香港龜友論壇

標題: 發現唔知岩唔岩 [打印本頁]

作者: 李子火鍋 時間: 2011-8-3 15:33
標題: 發現唔知岩唔岩

大多數人都係一個月換一次炭  (其實都幾搞笑,多OR少炭都係一個月...其實可能1X日就飽和你唔知嫁WO  )
成碌竹既竹炭  可以做裝飾果D  我用左成年發現一個好得意現象
新買返黎放落水會馬上彈起浮係水面 (之前一直搵野固定佢係水底,所以後期先知今次所講既發現)
之後用用下會彈起既速度慢左好多~ 同埋浮得無咁勁
我個缸大約一個半月左右碌炭就沉左係水度
再用多半個月左右佢又浮起左少少
換言之吸收越多唔好既野就越沉~  沉到落水就姐係話俾你聽佢飽和左~
因為我過濾器長期換炭,所以呢碌竹放返D野出黎我都唔怕,用作測試

不過呢個發現唔知岩唔岩,小弟讀得書少 0_0

今日去辨回鄉證~ 之後去左友緣  睇下隻大惡龜又係同上次一樣唔SO我
跟住再睇下其他,又見到果D 細隻到不得了既旦.....咩呢期興呢家野-.-?
買左命脈龜糧一盒60蚊  內有三包,傾左一陣間計就走左~
其實果位女士係中峰既妹定係老婆......我又唔好意思當面問-3-

依家我隻食蝸龜做左水底龜  上岸既時間少左....訓教居然係個龍宮裡邊訓黑殼(我隻刀背旦)變左無家可歸....
天氣熱,D蝦已經死晒  0.0  益左隻黑殼
如果睇過我D POST都知我魚缸係充滿晒水草
某D草就俾隻黑殼番晒出黎,條友仔居然掘窿自己入去.....
某D草又俾D魚食晒D葉..... 係剩返蜈蚣草無事 =.="!!!
所以我係度諗...新年果時不如來個大改型

D草D 泥木樓梯  間廟全部唔要
24吋魚缸
去沙灘偷D沙灘沙返黎整個沙灘仔算,類似咁上下啦~ 仲可以種埋蕃茄仔TIM阿陰公 >V<~

簡單直接清爽又有另一種循環

最後要講既係...關於我做野所見
我返工要去客人屋企做野,每次都見到好多客人係完全唔識養龜
唔係有爛有菌就係K晒型
最多人養龜既錯誤就係俾好少水....少到點樣呢....你會以為果一灘係啖黎~
有D人又會俾好多水嫁WO...多到點呢... 如果封埋個頂,加多條人參  果一缸絕對係藥酒! (D水又黃到...隻龜唔行近玻璃你只會見到有舊疑似龜物體 )
身份問題我又唔可以罵D客,教佢地點養龜  ....雖然我會用粗口罵客 A___A 但係係我自己做野既領域范圍.....
所以有時想講又講唔出口
最多都係多口問句  : E~ 隻龜你養嫁?係WO,我聽人講呢 (咕嚕咕嚕咕嚕咕嚕 )  唔知係唔係真嫁呢

自從巴姐唔再存在之後,我都無再係水龜區出現解答D人問題.... 因為我曾經俾一位師兄係我發表既水龜食得多死得早既言論
問我要跟據
講起巴姐上黎,好多人都話佢只係識叫人睇醫生
其實巴姐解決過好多問題,只係每日都有相關問題不停不停咁重新又重新發問,搞搞下到最後味懶得答,直接叫人睇醫生
同埋巴姐只係直言而唔識曲線咁去表達,有時D情況唔係單一  我地所教所講....
因為巴姐真係痴左線,係街撿龜街市買龜  之後返屋企醫~ 帶佢地睇醫生,醫生都教左唔少野俾佢

而我係呢一年多  係呢個論壇,解決過好多大大小小既問題識左好多位朋友
係果一日我俾人問我要跟據....
而果樣只係一種好普通既常識,唔在乎於係唔係一隻龜  定係一個人
而我當時只係回左句你又岩
咁佢講既又真係無錯    如果到時因為食唔飽而出事咁點算
真係唔排除有人低能到 : 哦!!食得多死得早,咁唔俾野佢食啦~唔食味長命....俾百步蛇咬行百步就死,咁搵多十條味可以行一千步

跟據.....我緊係無可能理佢
一加二等於幾
  三
有咩跟據?

唔通我真係影印本草綱目  黃帝內經  同埋西方果D研究報導俾佢睇=.=?
我唯一做既係唔會再解答任何人有關龜健康問題.......

作者: 烏龜的 時間: 2011-8-3 15:52

李子火鍋發表於 2011-8-3 15:33
大多數人都係一個月換一次炭 (其實都幾搞笑,多OR少炭都係一個月...其實可能1X日就飽和你唔知嫁WO )
成碌 ...

師兄~~~可能冇咩人有心機睇晒你成篇野!
但我至少get到你想講咩!!!
你最後個段真係好認同!!!

有d人真係講完比佢聽之後佢又要跟返自己個套
又有d人擺明車馬係challenge你!
交流心得為既都係唔想養死龜姐~(不論水陸箱龜)
如果個d人係要堅持自己個套係岩咁好快好多高手都費事再出聲教人~呢個係必然既事實~

師兄我地唯有接受一個現實就係
人地養唔死or未養死龜就已經係高手咁人地有人地套養法
人地鐘意唔晒太陽唔比野食都養到既咁咪叻囉~
以後見到呢d人都係聽左就算~都無謂講多半句....
撐你ar師兄!

作者: 李子火鍋 時間: 2011-8-3 16:39

烏龜的發表於 2011-8-3 15:52
師兄~~~可能冇咩人有心機睇晒你成篇野!
但我至少get到你想講咩!!!
你最後個段真係好認同!!!

佢有佢既顧慮我有我既性格
錯唔係佢度既...不過我唔鍾意呢D人JA~

歡迎光臨香港龜友論壇 (https://hkturtle.org/)