(加相了==)豪CHING之黃肚龜

wel524

經過多層考驗, 千辛萬苦, 過五關斬六將, 一隻可愛既黃肚龜囡終於到左我手上啦,哈哈哈~
首先, 要多謝版主Ching挑選左我去領養尼隻咁有魅力既龜女~ 我一直都想買隻咁既樣, 其實我覺得
同佢好有緣份, 我想要果時, 一直買唔到, 但係竟然出現左隻領養真係好有緣~我屋企D龜一向好馴,
會集體行動, 一直担心買番黎果隻會好惡, 驚招惡龜入宅, 到時所有龜都唔HAPPY就慘, 好在而家相處
好好, 見到隻龜之后發覺佢真係好百厭又貪玩, 好鬼鐘意聊人玩, 應該不成問題, 我D龜都好鐘意同佢玩~

肺(肺府之言)話少講, 而家同大家直擊報道~

尼度係直擊一台:
你好, 大家好,
現場係某鐵路車CAR, 隻囡囡不停咁响個箱o拍o拍o拍~嘭嘭嘭~生猛過水魚, 鮮過河鮮~
隻野真係好鬼生猛, 好在聽C兄忠告'已經整爛左我幾個膠盒',
預先帶定個實到唔實既箱, 如果有得加個鎖, 下次一定會加,
佢不停咁頂個箱有一刻真係驚佢頂得開, 佢直頭用兩腳撐住成個箱好少扒响度, 全程超惹人注目,
睇D乘客反應, 九成九諗緊裏面裝住隻咩史前生物, 何其凶猛,
其間仲遇到N咁多個警察, 真係好担心佢會問我係咩黎, 哈哈哈, 雖然唔係咩違禁品, 但係唔想俾人誤會
經過十萬九千里, 幾鐵車程既煎熬, 轉左N咁多次車, 終於安全到達目的地
為左尼隻野真係受盡白眼, 冷眼旁觀, 不過都係值得既
交番俾生活頻道~~~

尼度係生活頻道:
又係你好, 大家好,
而家係'豆豆'生活特輯, 首先要介紹咩係'豆豆', 相信你地都估到, 唔係面上面果D, 佢就係 豪CHING之黃肚龜 ,
咁你地一定會問點解佢叫'豆豆'呢, 咁我就會答, 尼個係秘密,
不過尼個秘密係龜友之間既秘密, 所以我就會講俾大家聽唔好講出去呀XD,
其實我一直都唔知改咩名好, 一問之下, 經 豪CHING 一講, 原來隻囡係有真名, 佢就係叫'豆豆'
咁我好自然就問, 點解佢叫'豆豆'呀,
咁CHING就有以下答法:
(原文抄錄,不設刪減)

因為拎番黎第一日,係廚房加水嗰陣我跌左包红豆落佢個缸度,
我想倒左D水佢點知佢係禁食.....一粒又一粒....

相信大家睇完之后, 大家都會有以下反應不過唔好咁大聲, 唔好俾CHING聽到, 唔係到時佢有好野都唔拎出黎
講左咁多普通野, 咁我就唔講其他野咁多
馬上去片, 直擊報道隻囡囡'豆豆'既現實生活

(本人拍攝技術有限,不過好用心整GA, 希望大家慷慨加分多人加分先再加相)
其實隻龜個頭花好靚, 不過影極都唔清, 哈哈哈XD
加上本人崇尚自然拍攝法, 唔想拿住隻龜影咁生硬, 等我尼幾日繼續改進下先~

徇眾要求下, 好多人似乎都好有興趣知道豪CHING是怎樣DE~
咁我就同大家分享少少啦~
話說今日見面, 只用左3秒鐘放好隻龜, 之后豪CHING同我傾左超過1個鐘,
可見豪CHING是一個十分喜愛交朋結友, 與人互相溝通既人
(可能特別是女的~不過似乎佢覺得對象係我, 顯然感到有點失望,
還直說期望是身邊既另一個靚女-講笑, 不過係真),
期間分享左好多有趣既經歷(全部都好搞笑特別聽到佢話跌龜等等, 搭車返屋企果時諗起都笑足全程)
總體黎講, 我覺得CHING係一個十分注重自我形象既愛龜發燒友, 人很好, 易相處, 多笑料

.


請大家繼續踴躍支持領養~
愛惜生命~不要放生~

yycyt

條片呢

佑鳥仁子

好似話未整好

wel524

回復 yycyt 的帖子

(未寫好, 勿看, 稍等, 按錯ENTER)哈, 就快睇得, 請稍等~

wel524

回復 佑鳥仁子 的帖子

唔小心按錯ENTER, 就快得, 請稍等

kitman1990

哈哈~話哂當日返去豪仔到個時~佢勁到係個袋爬出黎兩次喇@@
第一次汁到~第2次跌左都唔知~到搵返佢係佢街到係咁搵地方LAI埋呀@@ 好活潑呢~

wel524

回復 kitman1990 的帖子

充份咁感受到 簡直係前所未見, 史上最活躍既龜

kitman1990

wel524 發表於 2012-5-4 21:01
回復 kitman1990 的帖子

充份咁感受到 簡直係前所未見, 史上最活躍既龜

其實佢之前重有個名嫁~O~ 叫啊蠢@@
因為捉佢個時~佢好蠢咁俾我吸引左~豪仔先捉到佢~

wel524

回復 kitman1990 的帖子

哈哈哈, 無所謂, 加名唔收錢 佢而家叫'阿蠢豆豆' ,
我覺得佢似乎好鐘意望女仔, 哈哈哈
成日望住人~

kitman1990

wel524 發表於 2012-5-4 21:06
回復 kitman1990 的帖子

哈哈哈, 無所謂, 加名唔收錢 佢而家叫'阿蠢豆豆' ,

個日我係到撻手指~佢就望住哂喇~O~

wel524

回復 kitman1990 的帖子

OH, 我唔識撻手指~佢以后一定都會記得C姐你撻手指, 我今日叫佢'喂~喂~過黎呀', 佢識過黎, 好鬼得意, 成日游埋黎仲醒過我屋企其他龜, 其他龜通常過左黎會發顛咁扒水, 如果我個頭中埋去, 就會食哂D臭水 佢就唔會, 好定好醒, 所以好鐘意叫佢過黎

wel524

回復 kitman1990 的帖子

佢好鬼醒, 今日下午餵零食時間, 我一拿住樽野, 佢就見到, 我發覺佢成日望人(好鬼可愛, 又醒爬^^), 已經READY我, 我拿住隻蝦干, 我通常比較蛇'O瓜'會掉落水或放某個地方等佢地自己搵餐飽好似好衰~ 咁佢睇住我掉茖水, 佢先跳落水,條蝦干因為有水流, 沖走左, 最后俾隻受過長期訓練既草草搵到先, 哈哈哈~不過最后我都有補番俾佢, 佢以1秒既超高速同我食左佢, 仲快過隻草食完, 我發覺佢都幾鐘意食蟲干同蝦干我相信佢好快變肥婆

kitman1990

wel524 發表於 2012-5-4 21:12
回復 kitman1990 的帖子

OH, 我唔識撻手指~佢以后一定都會記得C姐你撻手指, 我今日叫佢'喂~喂~過黎呀',  ...

我撻唔出聲嫁~
只係得個動作~吸引佢注意~
因為我屋企隻巴西都係咁玩佢@@"

kitman1990

wel524 發表於 2012-5-4 21:14
回復 kitman1990 的帖子

佢好鬼醒, 今日下午餵零食時間, 我一拿住樽野, 佢就見到, 我發覺佢成日望人(好鬼 ...

做肥婆先得意呀~
我琴日WTSAPP SEND左我刺女既相俾豪仔睇~ 肥到有3下爬~佢話好得意呢

wel524

回復 kitman1990 的帖子

利害無聲都留意到, 已經到達無聲勝有聲既境界

wel524

回復 kitman1990 的帖子

哈..3下巴, 好想見識下, 可惜我無WHATSAPP, 個電話......== C姐問佢就知點解

ashbone

請大家繼續踴躍支持領養~愛惜生命~不要放生

kitman1990

wel524 發表於 2012-5-4 21:20
回復 kitman1990 的帖子

哈..3下巴, 好想見識下, 可惜我無WHATSAPP, 個電話......== C姐問佢就知點解 ...

今晚先問佢@@"

wel524

回復 kitman1990 的帖子

講起巴西, 今日我一放隻阿蠢去上層, 佢既魅力真係沒法擋, 已經即刻招惹左我隻小巴公向佢示愛(震震手), 我費事隻小巴公SO擾佢曬燈, 所以調左隻小巴公落下層, 自己一隻 其他龜都响上面曬燈

kitman1990

wel524 發表於 2012-5-4 21:31
回復 kitman1990 的帖子

講起巴西, 今日我一放隻阿蠢去上層, 佢既魅力真係沒法擋, 已經即刻招惹左我隻小巴 ...

巴西溝黃肚 咪好型@@