香港龜友論壇

標題: 我唔明呢個論壇某小部分人咩心態! [打印本頁]

作者: dpok33456 時間: 2013-6-11 19:39
標題: 我唔明呢個論壇某小部分人咩心態!
本帖最後由 dpok33456 於 2013-6-11 19:57 編輯

我指既唔係所有人，而係小部分有極度自戀自大傾向，經常貼自己以為靚既自拍相上黎。首先我講講自己，我上左呢個論壇已有1個月，我上呢個論壇既目的係因為我養龜，我熱愛龜，我想分享或者學習其他龜友既養龜心得。

呢個論壇叫龜友論壇，龜友2個字，我覺得係為有養龜或其他類似動物既人而設，我喜歡呢個論壇，係因為我係到睇見不同龜友既養龜心得，話題亦只係關於龜，唔似其他論壇，如高_論壇，_男_女論壇(俗稱5P)，香_討_區，可以講乜，做乜都OK，特別是所謂既5P論壇，可以比會員自由貼自己既相。

但我發現呢個論壇有小部分人，原來唔係主要討論龜，而係經常貼自己以為靚既自拍照上黎，我唔開名啦，大家知道，我唔明點解佢地要咁做，想比人讚靚仔/靚女? 自戀自大? 滿足自己既欲望? 搵滿足感?一個論壇係為龜友而設，係比龜友分享龜心得或者物品交易，點解會有人係到貼自拍相，仲問人地意見或者加分，如果你係5P論壇貼相我唔怪你，因為果個論壇真係為會員貼自拍相而設，但我覺得呢個係龜友論壇，係為龜友傾龜而設，並唔係比你貼自己既靚相，我開始唔明白論壇成立係為左D乜，係比人貼自拍相定係真係比龜友傾龜既野，如果果D覺得自己靚既人，一定要分享自己既靚相，唔分享會死的話，咁樣我覺得你地可以去5P或者其他。留返D網絡資源比真係想傾龜既朋友仔

我見到論壇成立既目的如下:1, 交流飼養寵物龜的經驗，減低因主人疏忽照顧而引致寵物龜死亡的機會；

2, 宣揚保護野生瀕危龜類，為保持物種的多樣性而努力；

3, 反對放生外地引入的龜隻(如紅耳龜)，以免破壞本土生態平衡；

4, 反對購買野生捕獲的龜隻，支持人工大量繁殖瀕危龜隻作寵物用途，以減低野生龜隻被捕捉的壓力。

5, 反對以瀕危龜隻（如金錢龜）作藥材、食物用途。

6, 提供一個免費的網上交易平台，讓網友自由地買賣一二手寵物龜及寵物用品，以減低龜隻被放生棄養的機會；

7, 不定期舉辦聯誼活動，以龜會友；

作者: icaicayin 時間: 2013-6-11 19:46
其實唔中意睇你可以當時運高睇唔到。。。
冇必要開post講吧。。。。

作者: dpok33456 時間: 2013-6-11 19:50
回復 C16316 的帖子

識下人吹下水，條件需要有張自拍相先識到吹到? 唔好咁啦朋友仔，我開得POST就唔驚比你地話。

作者: y0y0豹 時間: 2013-6-11 19:56
我覺得樓主都系想表達自己既心事

作者: wel524 時間: 2013-6-11 20:02
本帖最後由 wel524 於 2013-6-11 20:07 編輯

有自拍區其實好普通, 好多壇都有, 如果成個AC只係得自拍相咁又真係有d問題, 不過如果個AC 係有其他分享生活點滴eg美食相 or 龜仔相, 我覺得分享下自拍無問題, 就好似大家見面打招呼咁,交流見識見識麻~

其實e個世界有好多唔同既人, 即使遇到想法唔同既人, 我地應該以求同存異、包容互諒既態度對待, 嗯....就是這樣

(個人意見, 不喜勿插)

作者: 龜媽 時間: 2013-6-11 20:03
其實各有所好,你唔中意咪唔睇囉,佢地亦阻唔倒你的.

作者: 一蚊一隻龜 時間: 2013-6-11 20:05
本帖最後由一蚊一隻龜於 2013-6-11 20:17 編輯

其實龜友論壇都係比龜友吹下水,討論下龜,識下養龜的朋友，雖然大家都鐘意龜，但係如果24小時都係講龜你唔悶我都悶啦，有人鐘意係街到裸跑你都奈佢唔何，有時理唔到咁多啦,我地只係上黎吹下水,分享下,開心下

好似我咁鐘意咪留下言，唔鐘意咪按返上一頁，小弟並無支持自拍，逆無反對

只是個人意見

作者: kof 時間: 2013-6-11 20:06
貼是有章拿滴

作者: dpok33456 時間: 2013-6-11 20:20
回復一蚊一隻龜的帖子

你話如果24小時只係講龜，你覺得好悶，咁我好奇又想問，多左人貼自拍相，你係咪覺得無咁悶? 多元化左好多? 從此之後好多野睇好多野玩好多野傾?

作者: 一蚊一隻龜 時間: 2013-6-11 20:23

dpok33456 發表於 2013-6-11 20:20
回復一蚊一隻龜的帖子

你話如果24小時只係講龜，你覺得好悶，咁我好奇又想問，多左人貼自拍相，你係咪覺 ...

我都話左小弟並無支持自拍，逆無反對 , 只不個多左個話題姐

作者: 一蚊一隻龜 時間: 2013-6-11 20:29
本帖最後由一蚊一隻龜於 2013-6-11 20:30 編輯

dpok33456 發表於 2013-6-11 20:20
回復一蚊一隻龜的帖子

你話如果24小時只係講龜，你覺得好悶，咁我好奇又想問，多左人貼自拍相，你係咪覺 ...

加上人地自拍都唔關我事啦,我上黎目的都係睇龜姐,人地自拍,你鍾意睇咪睇,唔鍾意咪唔睇lo, 仲有龜友論壇.有一個叫做自貼區,個自貼區唔要黎放d自拍照咁要黎放d咩? 都係果句(小弟並無支持自拍，逆無反對)

作者: 地獄火 時間: 2013-6-11 20:31
本來我都想自貼拎個章,聽你講完後,打消了念頭

作者: Devil 時間: 2013-6-11 20:32
多左人自貼可以睇多d野...
多左人自貼我覺得無咩影響

作者: dpok33456 時間: 2013-6-11 20:32

地獄火發表於 2013-6-11 20:31
本來我都想自貼拎個章,聽你講完後,打消了念頭

你可以自貼既，我發表既只係自己意見，你可以當睇唔到

作者: Puiki 時間: 2013-6-11 20:33
回復 dpok33456 的帖子

咁樓主點解唔問下論壇主人，問下佢點解要整個自貼章同自貼區呢?自貼章就係一定要貼自己張相出黎先有，如果你唔鍾意呢個模式，不如你連龜友論壇都唔好上，咁樣你會開心啲架

作者: Faith 時間: 2013-6-11 20:33
話明【龜友論壇】當然係一班養龜朋友的論壇，朋友們分享自拍照都係一個唔錯既題目，同學們不單只是討論功課，同事們不單只是討論工事，龜友們都可以分享下生活小事既。做人有時都要學習下待人接物，如果唔係到自己的龜龜有事時，那有人願意出手相助呢？

作者: Puiki 時間: 2013-6-11 20:36
回復 dpok33456 的帖子

論壇有個自貼章，但係你又唔想人貼自己啲相，咁個自貼章咪等於費?

作者: 理髮師 時間: 2013-6-11 20:36
本帖最後由理髮師於 2013-6-11 22:34 編輯

某程度支持樓主，主體應放返係動物身上，本人經曆網上論壇多年，眼見而家好多新手同上了論壇一段時間的人開既post同發問都非常膚淺(當然係有關動物既問題)...対此覺得非常無奈，但針無兩頭利，你要論壇生存就要接受，存在與否取決於人流，有板你睇....由圍威喂，另類，爬交，網上魚街到爬蟲國度，都係同一下場

作者: dpok33456 時間: 2013-6-11 20:37

Puiki 發表於 2013-6-11 20:33
回復 dpok33456 的帖子

咁樓主點解唔問下論壇主人，問下佢點解要整個自貼章同自貼區呢?自貼章就係一定要貼 ...

哦，好欣賞你為左個章連自己個靚樣都貼埋出黎，OK喎你都幾肯付出，加油啦巴打

作者: Puiki 時間: 2013-6-11 20:39
回復 dpok33456 的帖子

再講，你覺得喜歡有人分享自身相片嘅人多丫，還是不喜歡的多呢，我可以肯定咁話你知，你一定係少數囉，其實人地貼相，關你咩事呢?你會唔會覺得自己太八卦呢?

作者: samyung0117 時間: 2013-6-11 20:41

我明白樓主感受，但係呢個論壇真係有自貼區。
可以讓大家認識到對方，互相交流。
呢個論壇男女都有，青少年，中年人。都有玩龜。
我講返我自己既經歷：當初未接觸呢個論壇時，我唸野係好飄忽，自從係呢個論壇到識到某o的長輩ching，就係距地令到我改變唸法。
大家互相認識對方，係對自己有幫助，大家post返自己既經歷出黎分享，可以令到對方學到更多自己未經歷過既野。至於自貼問題，每個人都有自己既選擇權利，係無人阻止到。
如果你對自貼有意思，你可以直接向龜癡版主投訴。

作者: qqqq1418a 時間: 2013-6-11 20:41
樓主佢地係聊天室白拍冇阻到你！你想講龜咪係下面陸、箱、水龜區大家一齊討論囉！

作者: dpok33456 時間: 2013-6-11 20:44
本帖最後由 dpok33456 於 2013-6-11 20:45 編輯

Puiki 發表於 2013-6-11 20:39
回復 dpok33456 的帖子

再講，你覺得喜歡有人分享自身相片嘅人多丫，還是不喜歡的多呢，我可以肯定咁話你 ...

可能現今社會，喜歡分享自拍相既人多掛，因為太多人對自己太有自信，有時候自信到過哂火，如果你講到貼自拍相係理所當然，你可以去5P 或其他，樓上都有巴打講左，呢個論壇主要係傾龜，如果繼續有更多好似你呢種人貼自拍相，我想這個論壇會一直沉淪落去，你都識講現在好多人都喜歡分享自拍，但每人一個自拍POST，已經足以令到龜友論壇唔再屬於傾龜，而變左係真正交友論壇。

作者: Puiki 時間: 2013-6-11 20:49

dpok33456 發表於 2013-6-11 20:37
哦，好欣賞你為左個章連自己個靚樣都貼埋出黎，OK喎你都幾肯付出，加油啦巴打 ...

多謝你嘅讚賞，希望你係真心架啦，養龜嘅路，一般都係比較孤獨，依家難得有一班志同道合嘅朋友相聚於此，大家都好似朋友咁，好多時有好多除左龜之外嘅野，都想大家分享下，好似有師姐會分享煮飯嘅心得，有啲又會問下著咩衫好睇，大家都係朋友，分享都好正常丫

作者: samyung0117 時間: 2013-6-11 20:53
回復 samyung0117 的帖子

wei524：多謝，大家彼此將自己感受講出黎。

作者: Puiki 時間: 2013-6-11 20:53

dpok33456 發表於 2013-6-11 20:44
可能現今社會，喜歡分享自拍相既人多掛，因為太多人對自己太有自信，有時候自信到過哂火，如果你講到貼自 ...

你都識講啦，呢到主要係講龜，但主要唔等於全部都係囉，我地依然係主要講龜，另外再加啲平時生活嘅點滴，你唔鍾意分享，你大可以唔分享架，無人會迫你

作者: icaicayin 時間: 2013-6-11 20:53

Puiki 發表於 2013-6-11 20:49
多謝你嘅讚賞，希望你係真心架啦，養龜嘅路，一般都係比較孤獨，依家難得有一班志同道合嘅朋友相聚於此， ...

4海之內皆兄弟....
其實樓主唔中意睇自貼就直接LOOP去陸/水龜版就可以了...
樓主....己所不欲,勿施於人吧....

作者: samyung0117 時間: 2013-6-11 20:55
回復 qqqq1418a 的帖子

X3

作者: qqqq1418a 時間: 2013-6-11 20:55

dpok33456 發表於 2013-6-11 20:44
可能現今社會，喜歡分享自拍相既人多掛，因為太多人對自己太有自信，有時候自信到過哂火，如果你講到貼自 ...

樓主我亦不喜自拍甚至屋企冇自己一張相！但別人係聊天室所做亦屬正常，聊天任你講咩都得不喜歡可以吾click入去，論壇多元化無可厚非討論龜咪去龜討論區！

作者: samyung0117 時間: 2013-6-11 20:56
回復 Puiki 的帖子

X2

作者: ashbone 時間: 2013-6-11 20:57
幾個月冇上嚟！多咗好多新龜友

作者: Puiki 時間: 2013-6-11 21:02
我希望呢個會講耐啲，上次果個髮乳怪，太快就ko左，完全唔好玩

作者: twbb 時間: 2013-6-11 21:05
請問人家自拍有迫你睇嗎？有妨礙你分享/學習龜友經驗嗎？他們的自拍照有映射你的成份嗎？若沒有的話你為何要反對呢？龜友論壇主旨當然係為龜友服務,分享養龜經驗,但亦無話過唔可以交流私人興趣架喎,可能樓主你心只有龜,但亦都唔可以只要求其他人跟你一樣,正等如其他人亦無強制要你睇佢地d相一樣,而且壇上各區主題分類全部清晰明確,你唔喜歡睇自拍照嘅咪直接去水/陸龜囉，個到唔會有自拍照係咪，希望你明白要人尊重首先要懂得尊重人，你不喜歡的請不要看算了，不用刻意的開帖說人的，以上只是小小的禺見，若有得罪見諒

作者: Faith 時間: 2013-6-11 21:06
回復 Puiki 的帖子

髮乳怪？？？

作者: Faith 時間: 2013-6-11 21:07
回復 ashbone 的帖子

師兄你好

作者: wel524 時間: 2013-6-11 21:07
回復 Puiki 的帖子

一般都比較孤獨, 講得好

支持~

作者: wel524 時間: 2013-6-11 21:09
回復 ashbone 的帖子

哈哈笑, 我記得你~ 快D回'龜' = 回复龜仔狀況, 快D開POST啦, 加埋自貼WOR

作者: siumaiguy 時間: 2013-6-11 21:09
我覺得我地應該學習我地鐘意的龜龜
有時見到事情唔多鐘意咪縮入殼啦
背住個殼追其他人來咬都幾累

作者: ashbone 時間: 2013-6-11 21:11

Faith 發表於 2013-6-11 21:07
回復 ashbone 的帖子

師兄你好

好！好！大家好..…

作者: Faith 時間: 2013-6-11 21:14
回復 siumaiguy 的帖子

一針見血

作者: icaicayin 時間: 2013-6-11 21:14

Faith 發表於 2013-6-11 21:06
回復 Puiki 的帖子

髮乳怪？？？

難道你忘了....
我地果位仲會用又冇品,又口賤,又會百利髮乳的 "牆鑲屍首" 屍兄?

作者: 快快長大吧 時間: 2013-6-11 21:15
C HING 放鬆d,唔洗咁在意呢d小事既.....

自貼只係龜友之間除左傾龜之外既小小餘興姐...
再加上多數c hing 自貼照上黎都系想俾大家認識下自己...俾人知道自己咩咁姐....

我既理解呢...自戀果d人呢,多數唔係淨係po一次相上黎就咁算架,,,,,
所以樓主唔洗咁在意哩d野既其實...

作者: Faith 時間: 2013-6-11 21:17
回復 icaicayin 的帖子

哈哈哈哈！！！
原來佢已經出晒名，仲有綽號添！

作者: samyung0117 時間: 2013-6-11 21:17
回復地獄火的帖子

你icon張相已經可以爆登啦／
呵呵
ching有機會post下自貼

作者: icaicayin 時間: 2013-6-11 21:18

Faith 發表於 2013-6-11 21:17
回復 icaicayin 的帖子

哈哈哈哈！！！

搞到我E+收PM好有恐懼.....

作者: Puiki 時間: 2013-6-11 21:20

icaicayin 發表於 2013-6-11 21:18
搞到我E+收PM好有恐懼.....

依家攪到我都有啲想pm你

作者: samyung0117 時間: 2013-6-11 21:21
呢個論壇有好多區域比大家選擇。
大家可以選擇自己心儀既區域交流。
一人講少句，以免傷大家感情。

作者: wel524 時間: 2013-6-11 21:21
回復 icaicayin 的帖子

唔係麻, 又有咁多熱烈追求者, 唔受會俾人唱GA WOR

作者: 地獄火 時間: 2013-6-11 21:23

samyung0117 發表於 2013-6-11 21:17
回復地獄火的帖子

你icon張相已經可以爆登啦／

既然爆燈，就由佢 la

作者: lishuikuen 時間: 2013-6-11 21:23
回復 dpok33456 的帖子

見你咁講..咁不如戴個面具出街啦...
為左番工.所以個樣不能見人.
為左行街,所以個樣不能見人.
我覺得都OK喎為左生活,為左某D目的,肯付出..
你都加油啦

作者: icaicayin 時間: 2013-6-11 21:26

wel524 發表於 2013-6-11 21:21
回復 icaicayin 的帖子

唔係麻, 又有咁多熱烈追求者, 唔受會俾人唱GA WOR

有D野~~冇好過有....
如果係咁的話....我就真係情願我條屍埋係幅牆度啦...

作者: yingying 時間: 2013-6-11 21:28
都係分享下o者...放鬆下唔好咩?我地自拍純粹分享,再講,咁放個聊天室係到把屁咩?
你唔鐘意唔代表人地唔鐘意,我地學識尊重架!唔好咁話,箅我粗老d講....你帖個post 出黎10成有九成比人話硬.....我地鐘意睇,你阻唔到我地,你唔鐘意睇,我地唔可以迫你睇....一樣o者!你管唔到咁多架!如果你真係要咁多意見,我比個建議你,你click個title個前你可以hi下佢望下屬於咩類,聊天室ge話唔入去睇,咪萬事大吉lo~~
個人意見,不喜勿插,有錯請指!

作者: lishuikuen 時間: 2013-6-11 21:31
回復 dpok33456 的帖子

都係講果句啦...有地方叫自貼區.
又唔係我地屎忽痕整出黎既..
咁有呢個地方既出現..即係可以放自己D相啦...我又唔覺得有咩問題囉
查實你可以建議龜痴比個權限你..睇唔到唔關龜事既POST架..(不過佢有冇呢個時間真係另作別論喇)
同埋...你都識講呢到係龜友論壇啦...你係咁叫人去第二個壇...你又有咩企圖呀@@?
再者..呢到雖然叫龜友論壇..但都有唔係講龜既分區架啵...咁你又要管制人唔好出唔關龜事既POST咩??
香港龜友論壇 ← 其實都係個名黎既姐..駛唔駛一定全部都係要講龜既野先得呀@@?
又即係...如花 ← 呢個只不個係個網名黎既姐...咁唔通佢真人一定要係花黎既咩= =

作者: 快快長大吧 時間: 2013-6-11 21:31

lishuikuen 發表於 2013-6-11 21:23
回復 dpok33456 的帖子

見你咁講..咁不如戴個面具出街啦...

有點過了,......

作者: wel524 時間: 2013-6-11 21:31
回復 icaicayin 的帖子

十分應同

簡直係 '牆鑲屍首' (P.S:唔係人名)

作者: Puiki 時間: 2013-6-11 21:32
本帖最後由 Puiki 於 2013-6-11 21:33 編輯

回復地獄火的帖子

可能樓主就係想用激將法去逼火叔現真身

作者: Faith 時間: 2013-6-11 21:33
回復 icaicayin 的帖子

如此大既心靈創傷

作者: 快快長大吧 時間: 2013-6-11 21:35
火藥味越見濃了.........
香港地.......

作者: Puiki 時間: 2013-6-11 21:37

icaicayin 發表於 2013-6-11 21:26
有D野~~冇好過有....
如果係咁的話....我就真係情願我條屍埋係幅牆度啦...

從你嘅字裡行間,睇得出你好後悔無比機會啊髮乳怪咁喎

,正所謂覆水難收

作者: qqqq1418a 時間: 2013-6-11 21:37
樓主可能你太執著了試下放底觀感去睇，龜友壇有聊天、龜、蛙、爬虫、器材、賣買.....咁多版咪去啱自己想睇嘅咪ok！呢度d ching吾係話你除左某幾個別有用心嘅例外，只係想你放鬆要太執著一文一字嘅宣言！take it easy man！

作者: icaicayin 時間: 2013-6-11 21:37

Faith 發表於 2013-6-11 21:33
回復 icaicayin 的帖子

如此大既心靈創傷

堅驚...好少有D咁熱情GE款待....嚇死我...
冇咩事唔好PM我

作者: icaicayin 時間: 2013-6-11 21:40

Puiki 發表於 2013-6-11 21:37
從你嘅字裡行間,睇得出你好後悔無比機會啊髮乳怪咁喎,正所謂覆水難收 ...

CHING....如果我連佢都要....
我真係覺得自己好...好....不知所謂同饑不擇食....
你地一定會鄙視我LOR(至少立即UNFRIEND我)....

作者: choichakyam 時間: 2013-6-11 21:46
回復 dpok33456 的帖子

相信每個人都係為左個馬騮章而自拍, 如C兄/C姐不喜歡可以向版主投訴,要求禁止自拍.
又或者由成個論壇投票決定.

作者: 啊橙 時間: 2013-6-11 22:08

dpok33456 發表於 2013-6-11 19:39
我指既唔係所有人，而係小部分有極度自戀自大傾向，經常貼自己以為靚既自拍相上黎。首先我講講自己，我上左 ...

「龜友」二字，重點唔單單係龜，而且係友
養龜之人，於論壇上分享經驗或固中喜悅，
呢點係我地最想見到
子曰：「有朋自遠方來，不亦說乎？」
呢到唔單止係分享養龜既心得
仲係一個平台比各位養龜之人尋找志同道合既人
若每一個會員都係各不相干，只係自說自話
呢個論壇好快好燃玩，然後收檔
從友然後從學，三人行必有我師
所以我地先開設聊天室，再而開設自貼區
比會員可以唔單止從文字上了解對方
更可以了解對方既真實面貌(當然阻止唔到有人ps)

樓主所講既問題，於論壇立場上係無法阻止
既然開左一個版塊出黎比大家使用
就預左會有人濫用版塊，瘀血一定會有
但好彩既係呢類情況只係冰山一角
現論壇絕大部份帖都係圍繞爬蟲問題
瘀血係無破壞論壇一直以來既立場
而家好多人都自帖，無非都係為左個馬騮章
真係好少見拎左既人都仲係咁自帖，真係好少。

咁我自己既觀點，自帖咪又佢囉
反正我自己都用左自己個樣黎做頭像
我行得正企得正，比埋個樣你睇又有乜謂喎~~~
只要唔好影響到龜友既大原則就算乸數

作者: 猛男很喪 時間: 2013-6-11 22:17
諗極都吾明.. 如果只系FOR講龜.
甘你投訴黎做咩?? 自相矛盾??
仲有開頭都幾搞笑.. 你又話開得呢張貼. 就預左畀人鬧.
但系點解吾逐個回覆都應一應. 而選擇局部性既回覆去反駁?
其實我諗.. 應該系你太悶. 心靈方面渇望受到慰藉. 想令到更多人去注意你

作者: samyung0117 時間: 2013-6-11 22:34
回復地獄火的帖子

icon已經爆燈，開自貼更加爆

作者: lktq 時間: 2013-6-11 22:34
我覺得自貼多不是重點…而是養龜心得的話題真的不多…最多的只是新手問題，問來問去都是那些問題…好像理髮師師兄所說的一樣。

記得年半前那些貼，跟現在的貼的質素真的很不同…

作者: 杯仔蛋糕 時間: 2013-6-11 22:34
其實樓主咁認真做咩,開設自貼區都係大家笑下睇下姐,如果你唔中意just fine,你大可以唔參加討論,而且我相信post自貼既師兄師姐未至於影響市容掛....

作者: samyung0117 時間: 2013-6-11 22:35
回復啊橙的帖子

支持！！！！！！！

作者: joeyball 時間: 2013-6-11 22:38
真係咁快玩完

作者: 龜友 時間: 2013-6-11 22:59
回復 lktq 的帖子

年半咁少?!
我由開壇冇幾耐已經係常客,有質素GE貼係有,但比起以前真係上壇個個都係講龜講爬,反而聊天室係最少人GE,水龜版係最多留言,大家都係度分享心得,討論療法etc.
E家D新手...真係新到呢...
問問題前真係要自己先爬文,搵完料都唔識GE同一開始冇努力搵資料去問GE係有分別,真係唔好當人盲架...

作者: 家家 時間: 2013-6-11 23:00
大家應該放鬆d啦，如果我靚仔，我都想貼出來分享下啦

作者: kelvintamkrs 時間: 2013-6-11 23:03
其實ー班龜友熟左

,對交流心得都有好處!自拍不過是互相認識既第一歩

作者: 李子火鍋 時間: 2013-6-11 23:06

啊橙發表於 2013-6-11 22:08
「龜友」二字，重點唔單單係龜，而且係友
養龜之人，於論壇上分享經驗或固中喜悅，
呢點係我地最想見到

下~~~ 咩自貼區唔係為左滿足我呢D 咸濕仔可以一賭女龜友既芳貌 ??

作者: muimui_jojo 時間: 2013-6-11 23:28
原來呢個論壇有自拍區....HAHA..我上左黎咁耐都唔知添....
其實都唔係好大影響,又唔係長期罝頂TOPIC...(起碼我見唔到:))
我入親黎都係直入陸龜區

作者: 908a 時間: 2013-6-11 23:29
sorry我唔知你係c兄定c姐.其實你一post以經開口得罪人. 請睇番樓主第一頁 (我指既唔係所有人，而係小部分有極度自戀自大傾向，經常貼自己以為靚既自拍相上黎)本人認為e個論壇d .c兄c姐有問有答

作者: anthonywoo 時間: 2013-6-11 23:37
如果龜友只是講龜先係友，意義就真係好狹窄。

作者: 理髮師 時間: 2013-6-11 23:59
我覺得問題既結徵係點樣提高論壇既質數，而吾係點樣椌制人開乜野post，好多師兄如我都係將大部份興趣同時間放喺龜度，但不竟每個人吾同，可能大部份人養龜都只係生活既一小部份，而一個論壇係會不斷有呢D人加入同離開先會生存到,除去商業因素，保持多完化發展以及專業化既討論先係論壇既方向

作者: 地獄火 時間: 2013-6-12 00:01

samyung0117 發表於 2013-6-11 22:34
回復地獄火的帖子

icon已經爆燈，開自貼更加爆

你點講都冇用

作者: samyung0117 時間: 2013-6-12 00:02
回復地獄火的帖子

作者: 地獄火 時間: 2013-6-12 00:04
叫龜痴兄改論壇個名 la

改叫龜頭論壇，先 post 龜相，後 post 自己個頭相，咁咪冇抵觸 lor

作者: Puiki 時間: 2013-6-12 00:13

地獄火發表於 2013-6-12 00:04
叫龜痴兄改論壇個名 la
改叫龜頭論壇，先 post 龜相，後 post 自己個頭相，咁咪冇抵觸 lor
...

不如叫打龜頭

,先打招呼麻

作者: 地獄火 時間: 2013-6-12 00:13

Puiki 發表於 2013-6-11 21:32
回復地獄火的帖子

可能樓主就係想用激將法去逼火叔現真身

我個真身非常趣怪，無謂獻醜 la

作者: Arthur_leung 時間: 2013-6-12 00:26
一個論壇質素高唔高，唔喺靠新手去提高。而喺靠元老級人士發技術帖比新手參考。樓主講到個論壇技術質素咁差。借問聲你又發過幾多高技術嘅帖出嚟呢？

作者: 阿麟 時間: 2013-6-12 00:52
"海納百川，有容乃大"

我都係新人, 就算我吾喜歡自貼,但都會尊重其他人既自由,何況自貼區係一早有既區,又點可以因為你一人一句話不喜歡,就要抹布其他師兄師姐既空間呢?希望你都有從別人那邊去想啦

作者: banseven 時間: 2013-6-12 00:55
我黎左呢到大半年，看了很多post，慢慢我便認識了很多人，雖然我不是真的認識他們，更加未見過面，但我都知道power15是養石金，火水、中峰、阿sing是賣龜也養好龜，我也知道有很多龜友是美女一名，如果有一日，中峰穿了一套潮服自拍，問大家靚唔靚仔，我諗我會睇得好開心，也會留言，我不知這個網開了多久，但我諗這裡的師姐師兄總有一些是互相認識的，他們自已貼張玉照鬧著玩，關我們這些傍人什麼事！你不喜歡看，但總有人喜歡看，上得黎既都係喜歡龜，龜只係聯系呢度所有人既一條橋，以龜會友，做得成朋友，偶然發幾個無里啦喂既post有何不可？

作者: alex2468 時間: 2013-6-12 01:20

C16316 發表於 2013-6-11 19:43
我覺得你有小小問題 -.-

有自拍區有咩問題有d人想識下人吹下水咁唔通你愛龜要愛到24小時對住隻龜?唔 ...

絕對同意

作者: boap 時間: 2013-6-12 01:25
其實有自拍，有咩問題?

利益申報：我從沒有在此公開自拍照

作者: 君臨天下 時間: 2013-6-12 01:37
本帖最後由君臨天下於 2013-6-12 02:27 編輯

樓主Ｃ兄，其實我都明白有你一樣感覺，有個Ｃ弟係有咁果傾向，次次都唔係講龜，我都覺得佢有自戀咁，所以我選擇唔睇，但又唔可以阻止唔比人自貼架麻

佢有咁個權利

作者: jefflamcy 時間: 2013-6-12 02:21
本帖最後由 jefflamcy 於 2013-6-11 18:22 編輯

每個人都有自己表達自己嘅方式
自拍區可以比我地放左工吹下水放鬆下
人地都唔怕up自己啲相點解你要care？
洗唔洗開post話人地？
放鬆下啦香港人
[youtube]tjDB7qMk258[/youtube]

作者: 龜媽 時間: 2013-6-12 02:23

君臨天下發表於 2013-6-12 01:37
樓主Ｃ兄，其實我都明白有你一樣感覺，有個Ｃ弟係有咁果傾向，次次都唔係講龜，我都覺得佢有自戀咁，所以我 ...

邊個呀？

作者: 火星 時間: 2013-6-12 02:26
樓主你唔鍾意可以唔睇，唔小心入左去睇，
咪當睇小丑，一笑置之，做人何必太認真呢！

作者: 龜媽 時間: 2013-6-12 02:33

火星發表於 2013-6-12 02:26
樓主你唔鍾意可以唔睇，唔小心入左去睇，
咪當睇小丑，一笑置之，做人何必太認真呢！ ...

我暫時都見唔倒有邊個係小丑,
佢地D相都好正經,幾可愛的,
我同意你講"做人不必太認真'

作者: qqqq1418a 時間: 2013-6-12 02:35
一個公開平台每人都有利用它的權利，只要冇傷害到任何人佢地喜歡post自拍照關人セ事！我佩服他/她們有勇氣而且那裏是自拍區，我不喜歡影相吾代表別人可以而且你地令我呢個老鬼睇得好開心，可能有天係魚街見到呢！！

作者: lishuikuen 時間: 2013-6-12 02:36
回復 qqqq1418a 的帖子

心境唔老就得啦

作者: qqqq1418a 時間: 2013-6-12 02:39
回復 lishuikuen 的帖子

心境都老架小妹妹！

作者: jefflamcy 時間: 2013-6-12 02:44
回復 qqqq1418a 的帖子

唔係小妹妹喎

作者: qqqq1418a 時間: 2013-6-12 02:48
本帖最後由 qqqq1418a 於 2013-6-12 02:56 編輯

jefflamcy 發表於 2013-6-12 02:44
回復 qqqq1418a 的帖子

唔係小妹妹喎

2多歲生得佢出啦！30就冇本事！其實見你地玩得咁開心至多口搭嗲啫！

作者: siusun 時間: 2013-6-12 03:20
回復 lktq 的帖子

呢樣係真, 我都少左上黎. 呢度悶左好多, 以前熱鬧D

睇得出樓主都係小朋友一個, 自己唔鐘意人自貼就出POST批評.
有自貼區就一定有D 稚氣未除既自貼相, 唔鐘意咪唔好睇或少一句囉, 有得自貼區人地就有權自貼架啦.

如果真係要分得咁清楚, 要自貼非得去5P, 要暢所慾言字字粗口要上高登, 要講龜就呢度.
咁樓主又點解要O係呢度用巴打一詞去稱呼別人呢

作者: twbb 時間: 2013-6-12 13:11

samyung0117 發表於 2013-6-11 21:21
呢個論壇有好多區域比大家選擇。
大家可以選擇自己心儀既區域交流。
一人講少句，以免傷大家感情。

有D人係好奇寶寶,想收集人地意見,想知其他人對自己既諗法會有D咩既睇法,只係我覺得樓主只係想人支持佢,從回覆中我見唔到佢有反思別人的意見,只係不斷強調自己係正確,其他人咁做(自拍)就係錯既,但其實幾乎所有人都只係同佢講自拍只係會員私人間既交流,討論龜之餘既閒暇話題,佢唔喜歡睇既可以直接去龜區,我就唔明點解係咁既情況下佢都係要堅持反對自拍,除左係佢所講會令龜友網沉淪之外(本人係覺得無可能既)會唔會仲有其他因素???

歡迎光臨香港龜友論壇 (https://hkturtle.org/)