香港龜友論壇

標題: 我有野需要投訴 [打印本頁]

作者: twbb 時間: 2013-6-8 13:22
標題: 我有野需要投訴
由於會員「牆鑲屍首」對我所發既貼或回覆作出與事實不符的批評,加上含有人身攻擊與辱罵成份,妄自猜測我的家庭關係,希望版主能以這一條例

不得對任何網友作出挑釁或無理之惡言中傷行為。)對他作出以下處理

若你違反以上任何條款守則，或作出任何其他過份之行為，管理員有絕對權力不發警告，將你踢出論壇／封鎖帳號而不須作出任何解釋或負上任何責任。)以免再次對我作出騷擾另外我想請問我呢一個貼:假如閣下比人挑釁(壇上)~你會反擊嗎?(
http://www.hkturtle.org/forum.php?mod=viewthread&tid=78098&extra=page%3D1 )有無違反版規成份,因我遭受另一版主留言:「晒氣，貼咁大篇野出嚟有何目的？製造社會矛盾」,有好多字眼及回應我都盡量以溫和的方式回答,並唔想因字眼問題而引起其他爭論(如之前敏carman事件咁執著於邊個講粗口),同時我亦無公開姓名讓其他龜友對事件有一個公正性(有龜友知係邊位C兄既話與我無關),而我所認為聊天室既作用就係比各會員交流及收集意見之用,之前亦都有幾位C兄對我既發貼有意見,其中亦都有我唔喜歡既(因為真係有D人好自我中心咁留言,見我唔跟住做又會話我唔啱),但個D意見真係佢地既經驗,所以我會認真思考及回覆,而係:「你會反擊嗎?」呢個貼入面我可以好清晰咁講我係係到發洩梗不滿以及等其他龜友知道有咁既一個會員,對於「製造社會矛盾」呢類字眼請留返比對64事件有意見既會員,呢類先係真正既「社會矛盾」問題,我只係在論壇上發勞騷既一個小會員。PS:我並非對64事件不敬,只係呢個話題比較貼切我想表達既意思所以一用。
結論:又一大段文字可能又會有人認為我係到搞事,但我想表達既係若果對我有意見既人,大方既可一笑而過,方便既可以對我作出留言,錯~我會認,有問題請通知我~我會思考並改正,但我係一個執著既人,我會認真咁分清對錯,加上由於我係養龜先開始上論壇,之前好小上網,所以對一D潮語及具暗示性用語我真係唔太清楚,所以有些字眼及暗示性說話各位不妨同我直接D講,如果唔係我會問過清楚同明白,唔該各位龜友。

作者: 啊橙 時間: 2013-6-9 11:10

twbb 發表於 2013-6-8 13:22
由於會員「牆鑲屍首」對我所發既貼或回覆作出與事實不符的批評,加上含有人身攻擊與辱罵成份,妄自猜測我的家 ...

子曰：「以直報怨」
人地挑機可以當佢歌仔咁唱
正所謂認真你就輸鳥，挑釁你個位師兄
只係用左短短數句就令你花長時間去反擊
之後人仲失蹤埋，從經濟學角度上
你花長時間去達到小效益，但佢就用短時間達到最大利益
咁邊個著數尐？

作者: twbb 時間: 2013-6-9 11:20
首先我係係到發洩梗不滿,其次等其他龜友知道有咁既一個會員,至於佢失蹤都係後來嘅事,封佢IP嘅話可免佢開新A/C又上嚟搞事

作者: 龜龜ying 時間: 2013-6-10 00:17
回復 twbb 的帖子

龜友論壇係愛龜朋友一個吹水同分享點滴既好地方　亦係學習養龜既好教室

希望唔愉快既紛爭可以告一段落啦^^

作者: twbb 時間: 2013-6-10 00:36

龜龜ying 發表於 2013-6-10 00:17
回復 twbb 的帖子

龜友論壇係愛龜朋友一個吹水同分享點滴既好地方　亦係學習養龜既好教室

唔知點解香港越嚟越多精神有問題嘅人，好似呢個自戀狂咁都唔明佢d自信係邊到嚟，不過呢d人禁唔到，走個舊嚟個新，封IP轉頭又開一個A/C，你覆唔覆佢都好佢有心玩野嘅就唔會停，有C兄取消同佢交友比佢日日pm騷擾，我呢兩日都接左幾個無來電嘅騷擾電話，搞到我都疑神疑鬼

作者: 龜龜ying 時間: 2013-6-10 00:48
回復 twbb 的帖子

師兄＊唔好咁大疑心啦～無來電多數係問卷調查電話啫^－^
既然件事完結　大家又可以繼續分享龜龜既趣事了

作者: twbb 時間: 2013-6-10 00:55

龜龜ying 發表於 2013-6-10 00:48
回復 twbb 的帖子

師兄＊唔好咁大疑心啦～無來電多數係問卷調查電話啫^－^

係我一接即刻收線個隻，不過唔理得咁多，睇環境再算啦

作者: Dick_Neo 時間: 2013-6-10 14:21
得閒冇野做~~~~

作者: EV-DAY 時間: 2013-6-20 00:32
鹿死事件

作者: oooooo 時間: 2013-6-21 02:15
痴線.............
還拖係咁既咩
你咁出post咪盞多D人笑你

作者: oooooo 時間: 2013-6-21 02:18
回復啊橙的帖子

你今日教精多1個,
將來你的麻煩多1點!!
ooooooooh~~
每天愛你多1些

作者: oooooo 時間: 2013-6-21 02:22
回復龜龜ying 的帖子

有人嘅地方點會無紛爭...
清者自清,庸人自擾!!

作者: twbb 時間: 2013-6-21 03:09

oooooo 發表於 2013-6-21 02:15
痴線.............
還拖係咁既咩
你咁出post咪盞多D人笑你

我呢個post並唔係用嚟還拖,只係想攞一個回覆,公道自在人心,一兩個小人嘅無聊留言大家心知肚明,我並唔覺有人笑我,或者真係有人笑我而我唔知,但笑我者有反思其身嗎,我需要憂慮呢d人會變聰明嗎？我出帖,只因我想發洩不滿同等其他龜友有個警惕,我想所以我講,若果因顧慮有人恥笑而默言,呢個論壇最小無九成會員,我想所以我投訴,但版主無覆而我都無再追究落去,因為我已表達左我嘅意思,公道唔需要版主回覆,龜友嘅反應已經係答案,還拖可以好激烈,可以嘈到日日開帖,但咁樣就如你所講,只係比班想睇笑話嘅人係到睇免費騷,並唔係我想要嘅結果,我嘅做法未必符合每一個人,但起碼我對得住自己,起碼有一班認同我嘅人,其他人我真係唔想理咁多,香港已經越嚟越多精神病,只要唔煩到我只係係我背後發病,我又何必報警拉佢地呢

作者: twbb 時間: 2013-6-21 03:26

oooooo 發表於 2013-6-21 02:18
回復啊橙的帖子

你今日教精多1個,

需然阿橙講嘅亦有道理,但每個人總會有佢嘅執著,就如佢同某龜友討論「忠」字嘅正解,亦未見子曰：「以直報怨」人地挑機可以當佢歌仔咁唱嘅出現,可見道理可以參考,可以反思,但並唔係講得出就係啱,知道嘅就一定係贏家,運用適時嘅至係智者,如果就你嘅觀點嚟講,我copy一份論語比你咁我咪教精你好多,其實論壇上嘅留言只可以作一個意見參考,有邊個敢講自己嘅道理一定啱,教精？我覺得只係你個人睇法啫

作者: oooooo 時間: 2013-6-21 09:30
你回咗2段加你自己果幾幾幾幾...大段文字...其實我無睇過,
我只諗起周星馳同羅家英及一句""哦哦,長篇大論,九唔搭八""

作者: 啊橙 時間: 2013-6-21 11:31

twbb 發表於 2013-6-21 03:26
需然阿橙講嘅亦有道理,但每個人總會有佢嘅執著,就如佢同某龜友討論「忠」字嘅正解,亦未見子曰：「以直報 ...

其實我都係不斷加強緊自己既EQ
奈何小弟年當剛正之年，心必有燥
所以提議師兄之餘，亦係一種自我告誡
不過你提及既同我討論「忠」字義之人
現想起亦黯然失笑，何以與愚夫執論

子曰：「以直報怨。」
子曰：「子為父隱，直在其中。」
孔子之「直」，只可以一看而不何當真。

作者: twbb 時間: 2013-6-21 12:53

啊橙發表於 2013-6-21 11:31
其實我都係不斷加強緊自己既EQ
奈何小弟年當剛正之年，心必有燥
所以提議師兄之餘，亦係一種自我告誡

孔子既道理我無深研,但何以與愚夫執論呢句說話有point,我出帖只為自行其道,並非想與那一位愚夫執論,但我真係估唔到會有其他愚夫對我既留言咁痛心疾首,直斥製造社會矛盾,令我心有不甘,奈何.......
小小心聲:那位直斥我製造社會矛盾的版主有留意過我與愚夫的前因後果嗎?有認真理解過我既留言嗎?
有既,如我所說請他指點我既錯處,人總會於不經意間犯錯,所以在壇上我一直抱住一鼓謙虛既心去求學請問,除了朋友間的笑話外一直慎言,對龜友間的病龜問題無經驗/無把握既從未亂比意見,只留關心之言,自問尚可,所以真的需要別人提點錯處以作反思。
無既,若果係普通會員我會視他為愚夫之輩,一笑置之,但作為一個版主,身份上代表著論壇,就算可能只係個人之言,但是否應該慎言,留言前應否反思一下自己既言論會否對論壇有影響,我並不要求佢支持我,只希望佢知道就咁留下一句不負責任既說話,已經寒了一個會員既心,甚至可能有更多睇完為免麻煩所以無出聲既會員既心,雖然會員心寒對論壇並無實質影響,但這是一個公平原則既問題,人若無公平之心,行事何以問心無愧
最後,原本只想講出一些心聲,但打字期間越想越多,又變左一大段野,有興趣既歡迎討論。

作者: oooooo 時間: 2013-6-22 00:13
回復啊橙的帖子

3藏 VS 神父

作者: wongfafa 時間: 2013-6-22 00:43
出龜友論壇金句…

〈答友人〉袁宗道
學未至圓通處，合己見則是，違己見則非。
如以南方之舟，而笑北方之車；.
以鶴脛之長，憎鳧脛之短也。
夫不責己有見，而責人之異見，
豈不悖哉？

歡迎光臨香港龜友論壇 (https://hkturtle.org/)