香港龜友論壇

標題: 請教，巴西龜唔肯食野，伸頸開口有白泡 [打印本頁]

作者: 你的好朋友 時間: 2013-6-23 20:15
標題: 請教，巴西龜唔肯食野，伸頸開口有白泡
我妹妹一個月前左右買左兩隻細巴西龜，龜殻直徑只有5cm。兩三個星期前其中一隻龜開始開口，又唔食野，上網查過一下，買左支龜精靈，但用左幾日都無好轉，於是轉左龜康寶，可惜都係無效，之後本來諗住買隻黑藥，但因為貴，同埋問左幾間舖頭都無，之後有人介紹我用隻龜之意外，係膠囊，拆左佢溶水畀龜飲，但都係無效。近一個星期連另一隻龜都開口唔食野，明明已經將佢地隔離左。

雖然隻龜係我妹妹養，但每日對對下，我都產生左感情。最初買返來兩隻龜都精精神神好有活力，爬來爬去。但而家兩隻龜都唔願郁，成日合埋眼訓，一係就伸長條頸開口，有時仲有慘叫聲，睇見都傷心，有一隻攞起上來連手腳都唔郁，無任何反抗。阿妹話隻龜$12買返來，帶佢地睇獸醫又好似。。。，但我又唔忍心見死不救。請問各位有冇咩提議可以畀我？我之前未養過龜，束手無策。我應唔應該買埋黑藥試下？一百蚊內如果救到我都肯花的。

補充，平時兩隻龜只係放在一個普通膠盒，入面有少少水養住

唔該各位

作者: casperwai 時間: 2013-6-23 20:24
提示: 作者被禁止或刪除內容自動屏蔽

作者: 你的好朋友 時間: 2013-6-23 20:38
本帖最後由你的好朋友於 2013-6-23 20:40 編輯

無呀，我同妹妹都無養過，就咁搵個膠兜裝住養，水就搵水喉水，即係唔得？咁點好呢？而家我有咩可以做到？
有一隻無哂力咁，郁都唔郁咁制，好擔心呀。。。

作者: casperwai 時間: 2013-6-23 20:45
提示: 作者被禁止或刪除內容自動屏蔽

作者: dpok33456 時間: 2013-6-23 20:46
盡快買支黑藥滴吧，之前我隻巴西龜都有類似情況滴左幾日就好快，就算係有小小貴但都唔夠睇獸醫貴，而且黑藥唔係一次就用哂，仲可以用好多次，有排用，擺係屋企應付不時之需

作者: 你的好朋友 時間: 2013-6-23 20:52
我查左，魚佬有得賣，聽日放工就買，兩隻龜要頂住呀。
咁係唔係滴落佢個鼻？

作者: 忍者龜工人 時間: 2013-6-23 20:54
唉。。。點解唔識養唔早d上網請教人。。。
龜仔唔可以直接用水喉水, 要用隔夜水。。。仲有你個龜缸放邊?平日有無放佢地在冷氣地方?
我懷疑佢地有皮膚病, 你影張相俾大家睇下! 仲有巴西龜係水龜, 要俾深水同陸地。。。
最後, 我睇你呢個post 真係好無耐! 生命唔係用價錢衡量。。12蚊都係生命。。希望龜龜可以好返。。但聽你形容相信都離死期不遠。。。

作者: 你的好朋友 時間: 2013-6-23 20:55
補相

作者: 忍者龜工人 時間: 2013-6-23 20:56
請你地不要再殘害生命, 要有能力醫佢地先好再養。。。我意思係等你地大個, 有收入先!

作者: 忍者龜工人 時間: 2013-6-23 20:59
眼睇唔覺有皮膚病又, 你有無放佢地冷氣地方養?
佢地有無鼻水?
你就係用呢個兜養佢地?

作者: 忍者龜工人 時間: 2013-6-23 21:00
个有呢張相係岩岩影?1

作者: icaicayin 時間: 2013-6-23 21:04
開口呼吸多數係感冒
買黑藥吧。。。
小心龜龜唔好俾冷氣吹親

作者: dpok33456 時間: 2013-6-23 21:08
其實聽樓主咁講，D龜龜應該就黎唔掂

作者: dpok33456 時間: 2013-6-23 21:18
你D龜龜無開口無噴泡無打黑痴而且見唔到皮膚有事，睇落都好精神下

作者: 你的好朋友 時間: 2013-6-23 21:18
忍者龜工人
其實係我妹妹養，佢讀緊書，我就做緊野架喇，我見阿妹平日都無乜點理啲龜，之後隻龜病左我睇唔過眼就幫下佢，但始終我地都無養過龜，唔知點做好，而家只能聽日買埋黑藥試下。

係呀，張相岩岩影的，就係用這個膠兜養。佢地淨係成日開口，同埋唔食野，都有兩星期以上無食野喇。或者我應該都要睇下養龜的資料

dpok
係呀，有一隻就快撐唔住，我見佢一日差過一日，都好唔開心

作者: casperwai 時間: 2013-6-23 21:19
提示: 作者被禁止或刪除內容自動屏蔽

作者: 你的好朋友 時間: 2013-6-23 21:50
casperwai
咁有冇好介紹？

http://www.fishmanshop.com/products/scuba/scuba/index.html

作者: 君臨天下 時間: 2013-6-23 21:53
本帖最後由君臨天下於 2013-6-23 21:54 編輯

養之前應該爬下文先嘛，你妹妹又係，有事又唔理，生命來架，我諗要用暖管加溫到30度浸reptoboost再用黑藥試下，千奇唔好用水喉水

作者: 龜大仙 時間: 2013-6-23 22:01
生命不是用錢多少來行量尊重生命因為你拖了太久所以龜之意外都無効因已幾星期用黑葯都是五五波有用最好去中蜂到睇一下反而機會大啲你養得牠們請用多一點愛心照顧不喜勿插

作者: 小豹 時間: 2013-6-23 22:08
應該係肺炎

作者: 賣魚仔 時間: 2013-6-23 22:13
肺炎中鋒有隻藥幾好架，找中鋒問問

作者: 你的好朋友 時間: 2013-6-23 22:22
本帖最後由你的好朋友於 2013-6-23 22:31 編輯

君臨天下
講得岩，養之前應該先睇哂資料，阿妹以為就咁搵啲水裝住養就ok
我又無養龜知識，暖管呀，reptoboost...仲有乜野需要我都唔知但情況又緊急，唔拖得落去。。。
有冇好心人可以再詳細講解下我應該要點做？

龜大仙
理解呀，我都盡力救繄佢地，但如果要幾百蚊先救得返，我都好兩難呢。。咁請問中鋒係邊度？有冇詳細的資料。

唔該各位

作者: 忍者龜工人 時間: 2013-6-23 22:23
如果淨開口未必係肺炎, 有無鼻水? 睇相覺得佢地好精神唔似病。。。
你俾返深水先啦~ 如果佢地上水呼吸都開口就一定係感冒或肺炎。。。同埋留意佢地游果陣有無側身~

作者: 你的好朋友 時間: 2013-6-23 22:27
忍者龜工人
鼻水。。我唔知點睇呀，但口就有白泡，無側身游呀，佢地直頭游都唔游，唔願郁。總之就成日開口，周身無力咁

作者: 你的好朋友 時間: 2013-6-23 22:30
開口相

作者: 忍者龜工人 時間: 2013-6-23 22:30
帶去中峰ching 到睇下咩事先啦, 唔好再亂用藥住喇。。。

作者: 忍者龜工人 時間: 2013-6-23 22:33
有無留意佢既便便有無特別?
有無佢嘔白泡既相?

作者: 龜大仙 時間: 2013-6-23 22:35

你的好朋友發表於 2013-6-23 22:22
君臨天下
講得岩，養之前應該先睇哂資料，阿妹以為就咁搵啲水裝住養就ok
我又無養龜知識，暖管呀，reptoboo ...

是荃灣友緣龜屋二百元樓下應可以

作者: 忍者龜工人 時間: 2013-6-23 22:36
買枝黑藥試下啦。。。如果幾百蚊你都唔想俾。。。
太子魚街好多間都有得賣架。。。有間叫愛寵, 你去問下啦~ 一百蚊甘上下。。。

作者: 你的好朋友 時間: 2013-6-23 22:38
忍者龜工人
查左一查，中蜂，係唔係荃灣眾安街142號嗰度？
白泡呢。。隻龜有時連續開口幾次，之後口邊就有啲白泡。便便就無乜留意

作者: 你的好朋友 時間: 2013-6-23 22:43
唔該哂龜大仙 & 忍者龜工人，仲有回覆過的所有會員
如果二百蚊左右ok，咁就去友綠啦^^ 咁我聽日打去友緣問問佢幾時關門，因為我平時返工，我驚放工趕唔切收左工。都係唔買黑藥住，因情況繄急。

作者: 龜大仙 時間: 2013-6-23 22:51

你的好朋友發表於 2013-6-23 22:43
唔該哂龜大仙 & 忍者龜工人，仲有回覆過的所有會員
如果二百蚊左右ok，咁就去友綠啦^^ 咁我聽日打去友緣問 ...

晚上九點前未收工

作者: 忍者龜工人 時間: 2013-6-23 22:51
好！！唔好再拖了。。。希望龜仔好返。。。

作者: samyung0117 時間: 2013-6-23 22:56
黑藥五係神仙水

作者: Johnson 時間: 2013-6-23 22:58
肺炎
好難e
黑藥呢個時候已冇用
你冇可能體e生啦（原因自己知）
搵中蜂啦
中蜂資料：http://www.hkturtle.org/forum.php?mod=forumdisplay&fid=73

作者: 你的好朋友 時間: 2013-6-23 23:06
本帖最後由你的好朋友於 2013-6-23 23:06 編輯

收到

這個龜壇真係多好人^^

作者: Andygogo 時間: 2013-6-23 23:18
如果今次可以醫好兩隻龟，咁做主人一定要比番一個好嘅環境比佢生活，最起码要水，陸地同暖管，加埋都可以好平，佢地健康已经吾會令你又担心又浪费金钱！

作者: 你的好朋友 時間: 2013-6-23 23:23
Andy
無錯無錯！我得閒會爬文睇睇
一係就唔好養，養得就要有責任

作者: kellyBB 時間: 2013-6-24 00:02
回復你的好朋友的帖子

你先打電話問中蜂兄响唔响度，有時只得中蜂嫂！仲有龜龜要晒太陽嫁，如果唔係就要有射燈！

作者: 你的好朋友 時間: 2013-6-24 19:57
本帖最後由你的好朋友於 2013-6-24 20:07 編輯

今日安排左妹妹攞隻龜畀中蜂兄睇，去之前我都同中蜂兄電話交帶左，希望佢可以五百蚊幫我搞掂，中蜂兄果然好人。除左啲藥水，我仲買埋個缸，暖管，石級，而家龜仔浸緊中蜂兄的藥，希望龜仔快啲好返啦。^^多謝中蜂兄

作者: 你的好朋友 時間: 2013-6-26 19:29
本帖最後由你的好朋友於 2013-6-26 19:30 編輯

今日返到來，阿妹話龜死左

見到隻龜的遺體，我哭了。。這是我平日最鍾意同佢玩嗰隻，不過我已經盡哂力救佢。
而家只希望另一隻無事。

作者: icaicayin 時間: 2013-6-26 19:45

你的好朋友發表於 2013-6-26 19:29
今日返到來，阿妹話龜死左
見到隻龜的遺體，我哭了。。這是我平日最鍾意同佢玩嗰隻，不過我已經盡哂力救 ...

........................
咁請你好好照顧餘下的一隻龜

作者: 路人甲 時間: 2013-6-27 19:54
肺炎是龜殺手之一
盡過力就好沒人是神可以起死回生
別太難過好好照顧剩下的小龜B
加油!!

歡迎光臨香港龜友論壇 (https://hkturtle.org/)