飛河龜昏睡不醒

lpy · 發表於 2018-7-18 03:38:07

我隻龜養咗未夠一個月病咗，16/7睇咗醫生，拍片發現佢隻腳曾經骨折過，同有肺炎，抽死皮驗又發現有寄生蟲，醫生喂咗佢食藥同打咗抗生素，翻到屋企昏睡到宜家都未醒，有時會陏下但一直唔睜開眼，又唔食嘢，聽日翻去覆診打針同埋醫生話要灌食，佢咁細個我真係好驚佢捱唔住，睇醫生之前雖然見佢攰，但都仲可以游到食下嘢，睇醫生個陣佢都有同我講bb龜會難養啲叫我要有心理準備，翻到屋企我都有keep住留意龜龜嘅情況，見到佢唔陏個陣我打翻診所問，都有拍片俾醫生睇，但佢覆翻我就係龜龜去睇醫生個陣已經係咁，其實唔係，我隻龜睇醫生之前真係識睜開眼仲會陏，我明白醫生同我講佢好嚴重要我有心理準備，但佢話睇醫生之前已經係咁我真係好唔開心，我真係好擔心佢，除咗幫佢定時搽藥同保暖注意清潔，我真係唔知有咩可以為佢做

kea · 發表於 2018-7-18 21:53:17

唔好放棄呀師兄我對飛河龜冇乜研究真係愛莫能助

pk369 · 發表於 2018-7-20 20:33:23

唔好放棄呀!!!!

Kam999 · 發表於 2018-7-21 23:28:16

C兄試下放暖管及調較至30度,
豬鼻龟比較怕凉及容易冷親,
我果隻豬鼻係夜晚較凉時都要放暖管.

Kam999 · 發表於 2018-7-22 08:13:10

樓主C兄小豬鼻瞓醒未?
龟龟未能食嘢, 可以放些維他命粉及寶抗力比牠浸水, 以增強抵抗力.

帳號		自動登錄	找回密碼
密碼			註冊