對於佔中，我有少少野想分享

書生

琴日有個婆婆知道落雨我地對鞋濕哂，60幾歲既婆婆竟然由中環行去上環買咗十對拖鞋俾我地…
樣衰啲都係咁講…包括我在內，我咁大個仔第一次見咁多大男人一齊喊，仲係收唔到聲嗰隻…
雖然真係好辛苦，我已經4日冇訓過，仲要4日只係沖過兩次涼…
但呢個咁有人情味咁可愛既香港，值得我用生命去守護…
我知道講出黎一定會俾你地呢班大人冷嘲熱諷甚至指責……
愚蠢，其實我從來都冇否認過，活著至此，我實在冇做過幾多聰明既決定……
更愚蠢既係我到今天仲覺得值得…真係好值得…
坐係電視旁空想混亂險惡既人唔會明白，為咗理想而黎既人，互相支持，主動關及一切需要，運作完美到令人驚訝，你地一直恥笑既正所謂mk仔，竟然會成晚通宵唔訓咗做好垃圾回收分類，更唔能信既係捐贈既物資竟然堆滿半條馬路，所需要既一切都係免費任拎，我覺得眼前既場面係套電影，係個神話……
仲有係呢幾天感受到既友善支援，香港面孔不曾見過既微笑同埋互相欣賞既眼神......你見過咁樣香港？
今日已經係我第4日既佔中，每日都係番工，放工，過中環，番工，放工，過中環，我已經好攰，甚至有女仔同伴今日發燒都依然堅持等到替更既人黎，我一直勸佢番去休息並表示呢度有我，但係佢少咗我一句“做人唔可以咁自私，而加唔頂等幾時，對比起香港既病，我病算係咩”，講呢句說話既，正正就係一個mk妹……


或者我地呢班年輕人，係細係睇唔清未來，但如果你亦後生過，曾經有過理想，可能已經成功咗覺得我地行錯路，可能係唔成功而唔想我地成功，但如果你亦年少輕狂過，就請你地唔好用一副高高在上既姿態，黎侮辱依然年輕既我地……


至於阻人搵食，其實已經有結論，琴晚5點當大家熟睡既時候，包括我在內既18個補給站代表，已經有共識，所有商業車輛我地都會開出一條專用行車線，只係細節有待討論，但唔會太遲，我地亦唔係想阻人搵食，我地只係一班熱愛香港既年輕人，唔想將來係香港上唔到facebook既年輕人，唔想坐地鐵都遇到一路食餅一路鬧我地係狗既人既年輕人……


最後多謝大家睇哂我打既廢話，而加番工啦(￣Д￣)ﾉ

當民主之花開遍赤地
或民主孤墳散落於邊陲之地
我地每一個人
都係傳奇


p.s.多謝某師兄送咗隻黑頸雜日石俾我，作為支持我佔中既鼓勵，感激不盡

herbalchung

書生 發表於 2014-10-2 13:47
琴日有個婆婆知道落雨我地對鞋濕哂，60幾歲既婆婆竟然由中環行去上環買咗十對拖鞋俾我地…
樣衰啲都係咁講 ...

你幾辛苦幾慘, 都唔代表做法合理同唔影響社會。感覺付出過多而唔太願意, 就快啲走唔好阻住社會正常運作。

arthur

有你地中國有救，叫啲2頭蛇番去古時吧

家家

希望呢幾個月唔使交租同出糧比伙記，因為完全無生意零收入，我支持佔中，但無錢支持

abc123

唔好意思,冇睇哂你d安居野 ,你話4日訓二晚係咪,咁叫辛苦咩,你地好舒服架啦, 其它市民比你地攪到要繞路走,叫救護車的等成個鐘,如果有人失救,你就係兇手了, 旺角租貴,做少d生意都唔掂, 比你地攪到冇得做,但要比人工租金,分分鐘害到人地破產自殺,年紀輕輕的你,竟有如此惡行,還在大條道理為邊個 ,第一個例子 ,我斬左你隻手,費事你將來唔止一次受傷咁辛苦
第二個例子,切左你個肝先,費事你第二時肝岩辛苦,咁得唔得呢
唔好用一個平常例子就當自己岩哂,買野比你唔代表支持你佔中
可能人地只係一時好心,仲有,仲有,你話亞婆由中環行去上環,你知唔知點解呀
就係因為你地攪到交通阻塞,連亞婆咁大年紀都係受害人, 要行咁遠,你仲自以為好醒,呢個亞婆受你所害 ,只係其中一個例子 ,仲有好多亞婆亞伯行多好多路, 都係你所害
行路只係一件好簡單的事 , 如果 ,個亞婆亞伯有病 ,又冇車坐,要行好遠去睇醫生 ,又係你所害
醒下個腦啦 ,攪手就袋哂錢,你就去做罪人, 變成現代版紅衛兵,攪批鬥
將來香港經濟倒退,你家中有錢ge你好彩,唔係你自食其果啦

一夜白髮

書生 發表於 2014-10-2 13:47
琴日有個婆婆知道落雨我地對鞋濕哂，60幾歲既婆婆竟然由中環行去上環買咗十對拖鞋俾我地…
樣衰啲都係咁講 ...

加油 加油
白髮哥哥支持你
唔洗理人地點講點睇
"自己香港自己救!!"

我為我9.28自己都有份係銅鑼灣幫手而自豪

地獄火

你真係未試過咩叫做辛苦
你試下每日訓 4 ～ 6 個小時，試足半年，試完後先同我講以上說話
我地老一輩香港人捱到今日既香港成就，你想摧毀佢
你幸福，出生係呢個安穩香港年代

一夜白髮

家家 發表於 2014-10-2 14:03
希望呢幾個月唔使交租同出糧比伙記，因為完全無生意零收入，我支持佔中，但無錢支持 ...

我好樂意陪大家一齊屎都冇得食....

一夜白髮

abc123 發表於 2014-10-2 14:04
唔好意思,冇睇哂你d安居野 ,你話4日訓二晚係咪,咁叫辛苦咩,你地好舒服架啦, 其它市民比你地攪到要繞路走,叫 ...

請你搵清楚資料同証實叫救護車幾時要等成個鐘???
唔好散播假言論

herbalchung

一夜白髮 發表於 2014-10-2 14:12
請你搵清楚資料同証實叫救護車幾時要等成個鐘???
唔好散播假言論

版主你都唔應該教人唔理其他人點講點睇啦。咁係非常之自私。

書生

一夜白髮 發表於 2014-10-2 14:07
加油 加油
白髮哥哥支持你
唔洗理人地點講點睇

多謝師兄，我會傳達俾我既同伴聽

地獄火

日做夜做，做足半年，訓車我都訓過幾個月，5 係訓幾日

書生

abc123 發表於 2014-10-2 14:04
唔好意思,冇睇哂你d安居野 ,你話4日訓二晚係咪,咁叫辛苦咩,你地好舒服架啦, 其它市民比你地攪到要繞路走,叫 ...

唔好意思，我地9.29開始已經有人係每一個封路點前三十米放哨，如果有去過中環既人都應該知道，係知道有白車前，已經有人打開緊鐵馬，即使部車唔減速亦過到，何來阻住救人之說？
一味聽電視網絡消息既你，我真心覺得可悲

書生

abc123 發表於 2014-10-2 14:04
唔好意思,冇睇哂你d安居野 ,你話4日訓二晚係咪,咁叫辛苦咩,你地好舒服架啦, 其它市民比你地攪到要繞路走,叫 ...

唔好意思，我地9.29開始已經有人係每一個封路點前三十米放哨，如果有去過中環既人都應該知道，係知道有白車前，已經有人打開緊鐵馬，即使部車唔減速亦過到，何來阻住救人之說？
一味聽電視網絡消息既你，我真心覺得可悲

回答你點評既問題1
本來就冇辦法，但如果你有親身去中環睇過就會發現每個鐵馬防線都有足夠一架巴士既鐵馬位置特別薄弱，就係預咗用黎俾白車過，至於巴士，唔好意思，中環冇巴士，旺角先有，重點就在於，我支持佔中，唔代表我唔理性，中環呢邊早有代表要求旺角解封，佢地既補給站同物資部代表當我地生野咁唔理我地，我覺得師兄你可以去旺角搵佢地談判一下，大家文明人，講道理既，只要你既“真理”足夠說服人就可以了

一夜白髮

書生 發表於 2014-10-2 14:15
多謝師兄，我會傳達俾我既同伴聽

記住一點!!要攪就一定要攪得好好睇睇
反正唔攪都攪左,我都一樣遇左有排都要食屎
所以希望食屎食得值得

PS: 689一日唔落台,鐵架除左急救和物資外打死不給任何人開放
我有資格講,鐵架我有份盤!!

一夜白髮

燕赤霞 發表於 2014-10-2 14:17
而家d後生，飯來張口，個個都好似老馮咁。窮都唔識寫，點會捱過呢。

那你想下一代再回到共產黨的時代再捱落去嗎?
給人溫水煮蛙不知道不要緊
想知道真相,是要用心去求證的

地獄火

5 記得講，我係支持唐唐
而家出來反 689 既人，好多係未選前支持，冇 jetso 就反對，明未

herbalchung

一夜白髮 發表於 2014-10-2 14:22
記住一點!!要攪就一定要攪得好好睇睇
反正唔攪都攪左,我都一樣遇左有排都要食屎
所以希望食屎食得值得

唔通有份隨地丟垃圾嘅人先有權決定邊個可以清理打掃咩。。。