香港龜友論壇

標題: 關於東豹，西豹，混豹。 [打印本頁]

作者: ron 時間: 2014-2-12 12:07
標題: 關於東豹，西豹，混豹。
之前賣咗隻西豹，之後比人話我厄人！話隻西豹得一塊甲有兩點唔係西豹！之後我點解釋佢都話問過好多人，話唔係。
我隻西豹稀鰭買，雙方都知上年果批貨，佢話人地賣假貨比我，我再賣比佢！
呢件事發生之後，我問過好多龜鋪老細，批發商，搵埋中國靈龜之家幾個大商戶問過，背甲唔代表全部。
我想問，邊個話西豹甲上一定係全部兩點？專家？科學家？生物學家？還係基因學家？我就見過一點都無同埋全部甲都得一點的西豹。(相信唔少人睇到呢度心入面笑我傻仔)
我寫呢篇嘢唔係想表達咩，你話我坤你唔緊要，你唔好亂話人地舖頭賣假嘢。如果你搵到個有公信力的人出嚟指明確實唔係西豹，你想點都得。
如果仲係懷疑，可以比大家睇下你隻豹係唔係西豹，大家評下理。大家亦可以睇返之前稀鰭D西豹，歡迎指教。

作者: HUGO16 時間: 2014-2-12 12:23
http://www.herpera.com/leopard.htm
發現左個網~畀你地參透下

作者: Vandalic 時間: 2014-2-12 12:56
有無圖睇下被指是其他品種的豹？

作者: ron 時間: 2014-2-12 13:23
D相我無啦，不過可以睇返之前稀鰭影果D。第三張圖果隻。
http://www.hkturtle.org/forum.ph ... F%E9%9D%9E%E8%B1%B9

作者: aldc168 時間: 2014-2-12 13:36
確實南非西部豹龜頭前甲係有2點,轉載http://www.paludarium.net/5/post/2013/02/124.html

作者: ron 時間: 2014-2-12 13:41
咁你話果隻係唔係西豹。
我知網上D西豹相全部都兩點。我都真係見過無點同一點的西豹。

作者: 玄武門 時間: 2014-2-12 13:47
講笑.............有無機會東豹行咗去西面咁啱比人捉咗所以變咗西豹呢.....................

作者: ron 時間: 2014-2-12 13:49
好多人話，會唔會係同東豹雜咗，就算雜咗，都係以身形特徵嚟分，東豹同西豹一睇就唔同啦。我淨係知豹龜分東豹，西豹，索豹。我真係唔知除咗無兩點的西豹叫咩豹

作者: ron 時間: 2014-2-12 13:54

玄武門發表於 2014-2-12 13:47
講笑.............有無機會東豹行咗去西面咁啱比人捉咗所以變咗西豹呢.....................
...

咁黑人去白人地方打工都會變白人？

我都係講笑。

作者: 巫師義 時間: 2014-2-12 14:32
解決方法好簡單姐，買家話你果隻唔係西豹，話你呃佢，
咁你買返原本你果隻西豹，
再賣比，應為你果隻是西豹的人咪得囉，

利申：我絕對唔識買你隻龜果個人。

作者: ron 時間: 2014-2-12 14:45

我都有過呢個唸法，不過唸真一層。。。點解我要咁做？為啖氣？我又唔係賣假嘢，如果個個人都可以退貨，仲有邊個敢賣嘢。
如果你係我，你會咁做？

作者: 玲珑 時間: 2014-2-12 16:00
收回才是诚信呵

作者: Yingpig1129 時間: 2014-2-12 16:01
咁你打個文出黎做咩？傅咩？你既確實係東豹！你同人講係西豹！錯五係你係我？定幫人地鋪頭做推銷？你講野都好好笑！如果有人話隻係金錢龜！點知後來知道左係南石！問題五係賣家到？係買家到？

作者: Yingpig1129 時間: 2014-2-12 16:02
應該話我都有問題！冇睇清楚就買！我都錯！之後搵你都冇用！未講到好似賣家完全冇問題！

作者: 爬蟲城 時間: 2014-2-12 16:07

Yingpig1129 發表於 2014-2-12 16:02
應該話我都有問題！冇睇清楚就買！我都錯！之後搵你都冇用！未講到好似賣家完全冇問題！ ...

但如果係相果隻, 就係西豹.

作者: Yingpig1129 時間: 2014-2-12 16:11
回復爬蟲城的帖子

咁東豹係點？問題係件事都好耐了！

作者: 爬蟲城 時間: 2014-2-12 16:37

Yingpig1129 發表於 2014-2-12 16:11
回復爬蟲城的帖子

咁東豹係點？問題係件事都好耐了！

東豹甲型, 甲質硬度, 甲邊顏色分佈厚度都唔同. 再者, 西豹面甲前端較向前, 似坦克車.

西豹細時甲型似坦克車, 扁平. 東豹就算扁, 但就扁圓似隻蛋.

東豹鼻較大肉厚, 西豹鼻明顯比較細小.

另, 唔少西豹都冇兩點, 東豹都可以有兩點.

作者: ron 時間: 2014-2-12 16:44
如果我將東豹當西豹賣比你就係我錯，依家你一口咬定係東豹，仲話你買之前無睇清楚，講到我真係厄咗你咁。件事有幾耐？上年11月發生。依家講返出嚟有咩問題？
我幫人地舖頭做推銷？人地D西豹早就賣曬啦，推D咩？我唸你睇電視劇睇多咗啦。無可否認，真係好搞笑。

作者: ron 時間: 2014-2-12 16:54
講咗舖頭名出嚟唔好意思，希望大家唔好將焦點放在邊間舖頭賣，依家係講緊我有無賣假嘢比人。
爬蟲城係爬店老闆，多謝出嚟指教。

作者: 巫師義 時間: 2014-2-12 17:54
真金不怕洪爐火，你怕什麼??

另外：
買家都可以post隻龜相出黎比大家睇

作者: ron 時間: 2014-2-12 18:39
雖然我唔係專門做買賣，不過我都賣過唔少嘢，更加唔係話以後都唔賣。比人冤枉我厄人賣假嘢，係人個心都唔舒服。我都同意買家post相出嚟比大家評論，單方面講咩都無用。

作者: kit2000kit 時間: 2014-2-12 18:51
我尋日都同呀ron買左隻緬星，狀態好好，睇個樣都唔似呃人個啲波

作者: ron 時間: 2014-2-12 19:01
我尋日賣咗兩隻緬星。

睇我個樣......唔知原來你有留意我個樣。

作者: OTKC 時間: 2014-2-12 22:26
睇相咪知東定西囉，西豹都唔一定有兩點，睇紋同身型黎分唔得咩?下下執著一點兩點有乜為

作者: samyung0117 時間: 2014-2-12 23:05
女人夠有兩粒點，但係大個佐就五同啦，
憑兩粒點就可以一口咬定係西豹？

作者: ron 時間: 2014-2-12 23:22

女人大個咗兩點會唔同。經驗之談。。。

作者: samyung0117 時間: 2014-2-12 23:35
回復 ron 的帖子

ching好多野都係人云亦云，就緊要信自己。

作者: Yingpig1129 時間: 2014-2-13 01:24
本帖最後由 Yingpig1129 於 2014-2-13 10:10 編輯

相我唔識放~但都係第二張同第三張一種的~我都冇去理啦~11月果日之後搵都冇搵過佢~就請咁多位CHING幫手睇下~大倍份人都覺得係西豹既~就我既錯~我會道歉~~大家一起睇~俾下意見~

麻煩大家 http://www.hkturtle.org/forum.ph ... F%E9%9D%9E%E8%B1%B9

作者: 兆輝J 時間: 2014-2-13 01:54
本帖最後由兆輝J 於 2014-2-13 01:56 編輯

西豹

全部都係,背甲型狀同東豹分別好大,
有人當東豹賣比我仲唔NUR飯應??(逆向思維)

作者: guy 時間: 2014-2-13 02:24

Yingpig1129 發表於 2014-2-13 01:24
相我唔識放~但都係第二張同第三張一樣的~我都冇去理啦~11月果日之後搵都冇搵過佢~就請咁多位CHING幫手睇 ...

你買左兩隻?
D龜仲健在嗎?
八掛想問你買左幾錢?

作者: ron 時間: 2014-2-13 08:32
第二，第三張圖好明顯係唔同兩隻，我賣比你係第三張圖果隻。
你東西唔識分，連自己隻龜都認唔到。我真係唔知仲可以講咩。

作者: nozomiando 時間: 2014-2-13 08:48
東豹，西豹，其實大個左會易睇d 西豹d豹紋好多一點點，東豹個d唔係一點點，有少少放射紋

作者: Yingpig1129 時間: 2014-2-13 10:09
回復 ron 的帖子

我話係同一種！一樣的！有話100％一樣？五知講咩！但你都仲一直講野？

作者: 嵐嵐 時間: 2014-2-13 10:11
其實網絡世界咁多途徑，開個假FB再發條line都得，或者幫你開個wts app 群，line 群？

你走去買LV,之後以為自己買左假LV，又幾慘既，我會去返LV俾返佢睇真定假，如果我真係買到LV

作者: Yingpig1129 時間: 2014-2-13 10:12
鬼五知兩隻五同？邊個睇五出？當自己專家既！當日問你就五洗自己親自打去鋪頭問啦！自己都搞五清楚！好意思一直係到扮專家！等其他師兄一起睇五得？

作者: Yingpig1129 時間: 2014-2-13 10:22
我三個月前只有果日搵個你！之前你話已經賣左搵你有咩用！信息我仲係到！五洗話冤枉你又開post!你一句話五關你事我仲有搵你？而家係咩豹我都照養啦！當時係問你知五知隻係咩豹！你果時五係話：人家咁大間鋪五會假掛！自己打去問？而家就扮曬專家咁做咩？問題係件事得我同你知！咁耐有講過你咩你咩？你自己慢慢追究啦下！加油！你係專家！有邊個師兄五信我講既！請pm我！俾返當時信息你地睇！

作者: Yingpig1129 時間: 2014-2-13 10:26
回復 aldc168 的帖子

作者: Yingpig1129 時間: 2014-2-13 10:32
回復巫師義的帖子

謝謝意見！賣就五會賣啦！當時係問佢知五知東豹黎！而家都有可能我搞錯！麻煩曬咁多位幫忙睇過既師兄師姐！

作者: Yingpig1129 時間: 2014-2-13 10:39
回復嵐嵐的帖子

未係！差五多人都有呢個觀點！講清楚點係以為！一陣又有人會借題發揮！問返下有咩問題！某人咁識放相！未放當日既信息出黎！人地當時我講兩句都五確定！而家就開post做專家！算啦！五理！

作者: ron 時間: 2014-2-13 10:49
最好你截圖post上嚟比大家笑下，記錄我刪除咗，無記錯最後你點都話係東豹，我有講“我話係西豹”呢一句。
我唔係專家，亦都無扮專家，我開始已經講我周圍問人啦，你唔信賣比你的是西豹，等大家講你知。
開呢個post我只係想搞清楚我賣既係西豹，無厄人。令到你尷尬唔好意思。如果你係要繼續唔係圍繞呢個話題講其他嘢，自討沒趣，可以繼續。

作者: 研究陸龜 時間: 2014-2-13 10:54
回復 Yingpig1129 的帖子

樓主當時信稀鰭賣既係確確實實既西豹，放比你果時緊係話係西豹。
你收到隻豹之後有懷疑，樓主唔識分咩豹，但都幫你打番去稀鰭問真偽，又上網搵資料對比。
而加樓主有晒理據證明果隻係西豹，你就話人唔知博咩。大佬，你而加屈緊樓主將東豹當西豹賣，比人屈唔可以出黎講野咩？

我係旁觀者，見到既只係樓主大大方方出黎理論，而你就發晒癲咁罵樓主之前唔識分西豹，重要一直唔肯比相出黎（唔識放可以學）。
樓主之前唔識分，唔代表而加唔識分囉！

作者: OTKC 時間: 2014-2-13 10:56
如果係LINK入面GE第3幅圖,睇圖入面隻龜GE身型, 殼型應該係西豹,東豹較高圓

作者: 嵐嵐 時間: 2014-2-13 11:15
本帖最後由嵐嵐於 2014-2-13 11:18 編輯

回復 Yingpig1129 的帖子

我係話，點解你唔用其他方法放相上黎？一係你開個line@我幫你放上黎
你唔肯放，又要不停話人，豹係你手，對另一位師兄好唔公平

作者: Yingpig1129 時間: 2014-2-13 11:59
咁好！既然大家都話係西豹！ron師兄！我錯！對不起！冤枉左你！曬你咁多時間！之前我講既全部廢話！不要計較！謝謝大家的幫忙！我自己無知！抱歉！

作者: gn31581029 時間: 2014-2-13 14:55
好明顯係西豹啦

作者: OTKC 時間: 2014-2-13 16:26
我個人建議Yingpig1129開個新POST公開道歉好D, 一黎有誠意D,二黎免得有D人睇D唔睇D,以為樓主真係呃人。加上師兄又話樓主水你,又話扮晒專家,呢D說話真係令人啖氣吞唔落

利申:完全唔識OR接觸過呢件事相關人士

作者: ron 時間: 2014-2-13 18:20
咁又唔使，呢次好多人對西豹認識都多咗，我已經好滿足。希望唔好再有類似事情發生。
大家咁支持，多謝各位。

歡迎光臨香港龜友論壇 (https://hkturtle.org/)