香港龜友論壇

標題: 真心想勸告碼頭工人見收就收.... [打印本頁]

作者: 龜心似箭 時間: 2013-4-22 17:11
標題: 真心想勸告碼頭工人見收就收....
利申先, 本人及家人無在長實及李氏集團打工, 我出聲不是為李氏講好說話, 只係講句公理話.

其實我真係覺得佢地叫加20%人工真係有D過份, 不如要求加7-9%, 再係一D福利到著眼, 如休息時間, 時數之類, 大家WIN WIN 好過啦. 我好肯定HIT係唔會答應20%, 李生唔係無錢俾唔起, 但如果先例一開, 跟住和記全部旗下公司會有樣學樣, 到時不得了. 佢地再玩落去, "SIT"底一定係工人自己, 鬼叫你係打工, 人地係出糧, 跟本無得鬥, 而家俾你叫到加工人已經係賺左. 一陣再玩落去全部炒晒好似上一次擺工咁已有先例, 跟手再黑名單晒所有擺工工人, 永不錄用, 人地再補足錢你走, 你可以去邊到投訴呢?! 何況佢呢D又唔係真係好高技術行業, 日日做D routine野學幾個月正常都學到. 如果呢D case係白領到發生, 人工福利唔好就梗係即刻搵工轉啦, 點解佢地唔可以呢? 就係因為低技術, 工種狹窄, 無得轉行, 來來去去都係幫HIT打工, 咁你又可以點有bargaining power 呢? 你唔似人地打account, IT, clerk, HR, 行行都要, 唔打碼頭工, 可以去普通公司打工. 工人們你地呢? 去律師行, 去會計師行做? 做地盤仲反而寬過你地果行, 到到都係地盤, 跟本唔怕無得做. 如果你地真係好唔like, 不如順手轉行吧.

工人們, 你地醒下啦, 再玩落去你地會失業, 受苦一定係自己, 唔好再受李卓人條PK老點, 我真心想你地好. 祝你地好運!!

最後如果各網友不喜勿插, 以上只是個人意見. 如果你地認同就回覆支持下, 謝謝!!

作者: 亂馬 時間: 2013-4-22 17:23
支持！啲政棍十九幾萬一個月！工人贏左就名利雙收！
工人輸左佢依舊十九幾萬一個月！但你班工人就，，，

作者: oooooo 時間: 2013-4-22 17:51
本帖最後由 oooooo 於 2013-4-22 18:19 編輯

班工人成廿年無加過人工，
十幾年前又轉制裁20%人，
四個人做五個人嘅工作，之後又減人工再減工數，
班工人係返廿四小時輪班制，
人地被人減人工十幾年都無加返一毫，
尼D你知唔知架？
插你你要講多謝tim啦！！

作者: Norrishill 時間: 2013-4-22 17:55
真心想勸告樓主用眼睇清楚依度係買賣區

你去長江中心直接同工人講吧啦!

我唔去扑街同屈人屎!

作者: coffeeswm 時間: 2013-4-22 18:03
呢度系寵物區〜你係咪去錯板樓主，買龜5毫子巴西龜都買吾到一隻

作者: 龜媽 時間: 2013-4-22 18:20
咁係咪一定要高技術人才至可以爭取合理權益？？
無高技術就奉指一世要被欺壓做奴隸？
就係有呢種歪理,大財團咪越來越刻薄囉！
唔了解工人既苦況,唔幫就算啦！都唔好助紂為虐吖！

作者: KPS 時間: 2013-4-22 18:35
問題係佢地加20%人工先到1997年水平, 仲要24小時一更, 除開至有$52/小時,
如果開8-10小時/每日, 得$4X/小時,
要記住, 佢地工作要自已比錢考牌, 仲做左十幾年先得依個數, 佢地計過長期係咁根本生活吾到,
我惗佢地都知曾取吾到, 但可曖醒更多人關注, 及使還在碼頭工作的同事醒覺這個情況,
吾好再比"李生"玩, 依家"李生"已開始用"南亞"人士代替本地工人

, 即係吾爭取加新,
到最後都係無工做

作者: 左武介 時間: 2013-4-22 18:39
李卓人呢D政棍不嬲都係抽水怪，放長雙眼睇佢點收科。

作者: sam21 時間: 2013-4-22 18:39
睇黎你好鐘意做李生既廉價奴隸喎

作者: sam21 時間: 2013-4-22 18:42

左武介發表於 2013-4-22 18:39
李卓人呢D政棍不嬲都係抽水怪，放長雙眼睇佢點收科。

你頭像張相係你黎?

作者: 左武介 時間: 2013-4-22 18:45
回復 sam21 的帖子

清者自清。那麽你那張頭像相又是否你呢?

作者: bbMANHO 時間: 2013-4-22 18:52
本帖最後由 bbMANHO 於 2013-4-22 18:52 編輯

我有朋友做緊千三定千四一日做了兩個月到樣都變到好殘 24小時一人四小時休息一個睇機千三四廿四小時真係唔算高人工工數大約十五六日在做地盤雜工五六百泥水師父行出黎最少一千蚊日

作者: KPS 時間: 2013-4-22 19:04
李卓人係政棍. 係抽水怪吾緊要,
最緊要下次吾好選佢咪得羅,
但吾好因為佢個人問題而影響你支持碼頭工人

作者: KPS 時間: 2013-4-22 19:06

oooooo 發表於 2013-4-22 17:51
班工人成廿年無加過人工，
十幾年前又轉制裁20%人，
四個人做五個人嘅工作，之後又減人工再減工數，

十分同意, 要了解件事多D至好評論

作者: KPS 時間: 2013-4-22 19:13

bbMANHO 發表於 2013-4-22 18:52
我有朋友做緊千三定千四一日做了兩個月到樣都變到好殘 24小時一人四小時休息一個睇機千三四廿四小時真係 ...

無錯, 佢地點都算技術人員, 做十幾廿年仲係依個人工, 仲要24小時更至有依個數,
吾通咁都吾應該出聲?????

作者: 龜友 時間: 2013-4-22 19:35
工人加油!!
一次過20%的確有D甘甘地,今年先加13%出年再加
但一定要改善待遇,咁樣一人退一步,大家都好落台

作者: 4848 時間: 2013-4-22 20:05
其實主要都係工作環境同福利問題上面師兄都有講

作者: guy 時間: 2013-4-22 20:52
爭唔爭取到要睇能否堅持和團結
貴?加得多?
和黃入澳洲比工人嘅人工貴一貴都肯比
點解唔比我地香港人?
因為我地好蝦囉!
蠢囉!
好人壞人唔識分囉!
貴?!無知!

作者: KPS 時間: 2013-4-23 08:58
其實有個好簡單的指標可以睇到大家依15年生活好左 or 差左,
由97到依家15年, 通漲已超過7x-8x%, 但我地新年收or比的利事都係$20,
我想問下, 如果要改善生活, 加薪係咪起碼要多過通漲, 咁依道有幾多人做到呢?
大家又有無惗到原因係咩呢? 咁我地要忍到幾時呢???

作者: paulwai75 時間: 2013-4-23 09:31
本帖最後由 paulwai75 於 2013-4-23 09:32 編輯

敢問樓主何謂“擺”工？係咪指“擺”份工響張枱上面？
本人覺得既然樓主咁有時間，係咪應該惡補下自己d中文先呢？唔係將來邊度夠bargaining power呀？

作者: 龜心似箭 時間: 2013-4-23 09:49
我諗所有人都沒有講過工人唔應該罷工，佢地有佢地爭取既權力，理個就係自由既社會，有發表言論既自由。

但係資方也應該有同樣的權力，他們也應該有接唔接受工人要求的權力。

hit 賺大錢或者蝕錢，係佢做生意的問題，和給多少工資俾工人，係兩件事。

我以前大陸坐的士，講好20坐到，到了後我司機話要俾多幾蚊，話我係香港人，賺錢比佢多，我就小佢，我賺幾多係我既事，同我坐車講好幾多錢是兩件事。

有好多上市公司蝕錢，有無話唔出糧俾員工？少出一d，大家都會走啦。

香港有合同化法，有合同精神，理個係香港成功的價值。依家係乜都傾好簽好去做，做到一半話你唔arm，要推倒重來，以後點樣發展落去。

我重申，大部份人係無反對過工人去爭取，但要見好就收，工人爭取多d，資方爭取少d，大家都有權力。

所以同樣大家都不能"剝削"資方的權力，唔係理個就唔係叫談判。

作者: 龜心似箭 時間: 2013-4-23 09:54

亂馬發表於 2013-4-22 17:23
支持！啲政棍十九幾萬一個月！工人贏左就名利雙收！
工人輸左佢依舊十九幾萬一個月！但你班工人就，，， ...

班工人明顯俾人擺上抬,
俾肥佬黎利用李桌淫攻擊李十x,
可憐班工人輪為肥佬黎的工具

歡迎光臨香港龜友論壇 (https://hkturtle.org/)