香港龜友論壇

標題: 醫生懷疑我染上登革熱 (急) [打印本頁]

作者: 602151 時間: 2013-6-13 14:59
標題: 醫生懷疑我染上登革熱 (急)
本帖最後由 wongfafa 於 2013-6-13 21:11 編輯

　　6月11號我開始劇烈頭痛、一對眼窩後面痛到死咁制、肌肉及關節痛、食慾不振、呢幾日我每日都食８粒止痛藥，但都無法止到痛楚，但已經係上限了，不能再食更多止痛藥，無可奈可下，今朝去了睇普通科街症，醫生立即寫轉介信，叫我去急症室，可是，自幼體弱多病的我極抗拒入醫院，因為我超怕打針、吊鹽水，我立即拒絕到醫院，醫生無奈即時叫人為我抽血，並叮囑我食完尼隻超強止痛痛後，有機會導致胃出血，如果食完都無法止痛，就要立即入急症室，他連轉介信都一併俾我了，於是我便返家了。

問題來了，我食完尼隻超強止痛藥後，個頭及後眼窩仲係痛到爆，痛到我想掉咗個頭去。肌肉及關節依舊的痛。

點解會咁？點解又係我病? .... 六合彩又唔見我中.... 日日失業被迫留在家中都中招.......嗚.....嗚.......

我應該點做好，我而家身、心都好痛苦啊，請問有無朋友可以開解下我啊？

如果唔舒服，一定要去睇醫生呀，
黃姑娘一定會支持你呀，
如果延誤治療後果可能會好嚴重呀！！！
我地一班龜友都會祝你早日康復！

wongfafa

作者: 小豹 時間: 2013-6-13 15:12
入院檢查清楚好尐

作者: go02105395 時間: 2013-6-13 15:17
快入醫院……

作者: 一蚊一隻龜 時間: 2013-6-13 15:22
快去醫院

作者: ex903 時間: 2013-6-13 15:23
本帖最後由 ex903 於 2013-6-13 15:24 編輯

最緊要聽醫生講你越係怕越係嚴重快D去检查清楚現在只係懷疑不要因為小事變大事大膽D 祝你早日康複

作者: 602151 時間: 2013-6-13 15:33
多謝各位朋友關心，但我真係好驚入醫院

、好驚見到血

、好驚醫院既中央冷氣

，令我好凍

，夜晚蓋極被都唔夠暖.........好驚．．．我係個無膽鬼啊

作者: jefflamcy 時間: 2013-6-13 15:45
回復 602151 的帖子

如果唔入嘅話可能會好嚴重
快啲入喇
越拖越嚴重呀

作者: 唯愛紅尾 時間: 2013-6-13 15:45
醫生叫你去你唔去

係到打字你都係會痛

點解咩都怕怕怕連醫院都怕去

咁你點做人

作者: 602151 時間: 2013-6-13 15:49
本帖最後由 602151 於 2013-6-13 15:50 編輯

唯愛紅尾發表於 2013-6-13 15:45
醫生叫你去你唔去
係到打字你都係會痛
點解咩都怕怕怕連醫院都怕去

我而家打緊字，個頭、後眼窩、關節都係極痛中，
我自幼常出入醫院，
覺得醫院好恐怖

入親去淨係得
痛＋驚＋無得瞓

作者: 唯愛紅尾 時間: 2013-6-13 15:53

602151 發表於 2013-6-13 15:49
我而家打緊字，個頭、後眼窩、關節都係極痛中，
我自幼常出入醫院，
覺得醫院好恐怖

咁你諗住點?

作者: 忍者龜工人 時間: 2013-6-13 15:54
唔好甘啦~~ 快 d 睇醫生啦~ 如果唔係有咩事就麻煩喇~ 到時可能要再住耐 d tim 呀~~

作者: 唯愛紅尾 時間: 2013-6-13 15:54
怕都冇計
搵人陪你去啦
病向淺中醫

作者: samyung0117 時間: 2013-6-13 15:57
身體檢查最安全

作者: 武能容 時間: 2013-6-13 15:58

602151 發表於 2013-6-13 14:59
　　6月11號我開始劇烈頭痛、一對眼窩後面痛到死咁制、肌肉及關節痛、食慾不振、呢幾日我每日都食８粒止痛 ...

[youtube]rtoLPZIajxw[/youtube]

作者: lishuikuen 時間: 2013-6-13 16:05
病向淺中醫..
你唔為自己,都為下班細既..忍一忍啦.快D睇急症

作者: 602151 時間: 2013-6-13 16:14

唯愛紅尾發表於 2013-6-13 15:53
咁你諗住點?

我淨係希望呻出嚟，唔想再屈响個心裡面

作者: 地獄火 時間: 2013-6-13 16:21
病向淺中 E,聽我講,快 d 去睇急症,呢 d 野 5 拖得 ga

作者: LiB 時間: 2013-6-13 16:26
唔想釘就快啲去睇急症喇！！！仲咁得閒係度分享，不喜勿插

作者: 賣魚仔 時間: 2013-6-13 16:28
Ｃ姐快Ｄ入醫院呀

作者: TWO 時間: 2013-6-13 16:37
希望你快D好番！加油！

作者: 君臨天下 時間: 2013-6-13 16:37
本帖最後由君臨天下於 2013-6-13 17:21 編輯

Ｃ姐，唔好咁任性，有病一定要醫好佢，自己又辛苦，家人又擔心，小小苦楚有嘜問題，聽我講啦，快Ｄ入醫院檢查啦，攪到旁邊Ｄ人都要為妳擔心妳過意得去嗎？妳都唔想Ｄ龜冇人照顧呀！依家祇係過唔到心理個關姐，比Ｄ信心面對佢，龜龜都會擔心妳架，比Ｄ信心自己克服佢，祝妳早日康復。

作者: twbb 時間: 2013-6-13 16:40
本帖最後由 twbb 於 2013-6-13 16:40 編輯

姐姐,我諗你都好明白連龜龜有病都要睇醫生,龜龜受傷都要做手術,你都經常叫其他龜友帶d龜龜去睇醫生,其實你都心裡有數接受治療係必然架喇,我同你雖然唔係相識好耐,但都真係唔想聽到有關你出事既消息,希望你可以快d去醫院接受治療啦

作者: choichakyam 時間: 2013-6-13 16:44
咁唔小心嫁~~

作者: mblack 時間: 2013-6-13 16:48

602151 發表於 2013-6-13 15:49
我而家打緊字，個頭、後眼窩、關節都係極痛中，
我自幼常出入醫院，
覺得醫院好恐怖

畏疾忌醫! 唔得! 快d去睇0拉! 睇完冇事喇, 唔睇仲有排你受0拉!

作者: wel524 時間: 2013-6-13 16:53
本帖最後由 wel524 於 2013-6-13 17:14 編輯

拿拿林入醫院啦, 唔係到你發燒/無意識果時都係強制俾人送入去, 病向淺中醫
而家仲有意識, 唔鐘意做既野入到佢先REJECT, 唔係到你暈左果時就無得SAY NO

食止痛藥好傷胃, 長食不是辦法~~ 到時傷到個胃有問題唔食得野, 仲麻煩

作者: twbb 時間: 2013-6-13 16:56

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

見你咁講其實都只係心埋因素,一個字~驚,我都明白一般人對未知既事會有恐懼,但其實入院檢查只係一件好小事,抽血一d都唔痛架,只要放鬆一d,用平常心去面對就無乜野架喇,我之前都因肚生瘡有濃要入院,做手術前都好緊張到成個人有d震添,但到正式嚟個一刻只係界一刀放血抽濃,一陣間就完,平常到我覺得乜就咁架咋,全程望天花版唔會見到血,全程真係無乜特別,所以你真係唔好驚喇,快d去檢查啦,希望你知道會有好多人關心你架。ps:頭痛就去休息下,唔好上咁多電腦,望得多越用精神只會越痛架,最後再囉唆一次,快d入院接受治療呀

作者: wel524 時間: 2013-6-13 16:57
本帖最後由 wel524 於 2013-6-13 17:14 編輯

回復 602151 的帖子

最多你入左醫院, 帶埋D龜去探你, 快D拿拿林CALL的入急症室

P.S: 記得帶埋外套, 急症室都幾凍

作者: 快快長大吧 時間: 2013-6-13 17:08
祝c兄早日康復

作者: 602151 時間: 2013-6-13 17:20
本帖最後由 602151 於 2013-6-13 17:21 編輯

TO: 各位Ching/C姐/C弟/C妹:

我呢世人日日都需要按醫囑，服食各種既藥物，係名符其實既「藥煲」，我已經好辛苦了。
如今無端端染上此病，我真係諗爆頭都唔明自己點解會感染到。我真係唔想入醫院，好驚聞到果浸血腥味，有人或者無留意到，但我出入醫院多了，就好討厭去。

我响呢個網頁了解到有部份染上登革熱既病人係會自然痊癒：http://www.chp.gov.hk/tc/content/9/24/19.html

尼次我希望憑自己既意志力與登革熱對抗，唔想越食越多藥，祈望大家祝福我戰勝病魔

作者: twbb 時間: 2013-6-13 17:25

wel524 發表於 2013-6-13 16:57
回復 602151 的帖子

最多你入左醫院, 帶埋D龜去探你, 快D拿拿林CALL的入急症室

咪係囉,C姐帶龜我帶食物,你想食咩就開聲,最梗要你快D去睇呀

作者: 森山 時間: 2013-6-13 17:27
C姐去急政睇睇好D喎，可能唔洗留院呢!

作者: twbb 時間: 2013-6-13 17:34
呢個網頁(只係)(有部份)染上登革熱既病人係會自然痊,病呢家野唔可以靠估架,憑意志戰勝病魔,你而家唔係無得醫既絕症,睇醫生可以盡快減輕痛苦點解唔睇

,或者你曾經有過唔愉快既經歷,不過大多數既病只會越拖越重,真心的希望你無事,所以都係快D去睇醫生啦好無

作者: jefflamcy 時間: 2013-6-13 17:40
登革熱唔係普通病呀
憑意志都要記住食藥睇醫生
因為後果唔係普通傷風咁簡單架

第一級

發燒伴隨有非特異性體質症狀：
血壓帶試驗陽性是唯一出血現象

第二級

第一級加上有自發性出血
登革休克症候群

第三級

已呈現循環衰竭現象，
如:脈搏弱、脈搏壓變窄，血壓變低，伴隨有皮膚濕冷，坐立不安。

第四級

嚴重休克，血壓脈搏量不到

作者: 602151 時間: 2013-6-13 17:41

森山發表於 2013-6-13 17:27
C姐去急政睇睇好D喎，可能唔洗留院呢!

今朝果個醫生對我講話我要入急症室兼留院, 我晴天霹靂, 問佢: 咁駛唔駛住隔離病房, 佢答唔駛

作者: wel524 時間: 2013-6-13 17:44
咁快斷定自己登革熱可以自癒, 個醫生只係話懷疑, 而家未確診都未知係咩病

作者: samyung0117 時間: 2013-6-13 17:46
回復 samyung0117 的帖子

無用架，最好早o的治療，病情惡化就難處理啦

作者: 602151 時間: 2013-6-13 17:46
本帖最後由 602151 於 2013-6-13 17:46 編輯

twbb 發表於 2013-6-13 17:34
呢個網頁(只係)(有部份)染上登革熱既病人係會自然痊,病呢家野唔可以靠估架,憑意志戰勝病魔,你而家唔係無得 ...

多謝C弟你既祝福，我而家個身及臉孔暫時未有出紅疹既現象。
我會密切留意自己塊面，如果我塊面出紅疹既話，我會立即入醫院的了，
我而家要好好的瞓一覺，聽朝睇下塊面有無事再算吧

作者: go02105395 時間: 2013-6-13 17:47
有D病真係食止痛藥都冇用架，講出黎由驚嚇親你，快入院做檢查啦！求安心都好啊！

作者: twbb 時間: 2013-6-13 17:47
順口提多一提,我之前有個朋友廿幾歲仔感染乙型肝炎,但就係拖左成個月先去睇醫生,搞到次級嚴重(即係差一級就最危險個隻),需然醫得返,但就已經有後遺症,成世仔要界口,好多野唔可以食,雖然病唔同但道理一樣,所以希望你明白我既苦心,再唔喜歡醫院都要去,唔好拖喇

作者: bb7628 時間: 2013-6-13 17:48
C姐,快D入醫院睇下啦

作者: 602151 時間: 2013-6-13 17:50
本帖最後由 602151 於 2013-6-13 17:50 編輯

jefflamcy 發表於 2013-6-13 17:40
登革熱唔係普通病呀
憑意志都要記住食藥睇醫生
因為後果唔係普通傷風咁簡單架

乜登革熱咁得人驚架

作者: wel524 時間: 2013-6-13 17:52
本帖最後由 wel524 於 2013-6-13 17:58 編輯

回復 602151 的帖子

C姐, 你既意志係咪搞錯左!!
而家未證實係登革熱, 咩病都未知, 完全好難估計嚴重性, 咁拖落去唔知發生咩事,
你現在是畏疾忌醫, 用消極既態度, 懦弱既意志去面對,
是否應該用你既意志 + 少許勇氣追求真相, 不要被過去慘痛既經歷影响未來的人生,
難道你以前在醫院留院時, 只想著自己的痛苦, 而沒有體會到其他的事情嗎?

作者: alexwong2012 時間: 2013-6-13 17:53
你唔入醫院，我就同你絶交。

作者: jefflamcy 時間: 2013-6-13 17:55
回復 602151 的帖子

難聽都要講架喇
登革熱唔醫係會死架

快啲去醫院body check喇
我地龜友支持你

作者: 龜媽 時間: 2013-6-13 17:56
你乖啦,咁硬頸只會撞板架咋

作者: ex903 時間: 2013-6-13 18:13

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

我都試過入院留醫前後先係三日我就自己番左屋企啦果D感覺真係好難令自己安心

作者: 龜大仙 時間: 2013-6-13 18:15
師姐有病就要醫,不要太驚,醫院並不是可怕的地方,可怕的是自己的心魔,快啲入院檢查一下,你啲龜龜也一樣很擔心你,難度你要令牠們擔心難過,各龜友也一樣擔心你,如你不介意,大家也會來探望及支持你,師姐加油

作者: dmchiu 時間: 2013-6-13 18:17

602151 發表於 2013-6-13 14:59
　　6月11號我開始劇烈頭痛、一對眼窩後面痛到死咁制、肌肉及關節痛、食慾不振、呢幾日我每日都食８粒止痛 ...

快入醫院 la

作者: wel524 時間: 2013-6-13 18:24
本帖最後由 wel524 於 2013-6-14 00:38 編輯

wel524 發表於 2013-6-13 17:52
回復 602151 的帖子

C姐, 你既意志係咪搞錯左!!

如果你想用自己既方法去獨自對抗未知的疾病, 最初就不應選擇去看醫生,
當你決定去看醫生那刻, 就已經表示你已經舉白旗投降,
現在你被以往的經歷所畏懼, 去無視醫生的判斷,
這不但是對該名醫生的侮辱, 甚至令所有疼愛的人失望!

要好好記著自己的生命不是自己完全擁有,
人人平等的概念下, 傷害自己跟傷害別人是沒有分別,
你由投降那刻就本應順著醫生的首要建議實行,
你現在這樣拖下去, 即使自行病癒都可能引致后續隱憂,
eg 登革熱患者康復後，身體會產生免疫能力，可預防同一血清型病毒的感染，卻不會對其他三種血清型病毒有防禦能力。
登革熱再病發時會更嚴重, 若果知道上次感染過那種血清型病毒, 可能會影响斷症
你現在這個舉動確實是在損害自己的自身利益,
而且寧願服食強力止痛藥, 卻堅決拒絕查清病症,
根本是在摧殘自己, 消耗自己的生命,
這是什麼意志!!!!!

作者: joeyball 時間: 2013-6-13 18:36
我都明白好多人都驚睇醫生,但你咁辛苦都係早D檢查下好D,
病向淺中醫

作者: icaicayin 時間: 2013-6-13 19:01
快啲入院吧！明白身體有事會好唔問心同好灰的！的確係要呻下

正面啲睇，唔好咁多負能量個人會快啲好返
師姐加油！！！

作者: 寵物達人 時間: 2013-6-13 19:02
本帖最後由寵物達人於 2013-6-13 19:05 編輯

我想：樓主你都是想集合大家的力量、祝福去支持你，令你可以渡過難關。
如果你需要別人支持，這是大家都可以諒解，我亦同時相信龜友論壇好多人都會祝福你，但如果你需要我地論壇的所有人去祝福一個不懂愛惜生命的人，我第一個不會去支持你，更會另外"祝福"你^_^。

無錯，你過往的經歷可能令你不快，辛苦，不過既然你今次選擇了不去就醫，咁我唯有代你家人惑到惋惜，同時，你上了蘋果動後我會第一個跳出來報料：”少女自命意志大於一切，挑登革熱機，亡”　你想靠你的意志嬴病魔？你係腦有問題？還是太過年輕？未經歷過挫折（除了所謂的時常進出醫院）？

我知道來緊將會有好多人替你講好說話，但我想強調一項，不熱愛生命的人，值得我們去支持？去鼓勵？（大前提是已經有太多太多的師兄說服你了，你都是不願意就醫）

如果這世界上真的有投胎一說，我但願盡早讓另一個熱愛生命的人盡早來到這個世界。
如果這世界上真的有耶穌一說，我但願上帝看重你的意志堅強大於你的不珍惜生命，讓你成為天使。
如果這世界上真的有捐贈器官一說，我但願你的家人同意將你的分給他人，幫助更多更多熱愛生命，珍惜生命的人！

請原諒我的直接，但請你好好想一想。

作者: chim 時間: 2013-6-13 19:35
快D入院吧！祝早日康復....

作者: ting2757 時間: 2013-6-13 20:03
gd luck

作者: 602151 時間: 2013-6-13 20:18

alexwong2012 發表於 2013-6-13 17:53
你唔入醫院，我就同你絶交。

Alex Ching唔好絕交啦，我本來就已經極少朋友的了，咁難得搵到位咁好心地既人，唔好同我絕交啦

我剛剛食咗藥，好眼瞓，我去瞓下覺先

作者: wel524 時間: 2013-6-13 20:21
回復 602151 的帖子

都話淨係止痛無用, 訓埋今晚, 聽朝即刻去急症室

作者: 閃靈再現 時間: 2013-6-13 20:36
回復 602151 的帖子

R.I.P...........

作者: 卓子 時間: 2013-6-13 21:52
登革熱唔洗入隔離病房既因為你染左但都唔會傳比其他人
拿拿聲醫好佢好過自己咁辛苦啦 panadol 唔係用黎些呢d severe 既痛架。。。乖乖地入院觀察下啦

作者: 602151 時間: 2013-6-14 11:46
本帖最後由 602151 於 2013-6-14 11:47 編輯

TO: 所有勸過我既朋友：
好多謝您地勸我入院，我而家仲係全身好痛、頭痛、眼痛。我決定聽你地話入醫院了，唔好同我絕交啦，好無？
如果出到院既話，我會上嚟龜壇報平安。
另外，在我住院期間，我男朋友願意代我照顧我ｄ寶貝仔女共８個。
我走了.................................................

作者: 君臨天下 時間: 2013-6-14 11:50
本帖最後由君臨天下於 2013-6-14 11:51 編輯

回復 602151 的帖子

咁咪好囉，快Ｄ啦，希望妳冇事，勇敢Ｄ去面對

記得帶手機上綱報平安呀！

作者: 602151 時間: 2013-6-14 22:17
本帖最後由 602151 於 2013-6-14 22:19 編輯

各位朋友, 我返嚟喇，我今日下午去了伊利沙伯醫院急症室，急症室醫生幫我檢查過，話我無出紅疹，又無離開過香港，根本好明顯唔係登革熱，只係全身肌肉痛楚，他給了兩種藥我回家服用。証實原來係虛驚一場，係尋日普通科既街症醫生斷錯症，害我尋晚驚咗同喊咗成晚，也害了我的龜友們為我擔心，幸好各龜友鼓勵我入院檢查清楚，我先知道自己沒有此病及有庸醫斷錯症

好多謝你地鼓勵我去急症室，否則，我唔知要驚（染登革熱）到幾時

作者: alexwong2012 時間: 2013-6-14 22:21

602151 發表於 2013-6-14 22:17
各位朋友, 我返嚟喇，我今日下午去了伊利沙伯醫院急症室，急症室醫生幫我檢查過，話我無出紅疹，又無離開過 ...

作者: 602151 時間: 2013-6-14 22:23
回復 602151 的帖子

多謝Ching鼓勵我去就醫，我先至知道個真相啊

作者: icaicayin 時間: 2013-6-14 22:25
回復 602151 的帖子

下次早啲乖乖地去搞清楚就唔洗白流咁多眼淚吖傻瓜！

多啲休息吖！

作者: 602151 時間: 2013-6-14 22:26

alexwong2012 發表於 2013-6-14 22:21

好多謝Alex Ching你的鼓勵

，我而家先知道連普通科街症都有庸醫啊，嚇死我了

作者: 龜大仙 時間: 2013-6-14 22:31

602151 發表於 2013-6-14 22:26
好多謝Alex Ching你的鼓勵，我而家先知道連普通科街症都有庸醫啊，嚇死我了 ...

師姐去睇下你啲寶貝龜龜牠們都在.........笑你

作者: wel524 時間: 2013-6-14 22:34
回復 602151 的帖子

太好啦, 要保重身體

其實好多病都要經過多種檢查先確診, 即使第一個醫生話有絕症, 最好都係要搵多個醫生再check一次, 始終醫生不是神, 只是人, 人有好多不確定性, 所以有時不要太担心, 即使遇到任何情況, 要積極樂觀地面對

作者: 602151 時間: 2013-6-14 22:37

龜大仙發表於 2013-6-14 22:31
師姐去睇下你啲寶貝龜龜牠們都在.........笑你

我今日臨去醫院前有同仔女道別，佢地好似想跟埋我去睇咁

作者: 龜大仙 時間: 2013-6-14 22:42

602151 發表於 2013-6-14 22:37
我今日臨去醫院前有同仔女道別，佢地好似想跟埋我去睇咁

甚麼動物都知道主人的感受呀而是主人不明白牠的意思

作者: wel524 時間: 2013-6-14 22:48
本帖最後由 wel524 於 2013-6-14 22:49 編輯

回復 602151 的帖子

哈哈~其實講樣野俾你聽, 我成日去睇街症(以前試過每星期去一次),
有d醫生真係唔多識開藥, 好多時我會講俾佢聽開邊種藥
(有d醫生一時之間好似唔醒起有果種藥),
因為睇開某種病, 自己先知食邊種藥有效, 食邊種咩情況無咩效,
次次睇既醫生唔同, 佢又未必睇哂自己既病歷, 如果開唔o岩藥麻煩果個係自己,
食完d藥唔掂又要再book再睇, 好鬼麻煩

~

所以門診既醫生未必完全可信, 要知道真相, 要自己思考一下下一步如何,
通常佢話去檢查係再re-check既意思, 佢果日抽你血, 等結果都好似要一星期 ,
佢應該係見到你食左成個星期止痛藥, 担心等咁耐有問題, 所以叫你入急症室

作者: 君臨天下 時間: 2013-6-14 23:43

冇事就好啦，我都話一定要睇架啦，依家咪安心囉，妳如果再唔睇我都會同妳絕交架，依家最好就早Ｄ訓休息調理好身體，健康才是金錢嘛，冇佐健康又點同我地吹水呀！

作者: lishuikuen 時間: 2013-6-14 23:58
回復 602151 的帖子

點解要紅字...(絕交先用紅字啦XD)
你呢段野講到遺言咁...

你出院請你食雪糕丫

作者: alicetung 時間: 2013-6-15 03:34
冇事就好啦~~
抖多D養返好個身體
或者我地未能夠體會到你果種怕醫院的感受
但始終有病就要睇醫生
雖然意志有一定的作用可以抵抗到病
但始終只係附助作用
以後都唔好要大家擔心
+油

作者: 火星 時間: 2013-6-15 04:34

作者: 602151 時間: 2013-6-15 06:36

lishuikuen 發表於 2013-6-14 23:58
回復 602151 的帖子

點解要紅字...(絕交先用紅字啦XD)

乜原來絕交先至用紅字架，我唔知呀，Sorry,

我唔食得雪糕的，因為我有哮喘，唔食／飲得凍野

作者: 602151 時間: 2013-6-15 06:39

君臨天下發表於 2013-6-14 23:43
冇事就好啦，我都話一定要睇架啦，依家咪安心囉，妳如果再唔睇我都會同妳絕交架，依家最好就早Ｄ訓休 ...

Ching唔好同我絕交呀

，我依家食咗醫生俾既藥，好眼瞓

，我去搵周公

作者: zerochan1318 時間: 2013-6-15 08:11
哈哈無事咪好囉呢排我都有感冒感冒完就咳左3個星期/ . \
仲要咳住開工所以唔洗驚仲有我陪你戰勝病魔!

作者: twbb 時間: 2013-6-15 10:44
廢話唔多講喇,而家一天光哂小心d照顧好自己知無

作者: Johnson 時間: 2013-6-15 11:01
cjie救甘多龜
一定冇事

作者: 龜龜ying 時間: 2013-6-25 01:06
本帖最後由龜龜ying 於 2013-6-25 01:07 編輯

回復 602151 的帖子

單憑意志如何戰勝病魔？人人有病痛都不用看醫生嗎？
病向淺中醫呀！！要愛惜生命！！
你自幼經常出入醫院　可能會因此留下陰影　但你要明白　有病始終雖要睇醫生　得到適當藥物治療先會康復　當然加上意志　好返機會自然會快啲。
如果我病情嚴重到咁　我相信就算醫院有鬼　我都會入去醫！
若珍惜自己　尊重生命　請快快就醫！支持你～！！！

作者: 君臨天下 時間: 2013-6-25 01:08
回復龜龜ying 的帖子

Ｃ妹講得一Ｄ都冇錯

作者: 龜龜ying 時間: 2013-6-25 01:12
回復君臨天下的帖子

唉...真希望樓主既答覆　唔係又係果句"憑意志戰勝病魔"啦....
我真係怕樓主再唔去醫院　會越拖越嚴重！！

作者: 龜大仙 時間: 2013-6-25 01:15

龜龜ying 發表於 2013-6-25 01:12
回復君臨天下的帖子

唉...真希望樓主既答覆　唔係又係果句"憑意志戰勝病魔"啦....

她已去醫院睇了現在無大礙呀

作者: 龜龜ying 時間: 2013-6-25 01:22
回復龜大仙的帖子

實在太好了！！！！！
希望師兄／師姐可以快啲康復出院啦！！

作者: 龜大仙 時間: 2013-6-25 01:36

龜龜ying 發表於 2013-6-25 01:22
回復龜大仙的帖子

實在太好了！！！！！

他是師姐已出院了

作者: 602151 時間: 2013-6-25 07:20
本帖最後由 602151 於 2013-6-25 07:21 編輯

龜龜ying 發表於 2013-6-25 01:22
回復龜大仙的帖子

實在太好了！！！！！

好多謝C妹妳的關心，事情是這樣的：
　　我前幾日個頭痛到爆、全身肌肉都好痛，每日食合共八粒止痛藥都止唔到痛，於是走去睇普通科街症，不幸遇上庸醫，佢話懷疑我染上登革熱，叫我立即去急症室留院，我當堂O晒咀，我話我唔去醫院！佢搵姑娘立即幫我抽血，佢仲寫埋轉介信，叫我俾急症室醫生睇。佢開咗隻超強止痛藥俾我，叮囑我如果食完都無法止到頭痛，就無論如何立即要入院。
　　我返家後覺得好絕望，點解自己成日都唔係呢樣病就果樣病，就上龜友論壇呻，仲喊咗成晚，幸得各龜友鼓勵我快去急症室睇，我先至有勇氣，第二朝瞓醒就拎埋封轉介信，立即去伊利莎伯醫院，呢次遇上資深醫生（因為我見佢帶埋四個見習醫生學嘢），佢檢查我手腳、面ｄ皮膚後，話我無出疹，斷定根本無可能係登革熱，佢仲立即响ｄ見習醫生面前掉咗封轉介信，佢話我只係全身既肌肉及神經線痛楚，先至令到我咁樣，佢開咗藥我返家食，食咗之後好眼瞓，但好有效，無再痛了

作者: Norrishill 時間: 2013-6-25 07:42
本帖最後由 Norrishill 於 2013-6-25 07:42 編輯

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

冷氣令你好凍只不過係你吸收唔夠足夠熱量, 平日你冇注意飲食, 人係溫血動物, 但其實我地要日日進食熱能食物去KEEP住體溫, 所以一定要食如白飯, 粉面等高熱量食物去維持我地體溫.

體溫要夠, 唔可以成日係屋企, 要有汗出, 身體要不斷運行, 新陳代謝先健康.

頭痛、一對眼窩後面痛到死咁制、肌肉及關節痛, 我諗你要停止飲同食生冷野. 風重同濕過重都會出現你依D情況.

祝你早日康復！

作者: 602151 時間: 2013-6-25 12:43

Norrishill 發表於 2013-6-25 07:42
冷氣令你好凍只不過係你吸收唔夠足夠熱量, 平日你冇注意飲食, 人係溫血動物, 但其實我地要日日進食熱能食 ...

Ching你講得好啱，我平日真係極鍾意飲同食凍既野，多謝你話俾我知

作者: 龜龜ying 時間: 2013-6-25 23:28
回復 602151 的帖子

恭喜師姐！證實唔係登革熱！真係比個庸醫嚇餐死！
佢所謂既"止痛藥"都唔知咩黎架　居然食８粒都止唔到痛？！食咁多粒止痛藥有排都排唔出體外呀...
最後祝師姐你快啲快啲好返啦～

歡迎光臨香港龜友論壇 (https://hkturtle.org/)