大家小心！！！！！！

tonycha

咩龜?  爆原蟲?  如果唔想睇醫生, 不如自己杜原蟲?

狂小人都無補於事, 不如救左隻龜先?

tonycha

原來Roy師兄同呢度既網友買左隻盾, 但回來後10幾日都係拒食!

跟住Roy師兄見隻盾疴Jelly屎, 知道係爆緊原蟲, 但就餵錯左佢食 '掃蟲王' ! (其實掃蟲王好毒)

食左2次掃蟲王都係拒食!  Roy師兄就浸電解質, 強餵M糧, 但發現餵完M糧, 隻盾即刻疴返D M糧出黎!

昨日隻盾突然行返路, Roy師兄以為好返, 點知今日又訓過.

我本人認為: 果位網友的確係賣爆緊原蟲既盾比你, 而且唔知佢爆左幾耐.  跟住你應該去睇醫生或服用杜原蟲藥, 點知你就用左好毒既杜寄生蟲藥掃蟲王!  由於長期爆原蟲本身係會損害腸道, 加上食左2次好毒既掃蟲王, 腸胃嚴重受損, 食乜疴乜.  跟住原蟲會入腎,疴臭尿,引致腎衰竭,死亡, 或經腸道入血, 死亡.

你隻盾昨日行路, 應該係迴光返照 - 即係佢臨死前泵緊最後的腎上腺素~激素, 跟住呢兩日就會RIP.

tonycha

唯今之計: 停掃蟲王, 睇醫生.

如果你堅持唔想睇醫生, 繼續強餵M糧!!!  強餵少量電解質入口(浸冇用), 強餵少量葡萄糖入口(藥房有得賣$13一罐), 強餵BAC入口.  跟住考慮食杜原蟲藥.  希望救得返啦.

盾龜比其他龜都頑強, 希望有得救啦.

tonycha

婷婷 發表於 2013-3-1 16:56
你會唔會建議樓主餵其他健康龜既便便比病盾食,
之前見你講起,朋友傾過,應該對腸胃唔吸收可行。

食屎?
我都有想過教佢 '食屎', 但睇返樓主既其他post, 佢隻星龜又嘔, 其他龜又病.  所以都暫時算了.

樓主電話中表明佢預左隻盾會死, 所以佢都唔會去睇醫生, 佢死馬當活馬醫.