香港龜友論壇

標題: 大家認為買左隻龜幾耐之間死才是賣家的問題？ [打印本頁]

作者: Rada 時間: 2013-5-24 22:51
標題: 大家認為買左隻龜幾耐之間死才是賣家的問題？
久不久就會有龜友投訴話有人／舖賣病龜。跟住賣家又會質疑交易時隻龜好端端的，到了買家手中才出事。只因買方不識養。
龜的身體是有儲備的，大家如果見過病龜都知道龜是會過「一段」時間才出現病徵，之後才死的。

大家認為買龜後幾耐病左／死亡才是賣家的問題？

作者: 啊橙 時間: 2013-5-24 23:12

Rada 發表於 2013-5-24 22:51
久不久就會有龜友投訴話有人／舖賣病龜。跟住賣家又會質疑交易時隻龜好端端的，到了買家手中才出事。只因買 ...

其實買家亦有責任自行判斷龜只是否健康
若一味聽信賣家之言而不質疑其可信性
縱使賣家售出後突然死亡，
買家亦只可自嘆不懂選龜而自招損失
故此新手應買龜前先做足功課，
有初步的知識供自己選購龜只及器材
不應絕對信任賣方，應有自己的觀點
且較推薦新手選購已養定及難易度較低之龜種
作第一只飼養龜，待自身經驗有所累積
方考慮是否購入飼養難易度較高之龜種

賣方售出病龜亦當所不該，
但若將所有責任全由賣方負責，亦非合理
故若要買龜或應詢問有經驗者，
查得有信用保證的店舖，以免購入病龜
信譽良好之店舖絕不會因小財而失其譽

作者: kof 時間: 2013-5-24 23:59
可能龜有病呢，1轉環境就易死了

作者: 君臨天下 時間: 2013-5-25 00:38
有好多龜一轉環境溫度就會有問題。

作者: 火星 時間: 2013-5-25 01:05
我覺得一出舖頭門口,已經不再是賣家問題,
如果買家,買完是否馬上回家? 回家途中有沒有出現問題?(如跌倒,冷親)
環境改變也有好大因數...
所以買龜時要慢慢睇,最好搵多個有經驗朋友一齊去買

作者: 阿Sing 時間: 2013-5-25 01:17
其實買龜係現場睇狀態嚟買，交收後好難做保証！
因為有太多因素可以令龜短時間內出事，如温差太大、水質、食物......等。

作者: vincentchow630 時間: 2013-5-25 04:22
買生口一定要冒風險,特别是買龟苗,應該好像D金融投資者一樣,做定個風險評估先

作者: 602151 時間: 2013-5-25 07:22
一週內

作者: abcma12345 時間: 2013-5-26 07:09
你岩岩係銀行囉完錢
出門口比人打劫..
銀行會吾會賠比你?

作者: wel524 時間: 2013-5-26 07:31
我覺得視乎雙方協議, 買唔同野 OR去唔同舖頭都有唔同規則, eg.有D 7日包換, 但不包人為損壞 or 有d貨物出門, 恕不退換, 仲之買之前問清楚, 有單有據寫到明, 加上去番d有信譽舖頭, 講真, 有時買左d野返到屋企發現有問題, 雖然好多時寫住可以換, 好多時都好易換到, 不過唔係間間態度服務都咁好, 同埋肯換, 所以買野果時自行考量風險最重要, 上到手, 尤其係活物, 真係好難有得肴誰是誰非

作者: 山貓 時間: 2013-5-27 16:40
本帖最後由山貓於 2013-5-27 16:47 編輯

其實有咩野病, 係賣家知道, 但買家憑外表好難睇得出呢?
包括腸胃病, 原蟲, 尤其是龜苗, 腸胃病往往致命.
你要我一望隻龜就知道佢有原蟲, 睇唔出既話, 我就有責任?
但龜仔唔會餓幾日就死, 往往都仲捱到2-3星期.
只要買家能夠提供良好飼養環境, 我絕對唔認為買家有其他責任, 100%係賣家既責任.
如果我買到病龜, 好明顯我就係一個受害者.
如果對方係故意賣病龜, 點解我仲要有責任?我真係唔明呢個道理.
唯一既解釋係:
反正賣家都唔會賠錢, 同自己講, 其實自己都有少少責任既, 心理上會覺得安慰d.

(我尊重每個人有不同意見)

作者: neillam 時間: 2013-8-21 23:30
就算吳理隻龜,只俾水~吳餵食~一兩個星期都未必死的~不過都要睇下隻龜size~

作者: 萬天 時間: 2013-8-21 23:35
一週內

歡迎光臨香港龜友論壇 (https://hkturtle.org/)