香港龜友論壇

標題: 珍藏分享！ [打印本頁]

作者: winnie3499hk 時間: 2013-4-10 01:51
標題: 珍藏分享！
本帖最後由 winnie3499hk 於 2013-4-10 01:54 編輯

http://www.youtube.com/watch?v=auK4f-5B8gU

事情來得如此的突然，心情也快將崩潰了！
但係既成事實既，點唔想接受，始終都要接受！
諗返係走前既一日，你仲食得，訓得，玩得，跳得，第二日既朝早就唔食野，下午都無有咩特別，直到夜晚，諗住同你去街，你卻用你最後既能力，行返入屋，不支倒地，呼吸非常急速，四肢已經無力，而且叫都無反應，事情比我想象中來得突然，我們立刻帶你去睇醫生。
當我地準備帶你去睇醫生既時候，小乳牛，睇到你躺在地上，不停咁摸你，想扶起你，而且係到大喊，仲叫我地帶佢去睇醫生，我都心知不妙了，唔通，小朋友真係會感覺得到？但係我還要強忍淚水，對佢講大話，講你只係覺得累，要休息一陣，Bingo，你唔會嬲我掛！
去到診所，醫生為你探熱，原來你已經在發高燒了，41度！抽血，照超聲波，得出既結果，原來諗住係腎衰歇既問題，點知不是腎既問題，驗血出來發現，白血球指數爆曬燈，一般正常有17000左右，你卻多出一倍有多，係三萬幾，而且白蛋白既指數卻異常既低，又貧血，照超聲波發現你胸部有積水，照超聲波期間，你突然抽筋，真的害怕你就咁走左，X-ray出來既，都見你胸部有積水，醫生大概估計這些積水係三樣野：1：血脂，2 ：膿液，3：腫瘤，第1同第3係最麻煩，睇住你咁辛苦既樣，真係好心酸，但係我不停咁同自己講，要堅強！至於係邊一樣問題，最後要直接係胸部抽出液體先知，結果，抽出黎既係類似血水既液體，不過好似係好耐既血水，唔係鮮紅色了。大約知道應該係腫瘤了，下一步，醫生要我地決定，要唔要做CT/MRI，睇下邊到有腫瘤。
睇到你已經處於一個失去知覺既狀態，辛苦既樣，真係唔想你再辛苦落去，諗左好耐，我地終於羅出勇氣，決定【放手】，唔想見到你再讓病魔既折磨，但係要我地講出黎，真係好難開口，但係就算幾難開口，都要講，不過，當我地ready同醫生講既時候，原來你已經悄悄的選擇離開，我地決定放手，你都唔俾我地講出呢個沉重既決定，你真係好愛我地。
摸著你仲暖暖既身驅，我地真係接受唔到！感激你呢五年幾既陪伴，雖然，你成日係屋企破壞，成日要我勞氣，甚至做過一件讓我好傷心既事，但係你仍然係我心中既乖仔！
我相信你現在會開心的，因為至少無病魔既折磨，唔再辛苦。
衰仔呀衰仔，希望你下一世，唔洗再做狗啦，哈哈，好白癡！不過真的出自真心！就算真係再做狗，你要乖呀！唔好成日咁頑皮！唔好要人鬧呀！最重要既係身體健康呀！知嗎！
你對於我地黎講，永遠都係我既屋企人！
如果要講，我諗我講幾日幾夜都講唔曬！我廢事你嫌我長氣呀！好多說話都在心中吧！
你既頑皮！你既影子！永遠在我們心中！
你放心啦，我地會用時間來治療我地既傷口架。

也許你選擇 2013-03-20 呢一日離開，係別有意思嗎？也許我領悟到了。呢句說話，你會想同
我地講嗎？！但係我地一定好想同你講：【愛你，一生深愛你！】
最後既，我只能制作呢段短片，黎紀念你。但由於技術上既問題，原先係配<Love Paradise>呢首歌架，結果整唔到。所以無聲都睇住先啦。

作者: Puiki 時間: 2013-4-10 02:11
每個主人都唔希望白頭人送黑頭人，但係現實就係咁殘酷，咁無情，另一個角度去睇，寵物只係比主人早一步去第二個地方而已，有朝一日，會係第二個地方再遇，再重逢，希望你拆哀順變

作者: jackielee 時間: 2013-4-10 02:16
本帖最後由 jackielee 於 2013-4-10 02:16 編輯

rip 我也知道好心痛、、、我的狗狗也是突然離開、但應該是老死、有18歲了、我好唔捨得、堅強面對、我也和你一樣、不希望他一世做狗、用心祝福他、不再受苦、能得善道、他離開了2年了、、都好掛念他、你要椌制自己情绪、放開心情、加油、

作者: kellyBB 時間: 2013-4-10 02:20
R.I.P

作者: 龜大仙 時間: 2013-4-10 02:22
不要太傷心因為有你的愛護狗狗的業障已除可以離苦得樂到另一個無憂無慮快樂地方生活所以希望你能將愛護動物的心延續下去總有一天你們會再相聚

作者: matt_zero 時間: 2013-4-10 02:36

RIP..... 佢只係去另外一世界...繼續開開心心...

作者: winnie3499hk 時間: 2013-4-10 03:09
回復 Puiki 的帖子

tks c hing，心情已經平伏左少少了。

作者: winnie3499hk 時間: 2013-4-10 03:09
回復 matt_zero 的帖子

係呀！佢去左好遠旅行

作者: winnie3499hk 時間: 2013-4-10 03:10
回復龜大仙的帖子

嗯，我都相信係咁，會緣既，我地實會相聚！

作者: winnie3499hk 時間: 2013-4-10 03:10
回復 jackielee 的帖子

謝謝關心！我會努力架！

作者: jefflamcy 時間: 2013-4-10 03:30
R.I.P
Be strong and never give up
one day you will meet each other

作者: casperwai 時間: 2013-4-10 04:10
提示: 作者被禁止或刪除內容自動屏蔽

作者: royleung1854 時間: 2013-4-10 09:13
回復 winnie3499hk 的帖子

我都係咁諗！！我會同我只松鼠狗相聚！不过係而家佢行先一步姐！？

作者: royleung1854 時間: 2013-4-10 09:15
回復 casperwai 的帖子

但係我覺得唔好留骨好啲！我希望佢留返條全C。。。

作者: winnie3499hk 時間: 2013-4-10 12:53
回復 royleung1854 的帖子

我都係咁諗，所以火化晒了。

作者: royleung1854 時間: 2013-4-10 16:31
回復 winnie3499hk 的帖子

啲骨最好唔好放喺屋企。。。

作者: Sa1046 時間: 2013-4-11 14:10
Rip

歡迎光臨香港龜友論壇 (https://hkturtle.org/)