香港龜友論壇

標題: 龜BB係咪成日瞓架? [打印本頁]

作者: 小黑豬 時間: 2013-9-14 03:13
標題: 龜BB係咪成日瞓架?
事隔多月, 上兩個禮拜再入兩隻小草苗。今次特地去荃灣中蜂兄那裡, 希望質素有返D保証。呢兩個禮拜裡面主要都係乾養(老闆娘教的, 大返D先俾水養), 好明顯唔會發生之前的白點病, 因為之前成日俾水浸住D龜....SO FAR都冇穿冇爛, 希望佢地快D快高長大啦!

不過有個問題, 就係發覺佢地好鍾意瞓, 一日可以瞓成20個鐘以上, 除咗餵食前後(2小時左右)最活躍之外其餘時間都好少郁, 爬完一輪之後就合埋眼仔瞓覺....留意咗好多日都係咁。但係佢哋食嘢時胃口都唔錯, 唔多似病, 只係有時咬唔到粒糧幾次之後就放棄唔食(再餵都唔食), 跟住就係爬爬爬, 然後就靜落嚟瞓覺, 仲有瞓覺時佢兩個好鍾意黐埋一齊瞓....呢D同之前養嘅龜龜唔同, 唔知咁係咪正常呢?
SETTING: 乾養 = 齋缸+1塊小石; 餵食前後先加水俾佢地浸身; 間中俾佢地照15分鐘燈

作者: 龜大仙 時間: 2013-9-14 03:35
但可用樽蓋放啲水放在一角龜口渴會爬去飲

作者: 小黑豬 時間: 2013-9-14 13:53
多謝大仙提點。

作者: mike13450 時間: 2013-9-15 02:27
除左唔系訓甘多...我隻龜仔同你講既差唔多情況，特別系食野咬兩啖就算，不過岩岩見佢食左唔少糧，家下放心d

，我唔知系唔系成日俾水佢，佢龜頸既摺位好似生左粒野，d皮膚好似右有d白色蒙糊，有d擔心

作者: khip 時間: 2013-9-15 02:52

小黑豬發表於 2013-9-14 03:13
事隔多月, 上兩個禮拜再入兩隻小草苗。今次特地去荃灣中蜂兄那裡, 希望質素有返D保証。呢兩個禮拜裡面主要 ...

首先
1. 乾水等於解決白點呢個問題係錯誤既觀念，白點呢類皮膚病除左水質問題亦係幼龜的抵抗力表現，有時不同地方既水質亦會引發類似白點既輕微皮膚病，處理正確好快康復。

2. 正常健康的龜均應該活躍，不活躍既話便已經係有問題既表現。

3. 水龜長時間缺水，將會影響身體機能發展，特別是幼龜器官未成熟更為危險。

4. 乾水晒燈等於加速蒸發身體水份，你既做法同係沙漠到既人比太陽不斷晒住又冇水飲一樣。

老闆娘教你錯誤既做法，令你覺得睇唔到白點等於冇問題，係一個好常規既商家毛病。

以下為一個真人Case.

一隻紅耳龜苗在街上俾人執到帶到香港兩棲及爬蟲協會手上，協會每天餵食，隔1-2日換一次水。

沒有白點，沒有爛訓，沒有不良反應。

以上個案要帶出既信息係，爬行動物最需要的，係一個恒溫既環境，一個可以令佢感到安全的地方，合適既龜糧和適量既空間和水。

動物健康良好，抵抗力佳，毛病亦會減少，這個是不二的規則。

請不要導聽途說，用錯誤的方法照顧動物。

歡迎光臨香港龜友論壇 (https://hkturtle.org/)