|
|
其實你話要水清.我有好多好多建議. 我唔詳細例出黎了 略略講幾個啦
1. 活性碳 加入濾水中. 碳可以吸收微粒子. 有助減少黃水. 好多人泥底or 其他 都會用佢
碳第2個用途係 用於落藥 後吸剩藥. 但碳必需定期更換.否則飽和後會釋放有害物質
2. 加大水量 更換過濾系統. 原因好簡單. 你2-3"水 得果2~4L水.
基本上 1日都可以令你黃水.4隻6cm.. 如果你把水 推高到 7", 更換較高效能濾水器..
[必需加浮台或 沉石 當作陸地]
情況就好似用個池黎養龜 同用個兜黎養龜. 當然. 資金投放,地方提供 都會較大
3. 每日換水 . [這個我不推薦] 因為勤換水 會令水龜 難以適應. 每日都要接觸唔同既水質
短期會困擾龜隻. [換水時 會沖到佢 打擾到] 長期會有各種皮膚或其他毛病.
4.分開缸養, 當然依個係最實際好方法.但係佔既地方會較大.倒不如換個大缸 加深水
------
濾水器選擇.
潛濾,頂濾,掛濾,濾筒 等等..
當中以養龜來說效能最好 係濾筒. 會有養菌+隔離雜物 等功能.
潛濾 除左推水流 隔小量雜物. 並無其他用處 [個人見解]
頂濾. 一流既物理過濾. 換棉十分方便. 隔便便 都有助解決黃水方面既問題
掛濾. 我自己用過. 效果一般而已. 耐左唔洗既話. 十分惹蚊. [由奇係依個季節]
濾筒以16"來說 用501 或者 p10 就足夠. 價錢大約 200~400蚊.
當然 平有平玩. 你換個抽水泵 上頂濾 已經好足夠隔便便 ,
但濾水器有養菌會有助水族生物健康
要講既係咁多. 有問題可以再pm我 [我都話略略講嫁啦. 係度詳細講就免了 ] |
評分
-
查看全部評分
|
發表於 2011-6-21 09:16:25
