香港龜友論壇

標題: 如果去旅行，你地d龜龜會點? [打印本頁]

作者: scorpiopig 時間: 2014-1-20 16:34
標題: 如果去旅行，你地d龜龜會點?
Plan緊去旅行，但係問題就來，會冇人係屋企照顧龜龜幾日。好擔心。

想問下你地會點做??
我家有兩盾一豹，大約7-10cm大。

作者: shinyiu 時間: 2014-1-20 16:42
托龜所暫代照顧

作者: scorpiopig 時間: 2014-1-20 16:45
回復 shinyiu 的帖子

信唔信得過架? 好驚返到來唔見左佢地

始終環境突然轉變好似唔係咁好

作者: 金金 時間: 2014-1-20 16:45
我試過離家5日，走前一晚餵飽龜龜，走當日放勁多含水份較多的蔬果及水兜入龜廂，燈全部用時間制開關

作者: LCBMO 時間: 2014-1-20 17:12
寄養。

作者: OTKC 時間: 2014-1-20 19:15
唔好諗到龜咁脆弱,你餓佢一星期都唔會死, 分開養,走前餵飽佢,一星期唔食野都得,加上佢有便便,餓會食返便便,唔好覺得核突,因為便便中GE草OR糧食一次兩次都未消化晒,仲有營養。總之旅行前餵飽佢地,浸水,就冇問題。分開養只係防止佢地打架,始終你唔向屋企,萬一打起上來都制止唔到,或者其中一隻突然有咩野問題eg.病,傳染比其他龜

作者: TimChan 時間: 2014-1-20 19:20
本帖最後由 TimChan 於 2014-1-20 19:21 編輯

回復 OTKC 的帖子

有趣問下?
咁隻龜反轉左又點呢?

作者: OTKC 時間: 2014-1-20 19:27
回復 TimChan 的帖子

驚反轉咪拎走d障礙物,水盆....,剩係俾平地佢地,斷估隻龜唔會冇lala自己反轉呱

作者: abcma12345 時間: 2014-1-20 19:37
反轉呢啲野無得防。。
我試過全部平地豹仔都反轉。。
佢周圍爬。。。雙腳站立咁就反轉

作者: TimChan 時間: 2014-1-20 19:39
本帖最後由 TimChan 於 2014-1-20 19:40 編輯

回復 OTKC 的帖子

如果系一隻, 應該冇問題, 不過我見過佢地龜踏龜反轉左.................暫時我都冇計 (要返工),只能睇佢地等唔等到我回家 (仲未試過 24 小時冇人在家)............(我系新仔一名)

作者: OTKC 時間: 2014-1-20 19:40
回復 abcma12345 的帖子

都係ge,只能盡量避免,

作者: OTKC 時間: 2014-1-20 20:03
搵人養又驚人地唔知點對你d龜, 放向屋企又驚反轉。一係睇下呢度邊個師兄姐幫手囉。
我個人見解就係寧願放向屋企,我覺得萬一你擺向托養服務度or 其他師兄度,龜龜有咩事,都冇得點做,擺向其他師兄度,人地義務幫你,唔通叫人賠咩
我自己一年幾次旅行,幾年來,龜龜都平安無事,可能好彩la。不過都唔擔心得咁多嫁喇,放向邊,搵邊個睇,一樣實搵到大把野擔心。

我講講我第一次旅行dum低龜龜ge經驗, 我第一次旅行時又係同樓主一樣,好驚冇人睇住龜龜,之後就搵左一個師姐照顧,但去旅行時都日日擔心龜龜。又驚個師姐會唔會冇睇佢,又驚個師姐d龜會唔會集體咬佢,蝦佢。又驚會唔會唔夠溫。又驚染到d病.......

我唔係唔錫龜,叫大家dum低龜龜去玩,可能大家覺得我點可以咁鐵石心腸dum低隻龜,一d都唔擔心,但我可以同你講我係比我屋企人&朋友都話我錫龜錫到傻,話唔擔心就假la,但經過咁多次經驗,真係擔心唔黎。

要唔擔心只有兩個方法:唔好旅行/唔好養動物
唔好養等於叫大家去死,因為向得呢個壇的會員都好中意龜
咁只可以揀唔好旅行,但可以避免咩?
若果係公司出trip呢??

所以睇開d吧,其實放屋企同搵人睇都冇問題,樓主可以根據自己,托養服務or師兄姐ge時間地點去決定
以上都係我個人感覺同分享,多謝大家耐心睇

作者: OTKC 時間: 2014-1-20 20:20
回復 abcma12345 的帖子

另外提提,如果放屋企,起住搵實色ge野圍住個缸,用紙都ok, 因為龜唔知玻璃呢樣野, 透明佢地見唔到,就一路爬,爬爬下就容易爬到雙腳企,再反。放d實色圍住個缸係俾龜知道前面係冇路。
咁佢地就唔會爬到企各度再反。唔洗圍太高,約高10cm都ok我諗abcma12345師兄個缸都冇圍,所以d豹不斷爬先爬到唉住玻璃企向度,再反。呢個方法係好耐之前ge師兄教,因為個時我隻龜都不斷向玻璃爬,好容易就唉住塊玻璃,我就係驚佢會反,所以問個師兄,佢教我咁做,之前龜龜就知道玻璃就係盡頭,幾年都冇撞or唉到企向度, 各師兄姐可以試下,ps.唔排除有d過度活躍ge龜冇效

作者: TimChan 時間: 2014-1-20 20:27
贊同 OTCK 師兄, 我都系咁...........

作者: abcma12345 時間: 2014-1-20 21:13

OTKC 發表於 2014-1-20 20:20
回復 abcma12345 的帖子

另外提提,如果放屋企,起住搵實色ge野圍住個缸,用紙都ok, 因為龜唔知玻璃呢樣野, ...

搵著靚仔紙放係玻璃到先。。。

作者: OTKC 時間: 2014-1-20 21:40
回復 TimChan 的帖子

就係因為咁,我就建議要分開,可用幾個箱分開,以免龜踏龜,釀成反龜

作者: OTKC 時間: 2014-1-20 21:41
回復 TimChan 的帖子

英雄所見略同, 但我係otkc,唔係otck,哈哈

作者: 陸叔 時間: 2014-1-20 23:05
最重要唔好凍親熬親就可以了

作者: minniewong 時間: 2014-1-21 01:15
自從養龜開始, 我決定在低溫的日子唔去旅行, 例如11至3月

歡迎光臨香港龜友論壇 (https://hkturtle.org/)