香港龜友論壇

標題: 睇完三間動物醫院後既少少感受 [打印本頁]

作者: kamkamkaka 時間: 2013-6-2 12:06
標題: 睇完三間動物醫院後既少少感受
各位龜友,以下純粹個人感受,沒利益輸送,不喜物插

小人養龜十年,上年因龜龜難產而開刀,開刀後因小人照顧不善而過身，所以再面對囡囡難產情況，非常緊張~連工都唔想返。

今年5月12日,發現阿囡噴出奶白色液體，聽聞元朗有間醫龜的診所，於是飛小巴去求醫。
睇囡囡既係一位外籍女醫生,另有護士在旁協助及翻譯
詳細都唔數咁長......有三點較奇怪和失望既係

1.女醫生好似對龜龜不感興趣,唔想掂佢咁
2.我帶去既白龜液體睇都冇睇過
3.案頭有本英文講龜既厚書,仲周不時翻閱
我心疑惑佢識唔識醫
結果照X光,確定冇爆蛋,就當係肚痾咁醫,打抗生素之後仲要每三日返黎打兩支,共8-9次

當時姑娘有表示,如果生唔到蛋,係冇催生針呢回事,只能開刀。(有爬文既龜友都知係有啦!)
如果開刀就會由"老細"肥佬醫生開......我心諗咁頭先美女醫生係唔係即係唔識醫架？

無可否認，第二日囡囡冇肚痾，但體重依然下降。我就依然擔心。
打左三轉抗生素後,終於決定轉去睇大圍。
那時元朗護士仲係咁講~一定要打完抗生素療程,否則有抗藥性。

本來我諗住佢講到抗生素療程,請大圍既醫生幫佢完成
結果,元朗那間FAX過去既"病歷"根本唔清唔楚
醫生只知佢那邊打過針,但完全冇講打咩針

仲令醫生誤會佢打催生針......
當我聽到,真係唔好意思,真係想講YZ@#......

另外冇記錄體重,只用英文寫"體重下降"!!!
好彩我每次自己都有記低!

大圍這位醫生其實囡囡一直都有睇開,我也相信他
X光，驗血同催生針留院做齊,但囡囡依然生唔到
結果醫生提議開刀
開刀~~~心理陰影極大,所以冇即時應承

回來聽大家介紹土瓜灣醫生,所以又轉
醫生今次先開一星期補充體力的糧給囡囡,下星期再約打針,如果唔得真係要開刀了
去到土瓜灣呢到,見到其他龜主人,好多都聽口碑以來
我喜歡他有顧及囡囡身體情況先決定打針時間,並即時抽囡囡泄殖孔既分泌物用顯微鏡檢視
其實醫生很累,(真係人怕出名)但都願意仔細解釋囡囡情況
希望囡囡自己爭氣,生到啦

如果最後都唔得,我都會聽話俾囡囡開刀

重申：以上純粹個人感受,不喜勿插,謝謝各位

作者: boap 時間: 2013-6-2 12:17
元朗果間城市獸醫，印象中只係識乜都用抗生素醫
其他乜都唔識
仲叫我買呢樣買果樣屈我錢
尤奇是果幾件鬼佬鬼婆嘅所謂醫生

作者: ft2728 時間: 2013-6-2 12:18

作者: siumaiguy 時間: 2013-6-2 12:40
唉好醫生難求

作者: twbb 時間: 2013-6-2 12:43
我今日都帶小巴去中鋒哥到,但原來佢下午先返,中鋒嫂估係肺炎(但小巴無開口抖氣),唯有放低小巴係中鋒哥到先,我都預左中鋒哥都唔得嘅話就帶小巴去土瓜灣架喇,同時祝囡囡大步覽過，回復健康啦

作者: kamkamkaka 時間: 2013-6-2 12:52
回復 twbb 的帖子

要約就要快,琴日姑娘話約到6月5號了(好似)
祝大家龜龜平平安安健健康康

作者: kof 時間: 2013-6-2 13:21
開刀吧没辦法了

作者: JoeK 時間: 2013-6-2 14:19
祝早日康復！

作者: 快快長大吧 時間: 2013-6-2 14:23
我諗香港真係識醫爬蟲(包括龜)病既醫生,十隻手指都數得晒

作者: colala 時間: 2013-6-2 14:54
祝囡囡一切順利，度過難關

另外，請問你在土瓜灣是睇余醫生還是黃醫生?

作者: 地獄火 時間: 2013-6-2 14:55
呢度有幾位 C-Hing / C-mui ，E 龜仲叻過果 d 所謂獸 E，可惜某幾位 C-mui 已經甚少係度出現

作者: boap 時間: 2013-6-2 15:03

twbb 發表於 2013-6-2 12:43
我今日都帶小巴去中鋒哥到,但原來佢下午先返,中鋒嫂估係肺炎(但小巴無開口抖氣),唯有放低小巴係中鋒哥到先, ...

我成日都唔明咁多小朋友被人洗左腦咁
唔信獸醫竟然走去信江湖術士？
我有好幾次俾佢醫死

作者: 君臨天下 時間: 2013-6-2 15:23
本帖最後由君臨天下於 2013-6-2 15:23 編輯

地獄火發表於 2013-6-2 14:55
呢度有幾位 C-Hing / C-mui ，E 龜仲叻過果 d 所謂獸 E，可惜某幾位 C-mui 已經甚少係度出現 ...

邊幾位ＣＭui呀火兄，令唔令ga

作者: Uncledash 時間: 2013-6-2 15:33
標題: 元朗教育路果間城市獸醫動物及珍禽異獸醫院
本帖最後由 Uncledash 於 2013-6-6 13:56 編輯

回復 boap 的帖子

原來咁多人知呢間野
我去澳洲三個月，將天竺鼠交低俾朋友照顧，朋友話隻鼠耳仔痕，帶隻鼠去睇呢間野(我本身睇開九龍動物醫院Dr. Diana)，睇呢間野次次唔同醫生，醫生開mic睇話有體外寄生蟲，開左強力口服抗生素(未滿1000g天竺鼠唔受得)，同要人個個星期番去滴寵物店有得賣既杜蟲藥(其他醫生係俾針筒你番去一個月滴一滴咁大把，因為天竺鼠體重輕，用既藥係小貓同既藥)

朋友一直唔理我既安排，亂用墊材，令隻鼠鼻敏感，我已經同佢講左好多次唔可以，佢地帶隻鼠去睇醫生，個醫生又開強力抗生素(同上次療程相隔2-3星期)，又話種菌(但無report睇)，又唔識將藥粉開成甜藥水，又唔識開草粉(因為食左抗生素會無胃口，條腸又慢，要將益生菌加落草粉度灌食)，收完幾千蚊驗唔出有菌，仲叫我朋友個個星期帶隻鼠番去吸氣，我到依家都唔知係吸咩氣。然後我就提早番香港拎番隻鼠，去九龍動物醫院睇，900蚊搞掂晒，由頭到尾唔需要食抗生素。

有位朋友帶倉鼠去呢間野做手術，因為倉鼠個食囊推左出黎，個醫生無用線綁實個囊，隻鼠一醒番個囊就甩番出黎

仲有朋友帶龍貓去檢查牙齒，點知俾佢亂打鹽水，嘔左成晚。

呢間野唔止係唔識醫龜咁簡單，根本係所有小動物都唔識醫。

後記: 補多兩句病歷果度，元朗果間病歷的確唔清唔楚，我番到香港後追番所有report同用過咩藥，佢都答我無。話驗乜驗物既report係醫生先識睇，所以無野俾我睇倒，錢就收左咁囉。

作者: kamkamkaka 時間: 2013-6-2 15:39
回復 colala 的帖子

余醫生呀

作者: Puiki 時間: 2013-6-2 15:48
回復 kamkamkaka 的帖子

余醫生果度，你咁樣睇一次幾多錢呀，唔該

作者: Puiki 時間: 2013-6-2 16:03
回復 kamkamkaka 的帖子

唔該晒師兄

作者: 小草 時間: 2013-6-2 16:17
咁我想問係咪除左城X以外所有診所都唔駛你隔三日返去打針?

作者: Puiki 時間: 2013-6-2 16:31
回復 kamkamkaka 的帖子

唔好意思，其實我無留意其他人係男係女，我上黎只係想同啲龜友分享一下龜龜嘅喜與樂，我唔係諗住上黎交友架，男又好，女又好啦，都無所謂啦

作者: kamkamkaka 時間: 2013-6-2 16:36
回復小草的帖子

因為城X係用抗生素,咁同人一樣,抗生素係應該用完一個療程
不過我都試過另一隻囡囡因感冒要用抗生素,但當時大圍係配好晒,俾我自己回家自己幫佢打
方便好多

作者: colala 時間: 2013-6-2 16:51
回復 kamkamkaka 的帖子

謝謝回覆

作者: 地獄火 時間: 2013-6-2 16:52

君臨天下發表於 2013-6-2 15:23
邊幾位ＣＭui呀火兄，令唔令ga

自己有時間去發掘 ma，5 好乜都問人 la，問題老童

作者: rongruo 時間: 2013-6-2 17:54

kamkamkaka 發表於 2013-6-2 12:06
各位龜友,以下純粹個人感受,沒利益輸送,不喜物插

小人養龜十年,上年因龜龜難產而開刀,開刀後因小人照顧不 ...

你隻龜真可憐

作者: rongruo 時間: 2013-6-2 20:38
CHING你遇人不淑丫！！

作者: 地獄火 時間: 2013-6-3 11:11

君臨天下發表於 2013-6-2 15:23
邊幾位ＣＭui呀火兄，令唔令ga

突然覺得你好靚仔，有威脅

歡迎光臨香港龜友論壇 (https://hkturtle.org/)