見到你係佐龜個post,話賣隻真黃腿來串人,我睇完都即閃,有冇搞錯..............我記得沒師兄認真答你."

我相信上次你誤會左, 上次有個師兄買左 真黃腿, post 相片出黎, 我讚佢, 問佢邊度有得買?  買返黎串下D 賣 假黃腿 既不法商人都好啊!  結果個師兄答左我!

個因由係: 一年前, 好多人買左好多 假黃腿 -(黃色腳既紅腿), D不法商人賣黃色腳既紅腿, 就騙人係 真黃腿.  結果我有份大力推返, 串佢地話黃色腳既紅腿唔係真黃腿.  點知就惹來好多打手來串我.
http://www.hkturtle.org/forum.php?mod=viewthread&tid=31634&highlight=%E9%BB%83%E8%85%BF

我以家話: "買返隻真黃腿來串人都好wor!", 其實唔係針對你或果位師兄!  你地兩個既黃腿係真黃腿, 而且好靓!
作者: tonycha    時間: 2013-2-3 05:03
本帖最後由 tonycha 於 2013-2-3 05:22 編輯

回復 神秘俠 的帖子
體內可唔可以冇原蟲?

請看外國的豹龜護理網:
http://www.chelonia.org/articles/Mistypardaliscare.htm

佢話: " Internal parasites:  Tortoises in captivity are infamous for harboring parasites, both worms and protozoa. Some of them can harbor many different parasites without coming to any harm as long as the animal stays stress free and well nourished. Many tortoises in the wild are infected with protozoa in small numbers.  If this tortoise is removed from his habitat and kept in captivity, it is quite likely that this will cause stress, which in turn affects immune response. This creates an ideal environment for parasites to flourish and cause disease."
豹龜出左名如果在室內養,就一定有好多寄生蟲同埋原蟲數量!  但係如果冇壓力或者營養足夠既話, 就唔會出事, 可以共存.  野外的豹龜反而好少原蟲數量寄生!  當野生龜被放在室內養, 就會帶給他們壓力, 而壓力就會減弱抵抗力, 咁D寄生蟲同原蟲就會爆炸繁殖, 引來疾病!
"stress (such as a change of environment, diet or aggressive companions/other animals), adverse weather, no access to water, and undue handling."
壓力包括: 好似新買返黎、改變環境、改變食物、或者其他同箱既龜有敵意、攻擊、天氣變化、平時冇水飲、主人成日攞上手玩佢地, 都會爆寄生蟲及原蟲!

認為完全殺得死原蟲既人好幼稚!  水中、空氣中、菜、水果、底材裡面、大便、尿液中, 都有原蟲!!!  就好似所有龜大便中都有益生菌一樣道理!  只能夠共生, 達至平衡數量, 無法100%殺死佢地.  壓力係爆原蟲既主要因素!  M藥只能暫時大量減少原蟲數量.  長遠還需要靠龜既抵抗力及益生菌去平衡數量.
點解我地所有人都成日講 "爆原蟲" ?  而唔係講 "有原蟲" ?  咁係因為龜體內永遠都有原蟲, 只係數量多少既問題。
作者: alexwong2012    時間: 2013-2-3 05:38
本帖最後由 alexwong2012 於 2013-2-3 06:32 編輯
tonycha 發表於 2013-2-3 04:07
唔知道踩親你邊條筋?  最早係你出post串串貢,話咩M藥杜壞腸胃。 冇根據就唔好亂up啦。

你有錢, 少少野就 ...

我只可以話你知,你睇得太表面,幫人唔係教人亂食藥,幫人是要拎個心出來和要負出.唔係在寫幾隻字咁間單.
我唔係你想像中有錢,我買龜啲錢是多年留起,醫龜啲錢是我每晚造得好累得來.
住養和好玩嗎?話你知我住過好多次,好大壓力,每次都要醫生想辦法替有我save啲錢,盡量唔用養和的用品,把錢盡量放係床位費和手術室,儀器上.我亦冇必要話你知我什麼病,只可話你知我唔彩患了全世界病例好小的泌尿科病,全香港冇公家醫院可以醫到我,亦有馬利醫院得知有位美國回來的教授對這病有研究和接足過患這病的人,但好唔好彩他是私家醫生,做親手術都要養和.
每次做手術都五萬,十萬咁去,咁我可以點,比唔起等死?!去藥房買啲藥試,上山找山草菜藥,但我選的路是面對現實,想辦法揾多啲錢,唔好話800,十萬都揾,要在這世界生存就係咁,努力向上抓揾出路.
當然到今日有自已的online shop,揾到錢醫自已,醫龜,背後是有好多護士,醫生,朋友支持,唔係我一個人的成果,我主診醫生亦善心人,定期上內地幫患了嚴重的泌尿科病小朋友免費醫病,亦親見過他從內地帶個小朋友到養和做手術,費用就由我醫生支付,
所以我被他感染,知道乜野叫幫人,定期找啲玩具給小朋友.
我現在的一砌不是我阿爸留給我的,是努力得來,窮人有幾苦我比你清楚十倍.

講回龜,我亦有幫過龜友,但方法不一樣,我有試過借錢比朋友龜友帶龜去睇醫生,在這檀裹我都有主動幫人,你可以PM快快長大師兄,他兩隻龜睇左一次醫生,沒錢覆診自已買藥最後死左隻,我見到咁好唔安樂,我就通知他,我幫你帶隻龜去睇醫生,費用我比左先,需然最後太遲救不到,但我同快快師兄都盡左力了,豹仙仔要走我們都冇法改變現實.快快師兄都係窮人,他都願意帶隻龜去睇醫.真的窮還好,有錢買成千蚊隻龜,話冇錢去睇醫生,轉個頭就去買部靚相機去影龜的大有人在.
我絕對不會寫大編野叫人出去買成藥醫龜,教人買吓啲保健野還可以.

還有我在政府醫院治療期間,不停試e樣果樣,你知道有幾辛苦嗎?我係人都頂唔順,唔好話龜.

Ps; 如果你覺得我又吹你水,我可以影我日日要用的尿喉,尿袋,出街用的放脚的尿袋你睇.
作者: 雪嵐    時間: 2013-2-3 16:00
alexwong2012 發表於 2013-2-3 02:38
抄左我張貓紙落電腦,印出來拎去藥房便是.

thx
  


   
作者: sulley    時間: 2013-2-3 16:56
其實用藥又好, setting又好, 都係千祈唔好亂分享經驗, 唔係整死人地D龜就唔係幾好, 大家鍾意點就點,係依個壇剩係多D分享靚相咪幾好!
作者: lktq    時間: 2013-2-3 22:56
沒有經驗分享，哪來windleaves紅土及金錢草粒？iamnero及waiman對燈及植物的認識？哪來濕糧混菜、溫度階梯、反轉磁磚當底材、高濕高背、射膽不含UVAUVB、爆原蟲的原因、不同藥的認識… 只有他們無私的分享，大家對養龜才有更多更深的認識，不用被某些店員欺騙，是對個人及對論壇的質素有所提升。

別人分享甚麼，你跟與否，是自己的事，自己不懂，就只得信其他人，要懂得判斷甚麼是好是壞，就請多爬文多分享多研究，對我來說這才是養龜的樂趣…
作者: ricoleung    時間: 2013-2-4 03:24
lktq 發表於 2013-2-3 22:56
沒有經驗分享，哪來windleaves紅土及金錢草粒？iamnero及waiman對燈及植物的認識？哪來濕糧混菜、溫度階梯 ...

贊成 深感認同
作者: alexwong2012    時間: 2013-2-4 07:02
lktq 發表於 2013-2-3 22:56
沒有經驗分享，哪來windleaves紅土及金錢草粒？iamnero及waiman對燈及植物的認識？哪來濕糧混菜、溫度階梯 ...

分享係可以分享,但會道至死龜的藥物就最好不要分享,咁大個人應識分什麼叫安全和危險,
例如醫生開200mgM藥比我啲紅腿,紅腿生體強健可頂得須,唔通你養隻星又食200mg,星出名不能低受藥物煎熬,到時死左隻龜可以怪邊個?
我身體平時要四至六粒Tramadol來止痛,唔通我又上網同人講:你止唔到痛呀!食六粒Tramadol啦包店,人家食到死肝店算!
作者: choichakyam    時間: 2013-2-4 07:20
回復 jacky123 的帖子

我都想知,幾$左右??
作者: dondon    時間: 2013-3-16 01:38
上網都查過下M藥的資料:
最常見的副作用為：頭暈（1％至4％）﹑頭痛（5％至18％）。其它可能副作用包括：嘔吐﹑腹瀉﹑胃部不適﹑食慾不振﹑口乾﹑口有金屬味﹑尿液變紅褐色﹑舌頭刺激﹑味覺改變﹑噁心﹑腹部抽痛﹑陰道輕微的發癢灼熱或刺痛(陰道錠劑或栓劑)等。這些副作用，通常在服用藥物一陣 子後，應該會漸漸地消失;不過，如果這些副作用強到困擾你的程度，或者經過一段時間後，還不能完全消除，就應該通知醫師。

如果怕龜龜有以上作用就真的唔好試了。比得起錢未睇醫生LOR,但其實見到台灣都有好多養魚人仕駛用了, 可以自己去求證,用唔用自決LA
因為此終唔係個個都識用!

自身經驗,不喜勿插,
豹仔唔食野好幾日又成日訓,有d擔心,試左m藥,一日後都係勁訓(我想係頭暈（1％至4％）﹑頭痛（5％至18％）),
但第2日就開左少少口食野,之後就...觀察中^^到而家都無咩問題!(唔排除之後會出問題)
中肯的分享,多謝


作者: amyjai    時間: 2013-3-16 02:42
回復 豆腐玉女 的帖子

唔止豺.. 盾都有＄380 ？！？！？！
作者: 米高佐龜    時間: 2013-3-16 03:22
本帖最後由 米高佐龜 於 2013-3-16 03:47 編輯

回復 ricoleung 的帖子

我成日上龜壇睇嘢，睇到好多有用嘅文章、理論及 人生百態……其實我兩種方法都試過，睇醫生其實係好事，醫生用藥一定比我地準確好多，我都睇過好幾次，但有時約唔到，驚龜龜等唔切，都要自己試下！
Tony嘅方法我都用過，亦都救番我幾隻龜，多謝佢先！但太弱嘅龜，自己冇信心，約到就當然會睇醫生啦！

我遲下又帶龜龜去睇醫生，我好想帶哂八隻去檢查，但能力有限，只能帶四隻，所以我好想好想講，有錢多好，龜龜又可定期檢查，有病又唔洗怕…
但其實我冇咩錢，如果唔係龜龜有事，我真係唔會帶佢睇醫生…
結論就係：如果龜有病，我會盡量帶佢睇，咁如果冇錢就當然自己醫啦，有左小小經驗嘛！
所以希望多D高手分享下，唔好等我地D窮主人估估下、又冇錢帶佢地睇醫生，真惨！起碼冇錢睇醫生，又買左龜嘅龜友，唔好睇住隻龜等死…功德無量，謝謝各高手！！！
作者: alexwong2012    時間: 2013-3-16 03:32
米高佐龜 發表於 2013-3-16 03:22
回復 ricoleung 的帖子

我成日上龜壇睇嘢，睇到好多有用嘅文章、理論及 人生百態……其實我兩種方法都試過 ...

我開始覺得啲人心理不平衡.
唔教唔幫,又話人唔分享,買埋儀器幫人,又心胸窄單打人.
哎~~~~冇心機了,以後都睇病龜post.
作者: 米高佐龜    時間: 2013-3-16 03:33
本帖最後由 米高佐龜 於 2013-3-16 03:45 編輯

回復 ricoleung 的帖子

睇完這帖，令我諗想兩個人：李卓人、曾俊華…
李卓人話：派$6000，我地香港人唔希罕呀，我心浮現左兩樣嘢，1 就係四個大字，2 你唔希罕呀，我希罕呀，你比埋我呀，契弟！！
財爺話自己係中產，但佢年薪其實高過奧巴馬…
結論就係，生活喺有錢世界嘅人，佢根本唔會理解窮人、底下層嘅難處，就係咁簡單(*˘︶˘*)
作者: 米高佐龜    時間: 2013-3-16 03:40
回復 alexwong2012 的帖子

其實你好好心，我好欣賞架，但，唔係個個有錢睇醫生架，好似我遲下去余醫生度，要洗五六千蚊架，試問有幾多個可以成日去睇…當然，我有能力嘅情況下，會搵余醫生啦，但冇能力嘅呢，又可以點？？
所以養寵物真係要諗清楚！！！
作者: 米高佐龜    時間: 2013-3-16 03:49
回復 ricoleung 的帖子

其實樓主隻龜龜點呢，好番D未？
作者: alexwong2012    時間: 2013-3-16 03:50
米高佐龜 發表於 2013-3-16 03:40
回復 alexwong2012 的帖子

其實你好好心，我好欣賞架，但，唔係個個有錢睇醫生架，好似我遲下去余醫生度， ...

我明天都幫朋友帶養星龜去覆診,順便帶一些影到的蟲片去請教醫生,邊啲蟲要杜,邊啲唔洗度.
其實睇醫生真係可以學好多野,
你未話想知啲龜屎有冇蟲,如果帶唔晒啲龜比醫生,你比我都可以幫到手.
作者: 米高佐龜    時間: 2013-3-16 03:53
本帖最後由 米高佐龜 於 2013-3-16 03:56 編輯

回復 alexwong2012 的帖子

都好喎，多謝你先！！！夜啦，大家早料吧！！！我聽日又炒到底褲都濕啦，所以要瞓，晚安各位
作者: alexwong2012    時間: 2013-3-16 03:59
米高佐龜 發表於 2013-3-16 03:33
回復 ricoleung 的帖子

睇完這帖，令我諗想兩個人：李卓人、曾俊華…

衣度啲人成日覺得我有錢,其實我冇,住政府單人單位,患病做左大半個太監,冇仔女冇老婆,冇去溝女,所以開支小,咁就全部放晒落啲龜和病重童到.
作者: 米高佐龜    時間: 2013-3-16 04:00
本帖最後由 米高佐龜 於 2013-3-16 04:02 編輯

回復 alexwong2012 的帖子

你有能力幫人、龜係好事，功德無量！！！救龜一命，勝造七級浮屠…係大功德黎架！
作者: RickyLee    時間: 2013-3-16 04:04
養寵物本身就是預要消費的,生病的開支在養之前應已預計在內,如果連這一點在經濟上也不能支持,那一開始有"養”這想法就是錯的啦，害了生命哦! 貧苦咪儲夠錢先養囉，睇獸醫既付出都冇就要怪人家不分享獸醫杜虫方法,這不可怪人,要怪就怪曾俊華唔派多6000比大家攞隻生了病的龜睇醫生啦
作者: 米高佐龜    時間: 2013-3-16 04:14
本帖最後由 米高佐龜 於 2013-3-16 04:16 編輯

回復 alexwong2012 的帖子

原來係咁…所以每人各有各故事，做一D自己認為啱，又唔影響到人嘅嘢，心安理得就可以吧，唔洗理人點睇！
我有家庭，又學人有理想，所以條路都行得好辛苦…但其實諗諗下，都唔苦！！！聽下悟、常言道、睇下老莊，依D佛道名註，可能會覺悟到道理出黎…有人好認同道家思想嘅 無為，佢走去問個道家高手，高手就同佢講：無為係高、係好，但過住認同一樣嘢，就變左執念…佢就恍然大悟了…有時景隨心轉，換個角度睇，就會睇到好多，從前未見過嘅嘢…
作者: 米高佐龜    時間: 2013-3-16 04:19
回復 RickyLee 的帖子

又係喎，高手、高手！
作者: dragonkomodo    時間: 2013-3-16 04:34
本帖最後由 dragonkomodo 於 2013-3-16 04:39 編輯

回復 米高佐龜 的帖子

我地可以幫倒幾多人?  我地可以幫倒幾多龜?  我地可以施捨/救倒幾多龜?

當年在英國,每年學校都捐錢捐奶粉給非洲飢民,我地老師話, "比魚佢地,不如教佢地釣魚!", 結果有一批人去左非洲教佢地自己利用猛烈的太陽養螺旋藻, 救回無數營養不良的兒童.

同樣, 贈 醫 施 藥 , 不 如 教 佢 地 setting + 用 藥 !

點知個獸醫王, 日日單打人, 成日都提倡 睇醫生 睇醫生 睇醫生 睇醫生 睇醫生 睇醫生 睇醫生 用$200以上貴藥 用貴藥 用貴藥 用貴藥 用貴藥 用貴藥

鬼唔知你老母係女人咩, 有頭髮邊個想做喇哩?!  呢度大把窮人 + 中學生 !!!
作者: 米高佐龜    時間: 2013-3-16 04:35
本帖最後由 米高佐龜 於 2013-3-16 04:40 編輯

回復 RickyLee 的帖子

預計，你都低能嘅，你可以今日家財萬千，但你亦有可能聽日做乞兒…預計…你計下六合彩聽日開幾號、金正恩條肥仔導彈射錯左，睇去你屋企>< 幾時世界未日呢…
唔好話龜啦，人呀，姐係你呀，有時病都冇得醫啦，醫生都唔知咩事，點預計呀？？？
預計，你瞓醒未呀？大哥，定發緊夢做預言家呀(´･_･`)真係瞓瞓下都忍唔住串下你，正一小喇叭(*^o^*)
作者: dragonkomodo    時間: 2013-3-16 04:48
本帖最後由 dragonkomodo 於 2013-3-16 04:50 編輯
米高佐龜 發表於 2013-3-16 04:35
回復 RickyLee 的帖子

預計，你都低能嘅，你可以今日家財萬千，但你亦有可能聽日做乞兒…預計…你計下六合 ...

講得冇錯!  點預計?  而且香港獸醫, 特別係爬醫, 貴過人醫2-4倍!  連照X-光都貴2倍!  住院仲死,有排斬你.  一個唔該生石, 冇幾萬都搞唔店, 生還率仲要得40%-50%.
作者: 米高佐龜    時間: 2013-3-16 04:57
本帖最後由 米高佐龜 於 2013-3-16 04:58 編輯

回復 dragonkomodo 的帖子

我只預計到盾有可能結石，所以我幾鍾意都唔養…條友真係九唔搭八…
當然，如果我嘅龜有事，我又搞唔掂，我一定會帶佢睇醫生。我嘅龜都好幸福架，我成我會比最好嘅嘢佢地！
作者: 米高佐龜    時間: 2013-3-16 05:02
回復 dragonkomodo 的帖子

好似早排有個龜友，佢係新移民，佢pm問我隻龜病點算，我叫佢打比我，我都叫佢睇醫生，佢話冇錢，咁唔通我同佢講：冇錢唔好養嘛！！！
咁我咪將我認知嘅，話佢知，唔識就問我朋友…
作者: dragonkomodo    時間: 2013-3-16 05:13
本帖最後由 dragonkomodo 於 2013-3-16 05:57 編輯
米高佐龜 發表於 2013-3-16 05:02
回復 dragonkomodo 的帖子

好似早排有個龜友，佢係新移民，佢pm問我隻龜病點算，我叫佢打比我，我都叫佢睇 ...

香港已成為M型社會.  基本上寵物店都係target D有錢人, 藍山就係其中, mark高D價, 前後左右玩壟斷.  仲有D人玩網上壟斷價格.  獸醫也都是係target D有錢人!

唔通窮人, 窮學生, 唔養得龜?  唔可以有寵物?

17年前我初中玩水龜,陸龜時,$1500隻非洲龜! 當時既$1500好Q貴!  但民間都有D爬店開始賣平價龜比學生同窮人玩.  火水版主&超人&一夜白髮仲教人醫龜, 救左無數龜.  大家在經驗中、上網中、外國網、台灣網、大陸網、前人經驗中、醫書中、睇完醫生後, share知識出黎, 呢個網教識&救左無數咁多窮人&學生的龜龜!

所以大家都出一分力, 維繫呢個傳統落去, 而唔係show off自己, 單打別人, 動不動就叫人去睇醫生、買貴藥、買新藥, 買貴補品、新出既補品、醫生用既靓貓狗益生菌。其實好多藥在藥房好平, 1-2蚊雞, 又有保障, 葡萄糖最近加左價藥房都係$20一大罐.  好多窮人窮學生都係用保礦力浸D龜.
作者: alva0914    時間: 2013-3-16 22:35
容許我講一句，其實Alex師兄同Tony師兄都係勁愛龜而且放好多心機去研究佢地嘅生活習慣、點去救病龜，只係有時意見或經驗上有唔同，其實你兩位如果可以心平氣和地分享經驗，我地各龜友實在好幸福，比如中/西醫醫人都有唔同方法，分享左後讀者buy邊种方式就交返比讀者好了，大家都係有愛心之人，開心D平息呢D小風波啦
作者: Eric__po1018    時間: 2013-3-18 15:43
師兄隻盾b好番未？如果未好番可以賣比我。
作者: dondon    時間: 2013-3-23 13:48
dragonkomodo 發表於 2013-3-16 05:13
香港已成為M型社會.  基本上寵物店都係target D有錢人, 藍山就係其中, mark高D價, 前後左右玩壟斷.  仲有D ...

對症下藥，有些時候真的要睇醫生的，例結石要開刀，
但一般杜蟲，咁去一去都好貴
真正可以自己就自己來啦
作者: dragonkomodo    時間: 2013-3-23 14:34
本帖最後由 dragonkomodo 於 2013-3-23 17:42 編輯
dondon 發表於 2013-3-23 13:48
對症下藥，有些時候真的要睇醫生的，例結石要開刀，
但一般杜蟲，咁去一去都好貴
真正可以自己就自己 ...

就算結石, 開殼、開刀、打開骨頭、打開膀胱, 除左要付幾萬元長遠費用之外, 龜龜痛苦, 開殼後 生還率得返50%.  不如找中蜂師兄取石?!!
http://www.hkturtle.org/forum.ph ... 1304&extra=page%3D1
作者: dondon    時間: 2013-3-23 22:25
本帖最後由 dondon 於 2013-3-23 22:26 編輯


總有些時候要對症下藥ge, 要睇主人的智慧判斷了。
醫到當然平些好啦
唔知以為佢吞左乒乓波
作者: alexwong2012    時間: 2013-3-23 23:00
dragonkomodo 發表於 2013-3-23 14:34
就算結石, 開殼、開刀、打開骨頭、打開膀胱, 除左要付幾萬元長遠費用之外, 龜龜痛苦, 開殼後 生還率得返50 ...

又係一知半解,中蜂ed size石去余醫生到都唔洗開殼,係好似摟上師兄的兵乓波先要開殼,除非窒到好入的位置,當然睇有牌e生貴好多,但安全好多咼!如真係失手剪到條腸出晒血或特然呼吸困難,一間有牌診所都有足夠設備搶救,中蜂間鋪................sorry,如有得罪請見諒..
作者: ricoleung    時間: 2013-3-26 09:52
米高佐龜 發表於 2013-3-16 03:49
回復 ricoleung 的帖子

其實樓主隻龜龜點呢，好番D未？

好番鳥...
作者: ryoryoryo    時間: 2013-3-26 10:41
回復 ricoleung 的帖子

真係好喇~ 最重要係龜好番..
作者: ricoleung    時間: 2013-3-26 13:49
謝謝各位關心



歡迎光臨 香港龜友論壇 (https://hkturtle.org/) Powered by Discuz! X3.2