想問下隻巴西龜d殼甩甩地，但有少少裂開，係咪正常？

L_suet

但係從裂開嘅地方望入去，啲殼好似有啲問題。希望有人可以解答下小女子問題，謝謝！

SliderFan

似正常換甲啫。不過可能有少許毛病，搽"真菌净"應有幫助。

L_suet

唔知搽龜精靈有冇問題？

L_suet

係咪繼續曬太陽都得？

SliderFan

龜精靈對呢種情況可能幫助不大。我會搽"真菌净"。

多曬太陽更好 , 但切忌長時間暴晒 , 會中暑死亡 , 給少許水較安全

L_suet

Ok ，thank you

L_suet

另外想問下巴西龜（長10cm,寬8cm左右大）冬眠洗唔洗有d咩注意，定係照常比d水就得？水量洗唔洗過龜身？洗唔洗擺室內？求解答，謝謝

SliderFan

長10cm，約養咗幾耐?  一般而言，香港冬季天氣不致於凍到必須要冬眠，只係個別品種或個體會唔食或減食。

到香港冬季，巴西龜可照俾水並保持水質清潔，但水位可較春夏季少，不用浸過龜背。冬季以外，水位可浸過龜背，背甲生長會好D，但水質要清潔，否則易有病，有太陽最好有石或降低水位盡量晒，但切忌長時間暴晒會中暑。

雖然話唔駛冬眠，但都必須注意氣溫，冬季最好移至室內，關細窗口，甚至遠離窗口，否則太冷會肺炎並死亡，大小巴西龜都會。其實夏季都要注意室溫，近冷氣位一樣會中招肺炎，我D試過因此死亡。

SliderFan

有前輩提示，氣溫低至攝氏19度，就算肯食都唔好餵，因低溫新陳代謝更慢，消化唔好食物積聚仲衰。

L_suet

養左7個幾月，返來已經差唔多咁大，養過2次都未有可以捱過冬天的龜，我係普通膠桶放舊石養，3月到依家都係日日換水（普通水喉水）同餵龜糧加少量‘梅’蝦乾，咁算唔算正常？氣溫低至攝氏19度係咪量水溫定正常溫度？

SliderFan

巴西龜一般唔難養，日日換水(即使普通水喉水)應OK，但都要用海綿或牙刷，幫佢細細力刷吓背甲同底甲，而且再睇真D，你隻巴背甲縫間確似有D問題。快搽"真菌净"，好有效，應有幫助。已受損就唔好刷住喇，海綿幫佢細細力抺吓就OK。

普通膠桶放舊石養OK，如可以，膠盆多D空間當然更好，但提防爬出走佬(甚或跳樓)，要加鐵絲網。餵龜糧加少量蝦乾都OK嘅。

攝氏19度係大概啫，當室溫，留意天氣報告就OK。

L_suet

想問下搽"真菌淨"係咪可以全身搽？因為個説明書話唔可以搽係有傷口嘅地方，隻龜裂開咗嗰啲位算唔算傷口？求回答

SliderFan

可用棉花棒，薄薄哋搽龟殼受感染部分，跟說明書傷口就唔好搽，但如不是渗血，搽埋都ok。乾養過夜先再俾水。每日搽，留意情況有否改善。

kiken.

我想問下呢種係自然脱甲、定係生病爆裂？

SliderFan

kiken. 發表於 2017-11-5 14:34
我想問下呢種係自然脱甲、定係生病爆裂？

唔似“自然脱甲”，似細菌及/或真菌感染。當然，唔係医生，估估吓啫。小問題自己搞到最好，情況冇改善或惡化就要搵医生了。

SliderFan

L_suet 發表於 2017-11-4 21:34
想問下搽"真菌淨"係咪可以全身搽？因為個説明書話唔可以搽係有傷口嘅地方，隻龜裂開咗嗰啲位算唔算傷口？求 ...

另已pm .........

L_suet

之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後夜晚乾養，想問下第二朝係唔係照比水同餵食？使唔使抹走啲藥膏先？

SliderFan

L_suet 發表於 2017-11-5 19:58
之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後 ...

乾養過夜，俾時間啲藥發揮吓，第二日或朝，可用海綿洗身再俾水。可每日或隔日搽，留意情況有否改善。

其實用藥期間，咁size嘅龜暫停餵食都ok，亦可餵少啲，保持水更清潔。真菌感染，或多或少都係水不潔。

SliderFan

L_suet 發表於 2017-11-5 19:58
之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後 ...

到好番至回復餵食量都ok。

L_suet

呢幾日都有keep住搽，有照餵食，不過都唔係好食。呢排冇太陽曬，所以睇得唔係好岀有冇好返d。