收養自來龜問題

自來龜富

小弟前幾日收養咗隻自來龜(正確啲講係我老豆收養,不過佢又唔理,最後變咗我養)不過好彩,小弟非常鍾意龜,所以好樂意養大佢^^

但畢竟我自係個新手,實在有好多唔識既地方,所以想請教一下

由開始收養佢既時候講起
前幾日收養佢既時候,因為咩都冇,所以只可以用個盆仔養住先
佢有手掌咁大隻,唔知係唔係因為盆太細,佢成日偷走出泥(辛苦咗龜龜)
是關收養佢個時好夜,無咩餵到佢,只可以餵生菜(但佢完全無食...)


到咗第二日,我就嘗試買龜糧比佢食
但始終我只係個學生哥,無咩錢,屋企又唔大
所以佢第二、三日都係住盆仔
直到第三日佢自有食嘢既跡象(真係好擔心)

到咗第四日(即係琴日),我決定買個缸比佢(對我而言好貴....)

聽水族店既老闆講,佢係草龜泥
所以我就準備咗個台仔比佢游完水用泥休息(不過佢好似好少用...定係唔識用?)

個缸用之前用鹽水洗咗一次,再用清水洗一洗
之後放完水再放抗氯藥(老闆話唔放會醃眼)



自從佢入咗缸之後就異常活潑(係唔係因為太多水??定係肚餓??定係開心??)


個台仔佢用得一次(我幾乎24小時望住佢=.=,太擔心)
仲要係我見佢爬錯位幫佢上

除咗內容中少量既問題,其實我仲有好多嘢想問
1)一日餵一餐會唔會太少??
2)佢入咗水之後,我發現水入面有啲好似皮既嘢,係咩泥?
3)我屋企要長期保持喺23度左右,對隻龜而言會唔會太凍?
4)如果係太凍,我係唔係應該買嘢幫佢保暖?
5)佢自己一個會唔會好悶,洗唔洗買啲同伴陪佢?
6)我想帶佢去散步,應該去邊?每個月散幾多次?有咩要注意?
7)食龜糧夠唔夠....
8)換水應該換幾密,應唔應該每次換水都換過晒全部?
9)有冇要注意既地方??
10)係我打呢篇文既時候佢係台仔掉咗落泥,反轉咗入水,我主動去幫佢反轉,但我無可能24小時幫佢,點好..?

小弟細個其實試過養龜,但一買番泥就有病,嗰時因為資源非常有限,死咗
所以今次我真係唔想再發生,我好想養大佢

等我下星期有錢,我就買多啲嘢比佢

michaelphone

1)吾會
2)死皮
3)吾會
4)應該買暖管
5)吾會
6)佢是龜,吾洗散步
7)夠
8)每日換
9)要曬太陽或燈
10)加深水位,令佢可以用水借力反轉

catcatdog123

回復 自來龜富 的帖子

1, 水太小了, 佢一反轉左好難反番轉就會出事, 加番到你個台頂落小小都唔怕

2. 個台太細了, 可買格仔板返黎自己整, 25蚊一大塊

3. 如冇過濾就每日都要換晒水, 因佢d便便, vv都係水到, 唔乾淨的水會令佢有皮膚問題, 水要用隔夜水

4. 如唔諗住佢自然過冬就要有暖管, 不過佢咁大隻都可試過冬, 只要溫度唔會突然相差5度

5. 如可每日都晒太陽就最好, 不過天氣開始凍, 要注意, 冇話去邊到散步最好, 只要周圍係安全, 即唔會走出馬路果d就可以了

6. 可買支射燈比佢暖下, 日本城果d都係幾十蚊就可以了

7. 每日一次都夠晒, 有d師兄幾日先餵一次, 食糧都ok的啦, 有時屋企煮飯有蝦或魚都可比d佢食下(要生的)

8. 有d皮飛飛下係佢換皮, 冇問題的

JACKTONG

唔係草龜黎架 係斑龜

自來龜富

多謝大大們提醒,因為我好怕佢會浸死,所以水得好少
如果用隔夜水係唔係唔洗用抗氯藥溝水??
仲有草龜同斑龜有咩分別....我唔多識,唔同養法??
係唔係加濾水器會好木??
洗唔洗買d龜陪下佢,佢好似好悶
啱啱買多咗個大啲既台比佢
咁暖管又係要邊種....點裝...?
我好多問題

catcatdog123

回復 自來龜富 的帖子

1. 用隔夜水就咩都唔駛落了

2. 一樣養法, 只係品種的分別

3. 有濾水器方便d羅, 同埋可以養埋菌水靚d, 不過都係要定時換水的, 你係新手就唔好買住啦, 勤d每日換水啦

4. 龜唔怕悶的, 同埋有番咁大搵隻陪佢都要番咁上下size, 又怕新入的唔岩一齊養, 不如你養耐d有左經驗先再決定啦

5. 暖管你細缸50w都夠了, 一定要可以橫放全支可入水的, 去魚街好多有得賣, 較好度數, 全支放入水度, 水一定要過支暖管, 插電制, 攪店

*盡量用回覆功力, 咁人地先會知你覆或問某位師兄師姐問題*

Johnson

而家鋪頭真系
攢得一蚊得一蚊

不過呢只系斑龜/花龜

Johnson

catcatdog123 發表於 2013-11-10 17:35
回復 自來龜富 的帖子

1. 用隔夜水就咩都唔駛落了

認同
不過想補充翻
新買返泥d龜最好就分開自己養
因為可能有病(龜壇收翻泥就唔洗)

wel524

JACKTONG 發表於 2013-11-10 16:24
唔係草龜黎架 係斑龜

HELLO, 歡迎你呀~ 自來龜龜是這種龜http://www.herpera.com/stripeneck.htm
叫斑龜來的, 另外可以裝多D水俾龜龜游下水, 同埋陸地整大少少, 冬天最好有暖管,
如果比較少帶佢出去曬太陽而有點錢可以買多一盞太陽燈, 再加個濾水器eg濾桶 就perfect~
有咩問題隨便問~ 冬天龜龜比較易冷親易病, 要小心照顧~

JACKTONG

草同斑

catcatdog123

回復 自來龜富 的帖子

太陽燈(UVB)同暖燈(UVA)不用作用, 如你有時間帶龜龜去晒太陽(每星期2-3次)就可不需要了, 而佢家下都未適應新環境唔上岸呢埋一D唔奇其, 佢自己覺得需要就會上岸了, 如你買暖燈就將射位射住個台佢就會上去晒的了

自來龜富

如果買太陽燈仲洗唔洗暧燈??
仲有我已經加大咗陸地,但佢唔多上去,點解?會唔會有問題??(我怕佢浸到皮都爛)
佢反而鍾意尼係台下面啲洞

自來龜富

話說小弟今日第一次換水,換一換水好似做完苦力咁,攰死
入正題,換水個時發現冇食既糧都有一定數量
今日換完水再放糧,遠觀咗幾粒鐘都唔多覺佢有食嘢(會唔會有事架!)
佢好似唔多食嘢....
我見佢換完水無耐就係咁游,又博晒命向玻璃爬(單純活潑??)
而家佢爬咗上個台向上望(又突然好靜,無事嫁何...?)
我都知好過分緊張,但我寧願煩膠都唔想害到佢
另外太陽燈應該買幾多w?

Teddy西瓜

回復 自來龜富 的帖子

天氣冷龜龜冇咁大胃口食野,而且新黎冇幾耐唔食野係正常Ge,
我隻巴西苗新黎果時成個月唔食野都唔死,過左成過月就大食到你唔信= =
佢地游水同其他行為根據你講ge係正常其他龜龜都會做Ge野,
太陽燈我就幫唔到你喇= =你問下其他ching啦~
加油啊!!我都收養左5隻龜龜~

Healthy

睇外表是“斑“，，但可能斷了尾？

honeybee

回復 自來龜富 的帖子

Really appreciate your love and care!!! We need more people like you in the world!