我又有疑問喇~

小黑豬

兩個月前入咗兩隻草苗(大吉,小吉), 佢哋一路都相安無事, 食得瞓得又痾瞓, 只係大吉相比小吉大食好多, 食量可以係小吉兩倍以上, 好似食極都唔飽, 驚佢食滯當然唔會餵太多俾佢。相反小吉就細食好多, 有時仲會唔食一餐半餐, 之後又食返, 但食量依然比較少。而家大吉足足大咗半個碼(成日甩皮), 小吉就冇乜大過。

呢兩個月都大部份時乾養(缸底只有少少水濕腳), 浸水時間主要喺晒太陽同餵食期間, 有時亦會放佢哋出嚟喺個廳四圍行下咁....今日諗住放多啲水落缸俾佢哋試下新環境, 可以游下水咁, 點知大吉張口咬咗小吉兩次, 第一次輕輕咬去小吉殼邊, 以為睇錯, 點知第二次直程咬落小吉隻左手仔度, 嚇到小吉掙脫後拔足而逃, 之後嗰幾個鐘都見到小吉好似驚咗大吉咁想避開佢。

問題嚟嘞:
1. 佢哋都係食同一款糧, 小吉比較咀刁, 試過餵其他糧佢唔食, 大吉就餵乜都食。佢哋啲食量差咁遠正唔正常?
2. 佢哋平時都好FRIEND底, 瞓覺都走埋一齊, 十足好兄弟咁, 點解今日會大蝦細?
3. 最近發現佢兩個個殼尾好似有啲翹起(如下圖), 係咪有咩問題? 唔夠鈣? 曬唔夠太陽? 少浸水?

西西利

回復 小黑豬 的帖子

勁似之前屋企一大一細共養一個缸咁，屋企無人果時，隻細野應該喪比大龜咬同哈lu~
果時小西西被咬到發炎, 其實共養一缸真係好難講，我屋企兩隻龜而家分缸， tocuh wood健健康康快快樂樂~
祝小吉肥肥白白，快高長大噢~
*你有無放鈣片 + 太陽燈?
殼翹起，聽人講係食得太多, 唔sure~

catcatdog123

回復 小黑豬 的帖子

你D水浸唔過殼就會翹起, 平時最好有番多小小水比佢地, 咬龜情況你試下將2個台分開擺等佢地有自己獨立地方

科拿仔

其實係咪同性唔可以一齊養架？不過我見D水族館又一大堆一齊養咁。

kittyapple38

咬龜.....而家一聽見DD情況..我就驚驚~~
事關..自己屋企經歷過..又睇過..網上D圖等等情況...

其實龜龜一咬開..好難會唔咬我覺得..所以我建議小黑豬.你分開佢地養啦~
如果唔係..比龜咬個隻..好慘慘架~

分養其實都唔一定要分開成個缸, 可以買隔缸 / 隔板等..
我男朋友都是一樣...不過就係..細咬大一..一"....
所以最後我地買左隔箱黎養~ 一陣POST過你睇~

kittyapple38

已POST=.=V HAHAH~~有空去看看啦~

http://www.hkturtle.org/forum.ph ... id=90498&extra=

小黑豬

謝謝各位意見!

今日有新發現, 一朝早兩個瞓醒後都相安無事(瞓覺前會倒晒D水, 唔俾佢哋浸過夜, 驚冷親佢哋, 尤其是大吉, 佢好鍾意成日浸喺水度瞓, 有石都唔上去), 於是再試下加D水俾佢哋浸下, 結果尋日嘅情況又再次發生, 而且出口嘅竟然係小吉....咬咗大吉個殼邊三下, 証實佢哋冇水都好兄弟, 有水就.....

佢哋係咪覺得落水有嘢食, 當咗對方係食物或者係嚟爭食?