香港龜友論壇

標題: [轉貼]返工爛身爛勢升職恐無望 [打印本頁]

作者: icaicayin 時間: 2013-5-31 18:49
標題: [轉貼]返工爛身爛勢升職恐無望
踏入夏季，不少辦公室女郎會背心熱褲上陣。不過，一項調查顯示，員工的衣着打扮原來會直接影響他們的晉升機會，八成八主管認為衣着打扮對員工晉升有影響，「一絲不苟的打扮未必會帶來晉升機會，但不修邊幅、爛身爛勢者，則肯定會令上司質疑工作是否認真，有機會失去重要的晉升或發展機會。」所以說人靠衣裝不無道理。專業招聘顧問公司Robert Half最新進行員工的衣着調查，成功訪問一百間包括了不同行業的公司人力資源部主管，結果顯示八成八受訪主管認為，僱員上班的衣着打扮會影響他們晉升機會，當中兩成半更認為有很大影響。六成六受訪主管認為員工上班時衣着異常不當的情況時有發生，認為經常發生的比例更有兩成一。
上班前檢查線頭摺痕
Robert Half香港區總裁安柏菲（Pallavi Anand）指出，上班時衣着專業十分重要，特別是在法律、銀行及金融等專業行業，認為僱主可與人力資源部門商討，向全體員工，而非針對衣着打扮未合公司要求的個別員工發出電郵溫馨提示，如果情況未有改善，則僱主應與相關員工面談，大部分情況下員工對該類溫馨提示會受落。
她指得體的打扮有助提升個人自信，建議上班一族「指定服裝」應以有領恤衫、短袖或長袖上衣、長褲及不露趾鞋為基本，低胸衫、背心、熱褲、拖鞋、爛牛仔褲宜「收埋」留待放假才穿着。上班前應檢查衣物有否凸出的線頭、摺痕、鬆脫的鈕釦，進餐後應檢查身上衣物有否食物碎屑及殘迹。新入職的員工在清楚公司「衣着標準」前，打扮宜較平日保守，以免過分招搖。
中原人力資源顧問公司董事總經理周綺萍表示，「員工行出街係代表公司，所以除非係從事設計或資訊科技，否則都係正規服裝上陣好啲。」她表示，明白夏天天氣炎熱，但「低胸吊帶不適合着返工」，自信「依家日日返工都要套裝，絕對唔會着背心」，「如果自己都着成咁，點管啲下屬！」

我日日都爛身爛勢.....

作者: 長毛 時間: 2013-5-31 19:51
世事冇絕對架！我以前返工日日身光頸靚，一身名牌，老細就以為我唔等錢洗，升職加薪完全冇份，但家下日日爛身爛勢，老細就知我其實好唔掂，上個月終於升職加薪！

作者: ho123123 時間: 2013-5-31 20:05
物極必反

作者: 龜友 時間: 2013-5-31 20:20
整齊,清潔,端莊就OK
唔係成身名牌先叫整潔,D人一樣可以著到乞衣咁

作者: icaicayin 時間: 2013-5-31 20:32

龜友發表於 2013-5-31 20:20
整齊,清潔,端莊就OK
唔係成身名牌先叫整潔,D人一樣可以著到乞衣咁

唔係成身名牌先叫整潔,D人一樣可以著到乞衣咁--->我想見識下

作者: 龜友 時間: 2013-5-31 20:53
回復 icaicayin 的帖子

唔難架,日日著件GIOGIO AMANI一個禮拜,污糟又唔抹唔洗
咁又臭又污糟,見到都唔開胃囉

作者: 鬼仔 時間: 2013-5-31 20:58
唔通我撈地盤要西裝打鈦咩..............

民工呀..............

作者: twbb 時間: 2013-5-31 21:21
個d所謂高級寫字樓先係咁啫,其實只要打扮唔太過火嘅一般私營性寫字樓其實無咩所謂,主管們其實更著重員工工作能力,而家有能力肯工作心性好嘅員工好難搵架,又何必執著佢地嘅衣著,著得小又唔會咬親你嘅

作者: bbMANHO 時間: 2013-5-31 21:49
我老闆著人字拖短褲內衣爛身爛世坐佢架平治出街佢行出街都估唔到佢係有車有樓有倉

歡迎光臨香港龜友論壇 (https://hkturtle.org/)