我的巴西患了甚麼奇難雜症?求救!

DACKY_HO

我其中一隻巴西四肢腫脹~試過俾小小力噤四肢,全部好硬好實~佢亦都食慾不振,甚少郁動至近乎無郁動,而且肛門長開~

想問問我的巴西患了甚麼奇難雜症? 各師兄有甚麼心得可告知小弟根治方法呢? 麻煩了!!!!!!

DACKY_HO

回復 DACKY_HO 的帖子

我爬過文睇見一位資深既版友山貓兄話:
[如果你唔打算乾養,記緊水位唔可以高過鼻,因為佢依家行動唔方便.
最好乾養,最好加溫,好似醫肺炎咁,唯一分別就係餵多d BAC.
如果你無暖膽, 請你拎隻龜曬太陽(唔好太猛既太陽).
如果你無ReptoBoost,勉強可以用寶礦力,因為寶礦力有電解質,葡萄糖無.
如果你無BAC,可以試下用少量整腸丸磨成粉,加入水中.
如果你怕煩,就睇定d先. 病情有好轉,就可以做少d野.]

我諗我隻巴西應該中左腸胃病,想問問BAC同ReptoBoost可以O係邊度買到!?兩隻藥要一齊落住浸?浸幾耐?萬分感謝!!!

brazil

可以試下請教中鋒兄

山貓

資深既版友?我爭d將食緊既菠羅油噴返出黎.
其實當時我係深感絕望,無可奈何之下,將死馬當活馬醫,總好過乜都唔做.
醫得到就係天才,醫唔好就係白痴,不過anyway,如果隻龜行動不便,d水就唔好浸過鼻,我覺得干養都無妨.
龜唔食野有好多可能,環境唔舒適,太熱太焗,無太陽曬,水溫太冷太熱,腸胃問題都有可能.
我上網查資料,甚至有人餵龜食保濟丸,又竟然醫返好,醫返好就天才啦.

山貓

我本身都幫襯過中蜂兄買過6隻龜,都好相信佢.但係隻龜有乜野事,你最清楚,人地只會見到你隻龜沒精打采,你之前餵過佢食乜,飼養環境係點,你唔講人地唔會知.我建議係先請教有經驗既人,從佢表情語氣中會知道佢有冇信心醫隻龜,如果冇,你就有2個選擇,自己醫或者睇獸醫.
我最緊先至發現,原來龜便秘係會死架!如果係便秘就要加溫,餵BAC,如果想佢開口飲BAC,可以試下響BAC入面加d豐年蝦,因為水龜好鍾意食豐年蝦,而豐年蝦又細粒易消化,引佢開口就自然會飲到BAC.
P.S.腸胃問題可餵保濟丸,1-2粒就夠,但便秘保濟丸無用
P .P.S. 我果隻龜已經死左

山貓

龜有病首選睇獸醫(如果唔睇,有乜衫長褲短你會後悔,睇左都醫唔好,心理上好過d)
第2選擇係問有經驗既人,中蜂兄有經驗又肯幫人,就算你隻龜唔係幫佢買都可以問,只要唔好阻人地做緊生意就可以了,而且你分分鐘會幫襯佢買Bac同Reptoboost.
不過叫人地望住一隻無精神既龜,就要人地估到佢之前出過咩野問題,有時唔容,最後既方法係自己醫.
BAC同Reptoboost,水中情,友緣龜屋同魚佬水族都有,買之前最好打個電話問下有冇貨啦.希望你隻龜快d好返.其實買bac同reptoboost都300蚊,睇1次獸醫一般6xx

龜朋友

回復 DACKY_HO 的帖子

快些看醫生或請教中蜂，否則像我的小安緣救不到

firered

我相信樓主師兄睇到小弟果個post
我之前隻龜龜都係咁 不過依家好返啦
不過真係要確定下佢係咩事先會咁
餵糧正常嗎? 有冇餵d平時冇食開既野比佢食呢?
之前小弟隻龜正因為食錯野 去請教中蜂兄後
佢賣左隻藥比龜浸 停餵一個星期 佢前日好返 又回復返以前既狀態
不過最緊要真係搞清楚咩事先 對症下藥方為上策