你支持佔中嗎

龜媽

要補充一吓:反對佔中不一定=反對普選
反對佔中可能因為認為佔中對爭取普選無作用

Johnson

投票結果表示
長毛班人fake緊人

研究陸龜

你支持真真正正既普選嗎？

龜媽

原來咁多人反對佔中!

herbalchung

研究陸龜 發表於 2013-12-31 22:21
你支持真真正正既普選嗎？

千祈唔好有真正嘅普選.
俾平時無留意政治嘅人參與決定香港重大命運, 盞累左香港人; 益左班撈油水嘅攪屎棍...

研究陸龜

回復 herbalchung 的帖子

真係好可笑!無真正普選，要普選黎做咩?
直接跟番中央欽點既選舉制度咪唔洗煩。
果班無留意政治嘅人，係咪想佢地繼續都唔留意?

點解香港人唔可以經歷真正普選，嘗試後悔選錯特首既感覺，令香港人有真正既政治醒覺?

龜媽

herbalchung 發表於 2013-12-31 23:48
千祈唔好有真正嘅普選.
俾平時無留意政治嘅人參與決定香港重大命運, 盞累左香港人; 益左班撈油水嘅攪屎 ...

你有無聽過 : 死都要死係自己手上

研究陸龜

回復 龜媽 的帖子

可能佢想死係人地手上。

herbalchung

龜媽 發表於 2014-1-1 00:19
你有無聽過 : 死都要死係自己手上

依家唔俾人亂選就唔使死...

herbalchung

研究陸龜 發表於 2014-1-1 00:17
回復 herbalchung 的帖子

真係好可笑!無真正普選，要普選黎做咩?

要黎塞住班日嘈夜嘈要普選形班人嘅口囉...

俾班人爭取到真正嘅普選會點??? 佢地會覺得香港社會完美自己功成身退再退出政壇嗎? 到時又嘈話選舉貪污舞弊囉... 無嘢嘈就無錢袋, 計我話班友仔自己最唔想有真普選, 可以爭取一世最好

研究陸龜

回復 herbalchung 的帖子

到底你係想佢地(你指果班人)唔會有得益，定想香港政制有進步、香港人政治覺醒?

你所講既野一直都圍繞住『班友』(可能你想指泛民政客)，似乎係你憎恨佢地。

你話口口聲聲話佢地為嘈而嘈，咁你又點?  為反佢地而反佢地!

herbalchung

研究陸龜 發表於 2014-1-1 00:51
回復 herbalchung 的帖子

到底你係想佢地(你指果班人)唔會有得益，定想香港政制有進步、香港人政治覺醒?

我既唔想搗亂社會班人日反夜反; 影響社會運作從中取利,
亦唔理香港政制有無進步(反正我亦認為破壞社會和諧要脅人就範唔算進步而係橫蠻無禮行為)
更唔關心香港人政治有無覺醒(反正真假普選都只係裝飾, 班人心底只係想香港最後不受國家操控, 要公平自由人權等等都係冠冕堂皇嘅借口)

我只要安寧平靜社會、人人生活開心、唔使憂柴憂米... 哩啲普選無幫助.

我一路表達緊點解唔支持班人嘅理由, 請問你點解睇到變成我為反而反? 如果香港班後生仔真係個個諗法咁霸道, 我真係又心痛又怕, 真係選左佢地偶像出黎, 香港就無喇...

研究陸龜

回復 herbalchung 的帖子

安寧平靜社會、人人生活開心、唔使憂柴憂米
請問你尼三樣野，有邊一樣唔關政治事? 安寧平靜社會，無民選特首，何以服眾? 連帶人人生活開心、唔使憂柴憂米，姐係衣食住行、娛樂消閒都係關政治事。 普選係政治，更加係社教化，教市民投下最明智既票。

你唔理香港政制有無進步、唔關心香港人政治有無覺醒，但係又要安寧平靜社會、人人生活開心、唔使憂柴憂米，真係好矛盾。

herbalchung

研究陸龜 發表於 2014-1-1 01:40
回復 herbalchung 的帖子

安寧平靜社會、人人生活開心、唔使憂柴憂米

啱. 係關政治事, 都關運動事, 又關興趣事, 亦可能關外星人事. 睇關幾多啫, 關億份之一都係關, 社會各事環環相扣, 拉埋黎講太牽強...
我唔信小市民普選完就會生活上大改變
我唔信新聞從來唔睇派報紙阿姐有真正普選權利係香港人福祉
我唔信字都唔識嘅人到投票前生聽吓街坊講邊個好就去投對香港人係好事
民選領袖保證好嗎? 事實證明唔係, 連美國都唔係
我認為一啲都唔矛盾, 而只係你可能俾人洗左腦...

研究陸龜

回復 herbalchung 的帖子

我一直講緊普選既意義在於社教化，正如我之前提及『點解香港人唔可以經歷真正普選，嘗試後悔選錯特首既感覺，令香港人有真正既政治醒覺?』

我唔信小市民普選完就會生活上大改變
我唔信新聞從來唔睇派報紙阿姐有真正普選權利係香港人福祉
我唔信字都唔識嘅人到投票前生聽吓街坊講邊個好就去投對香港人係好事

你講得無錯，尼堆人係咁。但係你完全無諗過尼班人可以透過後悔選錯特首既感覺而作出改變。佢地依然係個社會裡面，思想上無進步。 請問你講話拉埋黎講太牽強姐係點?  不如你講下有咩事太牽強，賜正下小弟!

你話我可能比人洗腦，我同樣都可以話你比人洗腦，只不過係西方式洗腦同中方式洗腦之別! 反正我認為無比人洗腦就得

herbalchung

研究陸龜 發表於 2014-1-1 02:13
回復 herbalchung 的帖子

我一直講緊普選既意義在於社教化，正如我之前提及『點解香港人唔可以經歷真正普 ...

問題係, 唔係你覺得教化就係教化... 現實中都無聽過有人要聽你學你教嘅化... 你要嘗試, 可以選擇離開唔合適自己嘅去其他地方嘗試, 唔好攪我地大部份和平理性小市民, 拎我地前途由你地去賭... 唔好話你地無資本保障我地行你地個套一定好, 你講到咁好咁肯定就算肯押上一家人性命保證一定好, 我地都唔會想去搏... 我地市民唔係個個從政, 唔想管政治亦唔想俾人用政治陀累.

政制有你所謂進步, 就變成好多人眼中社會退步, 到處鬥爭就係唔安寧, 唔和諧就唔會開心, 社會混亂就會導致憂柴米.

你有無諗過, 點解現實生活中咁多人鍾意和平, 而網絡世界又出現咁多抗爭英雄?
點解攪事嗰班人鍾意利用後生生, 而且主要係入世未深嘅人先聽佢地枝笛???

龜媽

研究陸龜 發表於 2014-1-1 02:13
回復 herbalchung 的帖子

我一直講緊普選既意義在於社教化，正如我之前提及『點解香港人唔可以經歷真正普 ...

你2位議事論事,不作人身攻擊,我很欣賞！

龜媽

herbalchung 發表於 2014-1-1 02:37
問題係, 唔係你覺得教化就係教化... 現實中都無聽過有人要聽你學你教嘅化... 你要嘗試, 可以選擇離開唔合 ...

你2位議事論事,不作人身攻擊,我很欣賞！

jeffrey335

依啲米港豬 香港搞成甘都因為依班人 以為政治唔關佢事 淨係想on居居甘生活 其實你去街市買斤菜 買豬肉 樓價 房租 全部都同政治息息相關 咩叫做唔想理政治 政治無知就係最可悲
估唔到唔想有真普選都講得出 中共嘅愚民教育真係利害
如果你話而家班年青人出黎搞搞震 不如你話佢地係為自己嘅前途奮鬥
而家我地享有嘅自由唔係天賜 係要自己爭取

herbalchung

jeffrey335 發表於 2014-1-1 03:03
依啲米港豬 香港搞成甘都因為依班人 以為政治唔關佢事 淨係想on居居甘生活 其實你去街市買斤菜 買豬肉 樓價 ...

好啦, 民生同政治有少少關啦. 其實依家香港係整體中規中矩, 如果相比好多地方已經好太多. 成日講到所有野都唔好; 只係班有心人製造民怨啫, 事件總有好壞兩面, 欲加之罪又何患無辭???
你努力爭取啦...