香港龜友論壇

標題: 如果大家愛你既龜龜....請入黎睇睇 [打印本頁]

作者: Krauss 時間: 2013-2-19 20:51
標題: 如果大家愛你既龜龜....請入黎睇睇
我想講返關於呢幾日我帶隻盾臂龜睇醫生既事......

我隻盾今年3歲半....我養左佢都3年喇...
近半年開始,佢生殖器有時會伸左出黎...但係好快就縮返入去....
而我最擔心既係佢會唔會係脫肛...因為我知如果係就要睇醫生...
上網做過SEARCH...知道佢會縮入去可能係仔仔...所以當初唔係太擔心。
但我始終覺得佢似女...因為佢底甲係好平坦...亦冇再去考究佢既性別。

前日晚上發現佢生殖器再次伸出...但係好耐都冇縮返入去...
我就開始幫佢浸水...都冇縮入去...咁我就由佢啦....
直到第二日朝早都仲係咁....我開始擔心會唔會係脫肛...
我上網搵左幾間獸醫診所...然後打電話去問佢地有冇醫開龜龜...
結果我搵到一間...因為我要返工既關係...我叫我太太帶龜龜去診治...
之後發生左唔係咁愉快既經歷...

當我太太帶隻盾到左間診所..正常程序登記之後等睇醫生...
到入房見醫生...醫生冇望隻龜...
問佢幾歲 (我太太答3歲半)...有冇生過蛋...(冇)...
問係咩性別...(我太太話都唔係咁清楚,話可能係仔)
問咩事睇醫生..(我太太話好似係脫肛)
之後醫生冇講咩...開始睇隻龜...

睇左陣話下面發炎...幾嚴重,要開刀塞個肛門入去,要聯針,打麻醉針....
做完手術之後要做9次覆診同打針,再講下有咩風險...
(最搞笑係我太太問佢收費...佢就同隔離既助手商量每一PART要收幾錢)
我太太聽完就覺得唔妥...即刻話要打比我商量下...

接通後..佢地搵左做RECEPTION個女仔同我傾...
我問佢而家隻龜係未脫肛...(竟然答我唔清楚)
我問係未好嚴重...如果係盡快做手術...錢唔係問題...
(聽完我咁講..個女仔說話速度即加快)
話唔可以即刻做手術住,要幫佢下面消炎先,過一晚睇下有冇好轉,再決定聽日或後日先做...
我話如果嚴重就盡快幫佢做啦..佢好似好辛苦..仲要捱多晚,個生殖器會唔會壞死...
跟住話要消左炎先做得...如果做就而家做BOOKING...跟住幫佢照X-RAY,BODY CHECK等等...
然後話做完手術之後要做9次覆診同打9次針...每次收幾錢等等...
我話我隻龜不嬲都好健康...如果康復進度好..係未唔洗做咁多次覆診同打咁多次針..
(因為我都要返工..唔係成日得閒...)
佢話..唔得喎...呢D規定左係做咁多次...如果唔做就冇效...
(呢個時候,電話邊聽到我太太話個女仔..話佢講個收費同醫生講既有出入...個女仔即話我太太:我而家同你先生傾緊,你唔好插嘴..)

我開始唔放心...我覺得佢地似係想搵錢多D...我就話比返我太太聽電話...
我話我而家再搵第二間診所問問...唔好BOOK做手術住...
然後叫佢開D藥比龜龜...再返屋企先...

之後我成功搵到另一間診所有醫開龜龜...不過個醫生放假要聽日先返到工...
咁我就約左第2日帶隻龜龜上黎睇醫生...
當晚龜龜下面都係冇縮入去又唔食野...我覺得佢好痛苦...心都痛埋!

第二日我太太即刻帶左龜龜去呢間診所...
個醫生一睇...就話龜龜唔係脫肛喎...又話佢幾健康...
原來龜龜係女...因為興奮所以個器官伸左出黎想交配...可能磨損左少少發炎...唔係咁大問題。
跟住用左唔洗兩分鐘就將個器官塞返入去...然後話需要幫隻龜龜聯針令個洞冇咁大...
佢話冇壞死唔需要切除...切左以後冇得生育...同埋打麻醉針都有生命危險...
之後即刻幫龜龜做手術聯左針...最後交帶我太太返到屋企點樣去護理隻龜龜,解釋得好詳細。

我太太即刻心都痛晒,原來係咁快可以醫好,點解仲要龜龜受多一日痛苦...
而家我隻龜龜開心返晒...返到屋企肯食野仲爬黎爬去...我真係好多謝個位醫生!!

我今日講返呢件事...唔係想唱衰邊間診所邊個獸醫...
我凈係想講...醫者父母心...雖然佢地唔係人只係一隻龜...
但係佢地都有生命架!!佢帶比我地歡樂架!!呢D野錢都買唔到!!
如果可以救返佢地令佢地冇咁痛苦...點解唔去做?!
搵錢係重要...但係生命應該放係第一位...
救到條生命..我唔介意幾多錢!!錢冇左可以搵返!!但係生命冇左就係冇左!!

希望大家經過我今次既教訓...以後帶龜龜睇醫生可以小心D啦!!
如果有懷疑...不仿去多幾間診所..問多幾個獸醫既意見先...因為有D獸醫真係冇醫德!
都係個句...錢冇左可以搵返!!但係生命冇左就係冇左!!!

我隻龜龜做完手術後既相片...開始爬黎爬去...開心曬!!

作者: Zoeyoung 時間: 2013-2-19 21:02
恭喜;但可以講邊間診所好
thank you

作者: yuho 時間: 2013-2-19 21:02
本帖最後由 yuho 於 2013-2-19 21:05 編輯

好主人

真係D人為錢為到發哂狂
亂E龜龜都得GE
生命無價,我中一都識LE個道理

anyway========你的龜龜冇事IS VERY LUCKY!!!!

作者: zita 時間: 2013-2-19 21:04
我想知好同唔好的醫生分別在那裡~可以短信息給我嗎?

作者: 莫秋殤 時間: 2013-2-19 21:06
本帖最後由莫秋殤於 2013-2-19 21:08 編輯

十分認同你既講法...可以PM個名比我嗎...我都唔會搵佢......同埋你搵邊間搞既呢...順手PM埋,感謝~ >< 有事都知邊到睇呀嗎..唔洗比人當魚咁按...真係幾傷..唔係錢既問題....比人當白痴咁屈.....真係冇咩職業操守...

我隻盾仔好似都係柯屎個陣都整個野出來...(柯到條尾都出晒來...).比個位置你睇睇...

http://www.hkturtle.org/forum.php?mod=viewthread&tid=68004

.我都未知佢男定女....應該係女仔來.....
我仲以為..有條野就係男仔TIM..呵~

作者: Krauss 時間: 2013-2-19 21:22
回復莫秋殤的帖子

似女仔...底甲係未好平坦?
伸出黎未唔係仔仔...女仔都會有..可能係興奮時伸出黎既器官...
如果佢伸出黎要浸水令佢縮返入去,唔好令佢整損左,會發炎....
真係收唔返就要睇醫生,睇下塞唔塞到入去...醫生唔會動不動就話開刀架...

作者: 莫秋殤 時間: 2013-2-19 21:26

Krauss 發表於 2013-2-19 21:22
回復莫秋殤的帖子

似女仔...底甲係未好平坦?

去邊間睇呀大師........

作者: 龜大仙 時間: 2013-2-19 21:41
一切眾生平等動物也一樣功德無量

作者: red3fish 時間: 2013-2-19 22:02

最緊要龜龜康復,不良"獸"医通街都係,動物唔識表達,我地做主人要好好幫佢地把關,
最好之前係綱上sreach 下,自已有个idea先,唔到時比佢地老點

作者: 緣來是名龜 時間: 2013-2-19 22:51
請提供好果間診所名及地址，以便日後D龜需要時用。

作者: 緣來是名龜 時間: 2013-2-19 23:06
好呀﹗提供個獸醫聯絡方法，謝謝﹗

作者: tonycha 時間: 2013-2-19 23:44
你提供地域名我地就估倒啦. 第一間o係大圍? 第二間係土瓜灣?

作者: yammy_kk 時間: 2013-2-20 01:18
謝謝ching分享!不过如果可分埋名字更好!!

作者: 君臨天下 時間: 2013-2-20 01:33
我隻星龜女時常都申出生埴官出來,但一樣好健康,有些醫生為了搵錢什麼都可以做無良.

作者: Monkeyee 時間: 2013-2-27 13:19
請問可以PM好果間診所名及地址給我嗎?

歡迎光臨香港龜友論壇 (https://hkturtle.org/)