香港龜友論壇

標題: 遇上人生叉叉點,朋友們請入嚟傾下 [打印本頁]

作者: twbb 時間: 2013-6-10 20:06
標題: 遇上人生叉叉點,朋友們請入嚟傾下
頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因係佢同而家既倉管意見不合,想叫佢走人,但我既問題係:1.我已經無做兩年,驚唔慣做唔返 2.個倉管都算係我朋友,但舊老闆叫我唔好通知佢,萬一佢地不歡而散,咁我接手既時候會非常監介 3.我而家份工好輕鬆,但人工低,做返舊公司會無咁自由,但人工好d,遇上呢d人生叉叉點,心十五十六中,朋友們請入嚟傾下,比d意見我啦唔該......附上一張下午茶照作謝禮,多謝各位

紅磡時新快餐店既雙層芝士蛋漢堡

作者: 龜大仙 時間: 2013-6-10 20:12
最重要是自己做得開心人工夠應付開支

作者: ex903 時間: 2013-6-10 20:17

換左係我我會咁
我喜歡自在多D還係喜歡金錢多D
我目標係錢吾會怕尷尬人往高處走水往低處流
假如目標係自在D打份工過得去開心就得多小小差小小無所謂既
完全我個人想法希望帮到C兄

作者: 長毛 時間: 2013-6-10 20:21
其實當日ching離開舊公司既原因，可以作為今日是否回巢既考慮

作者: icaicayin 時間: 2013-6-10 20:27
有冇了解下點解E+個主管會同佢意見不合先....
不過我成日都覺得....好馬不吃回頭草...
走左就無謂返去, 費時返去聽閒言閒語...
不過又睇下經濟環境許唔許何啦...(自問就唔許何啦...所以都係得個做字

)
師兄加油

作者: ft2728 時間: 2013-6-10 20:32
1.每個人都有個習慣就係安於現狀,跟住就係咁揾值口比自己唔好去改變.
2.如果個老闆係抄左你個朋友而你先去做會好啲.
3.其實人工都係睇自己,多有多洗,小就唔見洗.

做朋友既一定撐你

作者: twbb 時間: 2013-6-10 20:40

ex903 發表於 2013-6-10 20:17
換左係我我會咁
我喜歡自在多D還係喜歡金錢多D
我目標係錢吾會怕尷尬人往高處走水往低處流

但問題我係一個隨遇而安既人，有工我就返，未試過同時有兩份，仲要係有對比性嘅，所以先至煩

作者: twbb 時間: 2013-6-10 20:49

長毛發表於 2013-6-10 20:21
其實當日ching離開舊公司既原因，可以作為今日是否回巢既考慮

當日原因有好多，首先做得耐好厭倦，其次我唔鐘意我老闆個男朋友，再且好多相熟同事都話唔做，所以………到左今日，厭倦感消減，但已輕鬆慣，對我老闆男朋友我已經唔太記得佢，至於當時話走嘅同事就係我舊老闆要炒果個………

作者: samyung0117 時間: 2013-6-10 20:52
好馬不吃回頭草

作者: twbb 時間: 2013-6-10 20:56

icaicayin 發表於 2013-6-10 20:27
有冇了解下點解E+個主管會同佢意見不合先....
不過我成日都覺得....好馬不吃回頭草...
走左就無謂返去, 費 ...

點解不和我聽返嚟（我係八公）就係各有各主見，加上從中有小人扇風點火，其實大家之前相處都好融合，但後期一老闆唔聽人意見，同事又主自性高，關係就越搞越差

作者: twbb 時間: 2013-6-10 21:00

ft2728 發表於 2013-6-10 20:32
1.每個人都有個習慣就係安於現狀,跟住就係咁揾值口比自己唔好去改變.
2.如果個老闆係抄左你個朋友而你先去 ...

第二點難d，亦係我最煩嘅事，公司d手尾交接點都要人跟人好d，淨靠文件上一定會好多錯

作者: twbb 時間: 2013-6-10 21:03

龜大仙發表於 2013-6-10 20:12
最重要是自己做得開心人工夠應付開支

我係個隨遇而安嘅人，工作上無話特別開心唔開心

作者: icaicayin 時間: 2013-6-10 21:04

twbb 發表於 2013-6-10 20:56
點解不和我聽返嚟（我係八公）就係各有各主見，加上從中有小人扇風點火，其實大家之前相處都好融合，但後 ...

咁你又好難保呢D小人唔會離間你同你前上司WO...
我又咁睇, 如果大家係男人就4466兜口兜面拆掂佢...
咪背後你打我毒針, 我放你冷箭...
一齊做野合作要槍口對外先得GA MA...好多時誤會就係咁產生
你前上司如果唔解決個問題, 請邊個返黎做都會唔夾啦

作者: 啊橙 時間: 2013-6-10 21:15
本帖最後由啊橙於 2013-6-10 21:15 編輯

twbb 發表於 2013-6-10 20:06
頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因 ...

既然現職倉管既係你朋友，就無謂為少少錢而打爛人地飯碗
而且冇做兩年，好多人事上既變遷都唔再係兩年前，
要重新打好人事關係，又會係一個麻煩
而且現職倉管雖然同老闆唔夾，但未必同下屬唔夾
到時問起上任做乜走左，唔通話係你既原故咩
而且倉管升遷幅度大極有限，冇得升職加人工，做乜要做醜人
而家你舊老闆就係想搵人做醜人，自己做好人，好等下屬順心
人工好尐但冇左自由，冇得打機玩魚上網，值唔值先？
假如現家個老闆唔想你走，咁你又點算好，唔通同佢講你舊老細好人尐咩？
唔好為左少少人工而踩呢敞渾水啦

(師兄係紅磡人？定係紅磡番工？)

作者: twbb 時間: 2013-6-10 21:18
本帖最後由 twbb 於 2013-6-10 22:23 編輯

icaicayin 發表於 2013-6一丨乛一丨一-10 21:04
咁你又好難保呢D小人唔會離間你同你前上司WO...
我又咁睇, 如果大家係男人就4466兜口兜面拆掂佢...
咪背 ...

個小人係八婆，我舊老闆係女人，其實我最想搵我舊同事傾下嘅，不過又應承我舊老闆唔可以同佢講，大家醒目人，一講開類似話題都知咩事……
回icayin:其實都有興趣,不過而家衰在我個位人事上好監介，原因你可以睇下我對阿燈嘅回覆

作者: 602151 時間: 2013-6-10 21:38
如果俾我揀，我一定揀繼續做而家尼份hea工，幾多人恨搵hea工都搵唔到！

另一方面，好馬不吃回頭草，多ｄ人工又點，食咗由背脊骨落，又忙，仲無埋個朋友添，我就唔制喇！

不過尼ｄ要睇C弟你想要ｄ乜野

作者: khip 時間: 2013-6-10 22:14

twbb 發表於 2013-6-10 20:06
頭先舊公司老闆突然打比我,例牌一大輪你好嘛之類既廢話之後入正題喇,叫我返去做(我既職位係倉務主管),原因 ...

人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位，朋友都冇得做。

你舊老細可以咁對佢，他朝都可以咁對你。

你老細打人情牌，只係睇中你心軟咋

作者: twbb 時間: 2013-6-10 22:17

啊橙發表於 2013-6-10 21:15
既然現職倉管既係你朋友，就無謂為少少錢而打爛人地飯碗
而且冇做兩年，好多人事上既變遷都唔再係兩年前， ...

其實我如果做嘅話人工係其次，首先我現在公司係朋友開嘅，我只係臨時幫佢手，並唔存在去留問題，娛樂性嘅野亦都只係我朋友玩，我除左上網外都無玩，本身都預左做多一排唔做，其次我舊同事同老闆有心病已久，只係礙於以前關係先未分，雙方都等對方開口先，但現在我舊老闆想開口喇搵我接返個位，咁變左我好似做左中間人，我嘅意思係我做唔做我老闆都會炒人，只係雙方我都識變左會監介,另外升職呢樣野邊有咁多大公司比我步步高升丫,有都唔係我呢d社會大學嘅人玩……我只係咁啱經過紅磡啫

作者: 地獄火 時間: 2013-6-10 22:26
老實講，做你朋友真係冇乜義氣可言，就算舊老板出十倍人工叫我去頂自己朋友個位，係我就 5 會彩佢，係我立場，以朋友行先

作者: 808204 時間: 2013-6-10 22:32
回復地獄火的帖子

又吾系無得食，無必要同人搶食，最慘就系無都會俾人當有，你吾怕辛苦邊度都有得做，使咩返去個死胡同度做。

作者: Devil 時間: 2013-6-10 22:35
人際關係咁複雜，番到去可能下次係你受害
而家份工夠食夠做就ｏｋ

作者: 808204 時間: 2013-6-10 22:40
回復 twbb 的帖子

自古以來，老細有事就同你稱兄到弟，無事要削減成本就話俾你留系到其實系俾你最大的欣慰，100都吾加俾你，今日你舊老細點對你個朋友，都會點對你，你如果選擇幫你舊老細對付你朋友，難保第時你朋友都會甘對你，每一個行頭都好細，吾好因為D無聊老細，令到自己以後條路越來越狹窄。

作者: twbb 時間: 2013-6-10 22:40

602151 發表於 2013-6-10 21:38
如果俾我揀，我一定揀繼續做而家尼份hea工，幾多人恨搵hea工都搵唔到！
另一方面，好馬不吃回頭草， ...

工作忙唔忙先唔計啦，收得人工就自然要做返相對嘅野,而家份工只係朋友搞梗發展我幫佢一排先，本身都預左唔做，另外我同舊老闆關係又唔係差嘅（可睇我其他回覆，有講點解唔做），只係佢而家返去由於雙方我都識，變左關係十分監介，我唔想大家有心病，但舊老闆又好似點都要炒人，我諗住明天再搵佢傾一傾睇下可唔可以緩和佢地嘅關係

作者: twbb 時間: 2013-6-10 22:44

khip 發表於 2013-6-10 22:14
人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位， ...

所以我決定明天再同舊老闆傾一傾睇下佢地雙方嘅關係有無得緩和

作者: twbb 時間: 2013-6-10 22:48

Devil 發表於 2013-6-10 22:35
人際關係咁複雜，番到去可能下次係你受害
而家份工夠食夠做就ｏｋ

都幾麻煩，所以我決定搵機會大家三口六面傾好佢，要交接都係開開心心嘅，最多我唔做架啫

作者: 602151 時間: 2013-6-10 22:49
回復 twbb 的帖子

我最驚果ｄ話炒就炒既老闆

，我鄧就嚟俾人炒既倉務主管心寒

作者: twbb 時間: 2013-6-10 22:55

808204 發表於 2013-6-10 22:40
回復 twbb 的帖子

自古以來，老細有事就同你稱兄到弟，無事要削減成本就話俾你留系到其實系俾你最大的欣慰 ...

咁又唔係全部老闆都係咁嘅，起碼我同舊老闆同同事本身相處係好好架，不過後來意見分歧越嚟越大，變左大家有心病，但真係無話邊個係好人邊個係反派，我最大問題係佢兩個接受唔到對方，變左我係中間位

作者: twbb 時間: 2013-6-10 23:02

602151 發表於 2013-6-10 22:49
回復 twbb 的帖子

我最驚果ｄ話炒就炒既老闆，我鄧就嚟俾人炒既倉務主管心寒 ...

其實大家相處本身好好，係後期意見分歧導致有心病，佢地雙方已經拖左成兩年先有今日，但真係無話邊個係好人邊個係反派，我最大問題係佢兩個接受唔到對方，變左我係中間位

作者: 君臨天下 時間: 2013-6-10 23:56
其實你個心係想過去既，祇係情理問題姐，以我來講，徐非過去有一定發展空間，如有機會再升，唔係我一定唔會過去，或現在份工係張會冇得做咁就要過去，要開飯架

作者: twbb 時間: 2013-6-11 00:03

君臨天下發表於 2013-6-10 23:56
其實你個心係想過去既，祇係情理問題姐，以我來講，徐非過去有一定發展空間，如有機會再升，唔係我一定唔會 ...

現在份工我點都係將會唔做，至於返唔返舊公司我已決定如果三方肯坐低傾好去嘅話我先做，我舊老闆要我強行插手嘅話我都係唔做喇

作者: 602151 時間: 2013-6-11 07:32
本帖最後由 602151 於 2013-6-11 07:35 編輯

khip 發表於 2013-6-10 22:14
人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位， ...

一針見血！
認同「他朝君體也相同」！

（twbb C弟，請原諒我講野這麼直接，對不起，不過真係經驗之談，不吐不快）

作者: siumaiguy 時間: 2013-6-11 07:35
之前又點解無係個度做
工作最緊要開心啊
多幾千幾百但唔開心唔抵啊

作者: twbb 時間: 2013-6-11 11:02

602151 發表於 2013-6-11 07:32
一針見血！
認同「他朝君體也相同」！
（twbb C弟，請原諒我講野這麼直接，對不起，不過真 ...

哈哈，傾談之間有咩所謂，我之前唔做個人因素佔多，又唔係話老闆唔好嘅，至於同事方面我打算三方會談，因為佢其實本身都唔想做好耐架喇，係差在未開口，我如果做嘅話可能係一個中和點都唔定，只係係佢比人炒我再去接手定係令佢覺得佢我接返手佢終於可以走得安心,同一結局兩種心情,要拿捏的就係呢個位……

作者: khip 時間: 2013-6-11 22:32

twbb 發表於 2013-6-11 11:02
哈哈，傾談之間有咩所謂，我之前唔做個人因素佔多，又唔係話老闆唔好嘅，至於同事方面我打算三方會談，因 ...

我覺得你都係唔好插手佢兩個之間既關係好點，

一來唔好俾機會有位俾人捉你做磨心，二來你亦都做唔到乜野

作者: 龜龜ying 時間: 2013-6-25 01:48
回復 twbb 的帖子

如果人工唔係多好多　何必返轉頭呢？世上好工何其多～想想當時離開的原因　再考慮也不遲呀～　而且你現在返工咁自由　又玩飛標又打麻將咁正　好多人恨都恨唔到啦～
人工高低唔太重要　最緊要努力儲錢　才能改善現有生活呀～
p.s　你公司在紅磡嗎？我公司都係啵^^

作者: milklolo 時間: 2013-6-25 01:52
睇吓自己夠唔夠錢駛最好啦！！

作者: twbb 時間: 2013-6-25 02:00

龜龜ying 發表於 2013-6-25 01:48
回復 twbb 的帖子

如果人工唔係多好多　何必返轉頭呢？世上好工何其多～想想當時離開的原因　再考慮也不遲 ...

人工方面其實我唔係擺首位,人與人之間嘅關係我比較看重,所以當時比較煩,不過我已經勸我舊老闆同舊同事好好咁傾下,大家以前關係好好,只要肯放低心結,無野係無得傾嘅,之前走有好多原因,其中有意氣問題,並唔係話我唔滿意公司嘅,不過我舊老闆呢排無左下文,我都無主動搵佢囉,我係旺角返工,個日去紅磡搵個客啫,另外副麻雀其實長期得個擺字,都未試過夠腳嘅

作者: 小豹 時間: 2013-6-25 03:02
當然係開心最重要，邊度開心就去邊度，呢尐係有錢都換唔到既

作者: Arthur_leung 時間: 2013-6-25 03:41
睇你年齡……俗語有話，好天搵埋落雨柴。趁後生唔搵多D,老咗先博咩……自由喺好，但遲下呢？呢個世界老細最大，你唔返去做，唔代表佢會唔炒咗佢請第二個啫。

作者: 龜龜ying 時間: 2013-6-25 23:21
回復 twbb 的帖子

其實比我揀多次我都唔會揀回頭路既然當初決心走得一定有原因理由即使唔係不歡而散返返去係咪又代表可以好似以前咁融洽相處到呢? 始終一段時間冇見點都會生疏左與其又埋首去建立返一段舊關係倒不如去外面見識下其它工從新建立新既人際網絡唔係更好嗎?

作者: twbb 時間: 2013-6-26 00:07

龜龜ying 發表於 2013-6-25 23:21
回復 twbb 的帖子

其實比我揀多次我都唔會揀回頭路既然當初決心走得一定有原因理由即使唔係不歡而散 ...

無所謂啦,都已經過左去無下文lol,所以我都無再諗,其實講真我係工作上嘅人際麻麻,因為我一做起野上嚟會好認真,會以公司利益為先,但打工嘅好多時都唔願意認真做,偷懶攞著數嘅就多,我對呢類人特別睇唔過眼,所以以前同大部份同事都唔多兩句,但同我做得朋友嘅都係信得過可以交個心出嚟果d,一齊做事唔會有顧忌,所以我會著重朋友感受,就算將來去到咩公司,呢樣都會係我嘅宗旨囉

作者: 龜龜ying 時間: 2013-6-26 00:13
本帖最後由龜龜ying 於 2013-6-26 00:14 編輯

回復 twbb 的帖子

無下文可能係一件好事　始終事情牽涉到你朋友...唔係咁好...
認真做事係好事呀～老板實最鐘意請你呢啲員工＊
有時遇着身邊無時無刻hea住做野既人　真係想死～！
講真我都會hea　就黎做晒手頭上既野　咪開始hea咯^^
你唔會睇唔過眼嘛...=.=""

作者: 乂阿偉乂 時間: 2013-6-26 00:18
我諗師兄心入便其實一早已經有答案

作者: twbb 時間: 2013-6-26 00:33

龜龜ying 發表於 2013-6-26 00:13
回復 twbb 的帖子

無下文可能係一件好事　始終事情牽涉到你朋友...唔係咁好...

無野做hea就正常嘅,我會叫呢d做休息,我以前做大嘅時候都唔會無野搵野比d細做嘅,（不過老闆見到d人坐係到會睇唔過眼架，係都要搵野搞下，真係比佢吹脹），講到尾係公司無野做，唔係我地唔做野丫嘛（但老闆係有權唔講理嘅，不過佢無我乎啫

）

作者: 龜龜ying 時間: 2013-6-26 00:45
回復 twbb 的帖子

最怕啲人一瞓醒擘大眼果刻　就開始休息。。。
老板用盡員工每一秒係正常既～
老板只會覺得：我比咁"多"人工你　你梗係要做"多"啲野啦！
員工又會覺得：你比咁"少"人工我　我做少啲都係正常啫！
老板和員工多與少的標準永遠無法一致。。。

歡迎光臨香港龜友論壇 (https://hkturtle.org/)