如何大量繁殖孔雀魚?

ah_jai2005

孔雀半身就係多仔公，只要養佢地唔死，自然就係大量繁殖，不過要過少少難關。
首先，孔雀係會食剛出世既魚仔，所以臨生前要用生仔箱，保住d魚仔。
第二，養大魚仔要有一般養魚基本功一樣：保住水質，適量餵食。

不過，近親持相交會令基因漸漸弱化，據講六至七代魚就會絕後(我自己未有試過一條line養咁多代，暫時玩到第三代魚)，所以，要適時引入外來魚繼續配種落去。

ah_jai2005

回復 Lazy-SHOW 的帖子

唔好意思，之前多野做，隔左成大半個禮拜先上嚟，唔知你條魚依家生左未？
孔雀魚一胎可以有幾十條，不過我自己養得唔係太細心，好多時行埋魚缸時見到魚仔先知佢生緊。我自己既經驗，有一次係「執」得返大約廿六、七條，有一次得五、六條，另加少量「難產」既畸魚屍同埋魚卵，最近一胎因為發現得太遲，只見到一條生還者。

孔雀魚係胎生既，魚魚一出世就識游下游下，不過，成年孔雀係會追初生孔雀食，如果d孔雀b唔識匿埋，可能全軍覆歿都未定。
即使單獨放一個缸，大魚都會追魚仔食，所以最好用繁殖箱或類似既設備，即係個容器有d足夠魚b穿過既縫隙，方便佢避難，咁就容易生存d。

不過，暫時我自己覺得最難掌握既就係究竟幾時真係生。
你問見到一條個肚係黑色既，問係咪有左，我都唔識答。我睇過「孔雀魚校園」既師兄師姐們既文，大約知道點樣睇，但事實上好難肯定，有d孔雀個肚大得好緊要，完全係有晒卵，但總之就係唔生，放左去繁殖箱好多日都唔生，最後放返出泥都唔見有魚b，佢亦一路大肚。so，我都唔識答添。

孔雀魚仲有一樣野，就係受精一次後，聽聞可以生三胎，大約每隔一個月有一胎。即係話見佢生完第一胎，即使你將佢單獨隔開養，都有可能見佢一個月後再生一批。所以，可以直接去魚店買幾條大肚既母魚養，有機會遲d就會見到魚b。