香港龜友論壇

標題: 芝麻驚心動魄既兩個星期 (比較長) [打印本頁]

作者: 森苗 時間: 2013-12-11 11:18
標題: 芝麻驚心動魄既兩個星期 (比較長)
早兩個星期既一個晚上, 仲記得同女朋友食緊譚仔套餐加個細土匪, 細妹打黎喊住講: "芝麻(黑旦)死左呀!!!嗚x10000"
我咬住隻土匪都吾知俾咩反應佢, 拿拿聲衝返屋企睇下咩事.

一打開門, 細妹喊住講 "芝麻(黑旦)又未死哂!!!嗚x1000"
原來, 隻衰野踢開左吸水個花籃, 個頭吸住左....................... 細妹見到既時候已經伸長哂條頸無哂反應.
果晚芝麻好似真係死左咁完全靜止. 但移動佢個頭又會有DDDDD反應.
呢個時候
即刻上龜友同GOOGLE爬文, 咩"嗆水" "俾抽口吸住" "龜無反應" "龜乾養" "黑藥" "龜藥" "龜善終".........
最後決定反轉掃下佢個肚, 佢真係吐返D野食出黎!! 之後好似舒服左D, 之後加溫到29度淺水俾佢休息一晚

第二日朝早, 一樣無咩精神
平日習慣朝早喂, 佢對住活蝦, ZOOMED糧, 蝦乾完全無反應, 因為要返工, 就放返佢去休息
返緊工仲好擔心佢支吾支持得住...果陣又無諗到去邊睇醫生, 上網睇到好多人搵中蜂,

放工走去荃灣搵中蜂, 話時話佢間鋪個位置真係..... 第一次去要搵多兩搵.
去到見到個女人, 心諗:會吾會中蜂其實係女人?
吾理啦, 講左個情況佢聽, 佢話:等我打去問下中蜂先! 等等!
哦... 原來佢吾係中蜂.

女(電話):喂!? 有個師兄隻黑旦苗俾吸水喉吸住左, 吾知幾耐, 宜家有DD反應, 吾食野, 無精神, 係, 係, 有嘔過, 係, 係, 洗吾洗用XXX?, 係, 哦? 哦, 用reptoboost, 好, 好好, BYEBYE
(我眼尾睇到XXX貴過reptoboost好多...)
女:拿, 用呢隻粉之前乾養一晚, 一日浸一次, 浸45MINS, 用返缸既暖水, 水位係隻龜一半
因為天氣凍乾養有危險, 就買埋陶瓷膽晚上用同UVA朝早用 (之前買錯左)

之後既幾日, 我都KEEP住俾佢浸reptoboost, 神奇既事果然發生, 第3日佢開始有D食慾食左2粒, 第4日食左5粒,
到第5日雖然仲係虛弱, 但已經有返食慾,
宜家?
佢應該已經好返, 同以前一樣咁惡, 琴晚仲咬左我隻手一啖.

係度好想多謝友緣龜屋既中蜂兄同中蜂嫂(?)
佢地真係有經驗同埋D貨價格老實, 吾會老點你買貴野
仲要多謝各位師兄既意見.

芝麻有事呢d時間, 吾少朋友叫我放棄佢, 話百幾蚊咋麻, 買過囉!
雖然對比起貓狗, 龜係比較平同易買, 但同樣係生命, 養得起佢地就要負起責任
其實有病最好睇醫生

THANKS!!

(芝麻與花生)

作者: 鎮汝 時間: 2013-12-11 11:24
救返隻龜仔~~~唔錯下次小心D喇~~

作者: P字幫 時間: 2013-12-11 11:30
好高興聽到你既好消息...

生命無分貴賤..就算係幾蚊隻巴西龜都係命...買得佢返黎就有對佢有責任..

加油養大2隻旦旦啦

作者: 星沙糖 時間: 2013-12-11 11:46
回復森苗的帖子

我隻盾b現在都係比中蜂醫緊, 佢有事時, 我帶左佢去大圍睇醫生, 又留醫又照x光, 攪左成日, 比我個答案係, 比佢安樂死,

諗都無諗過醫佢

....我真係好想xyz佢

我更係唔會比佢地咁做啦,

之後都係經朋友及啲龜友論壇嘅朋友仔叫我去搵中蜂, 我即晚就喊住搵佢求救,

現在龜龜已經好左好多, 還在療養中, 係呢段期間, 都有d人話, 嘩,帶佢睇醫生啲錢可以買多兩隻....我當時心態同你一樣, 之後仲問返佢地,

唔通你生個仔出來有問題你掉左佢再生過個呀???
所以, 如果抱住呢d怕麻煩嘅心態的朋友, 請你地唔好養任何寵物, 唔好害左佢地!!!
sorry, 長氣左啲, 因為一聽到d人叫你買過隻時, 我又諗番起,仲嬲嬲地.借左你呢到放又督屁添, sorry ^^;

作者: catcatdog123 時間: 2013-12-11 11:50
回復森苗的帖子

恭喜晒, 我之前隻細非又係比吸水吸住差D就走左, 我老公叫我掉左佢話救唔到啦, 我死都唔肯, 係咁按下佢, 又倒轉佢搖下終於醒番, 佢地真係好百厭, 都唔明個吸水有咩咁好玩, 我家下吸水位改番直放到底佢都成日走去攬住個籃, 真係激Q死

作者: 森苗 時間: 2013-12-11 11:51
回復星沙糖的帖子

完全明白你既感受! 有時吾係錢既問題, 係態度既問題! 希望你隻盾B早日康復!

作者: 星沙糖 時間: 2013-12-11 11:55
回復森苗的帖子

係, 你都要好好照顧龜龜, 其實可唔可以加個格仔網在個吸水位到, 咁樣咪唔會吸到佢入囉. (只係個人意見 ^^;)

作者: 森苗 時間: 2013-12-11 12:10
回復星沙糖的帖子

宜家都係用花籃, 用石頭頂住! 緊過之前

作者: 星沙糖 時間: 2013-12-11 12:15
回復森苗的帖子

慢慢諗下,整下, 改下, 就會好好架啦, 加油

作者: 古羅洛斯 時間: 2013-12-11 13:27
真係好，希望佢地快高長大啦!!!

最尾張相好正，搞到我都想拿拿聲買番隻刀旦陪下我隻黑旦!!!

查實花籃係咩嚟呢???

作者: astroppc 時間: 2013-12-12 11:19
好彩無事。

作者: siumaiguy 時間: 2013-12-13 11:16
龜龜好有生命力
唔好放棄佢地，因為佢地都未放棄

作者: kittyapple38 時間: 2013-12-13 12:25
唔知點解睇完有D眼濕濕既感覺..哈哈~~

我好明白你既感受~~~因為我甜甜養左唔夠一個月既時候..我一朝早我姐都入我房大叫: 甜甜好似死左...真係嚇死..同心痛, 龜龜病既時候我都忍唔住喊

可能我眼淺啦...HAHHAH~

而家見到你龜龜好返...真係十萬個開心~

加油呀..龜龜有好主人...唔駛理其他不愛龜的人說話..
我男朋友MAMA都係成日一句: WAH~~ 隻龜幾廿蚊, 買咁多野比佢..你地真係幸福..

我唔知佢MAMA既意思係真係真心覺得龜幸福定比說話我地聽...不過我覺得最主要你係自己本身點諗...我相信上得D個網既人..都愛龜, 都一定想龜龜開心同健康~~

~~~

作者: kamkamkaka 時間: 2013-12-13 12:50
好開心係呢度見到好多愛龜的朋友

養龜係一生一世~加油呀

作者: LCBMO 時間: 2013-12-13 13:19
恭喜你。

歡迎光臨香港龜友論壇 (https://hkturtle.org/)