暖管一問

RainTonGTonG

天氣開始轉涼
所以我琴晚開始用我新買既暖管
我放左落去無乜反應
水溫都係22度左右
摸落去唔暖
支暖管係唔需要自己調節溫度
佢會維持25.5度
我想問感係正常定唔正常
定我用得唔對？

wel524

坦白說, 其實我覺得自小習慣不加溫養既龜特別強壯, 如果養草龜有3歲大可以讓牠自然過冬, 暖管看門口

TCPH

同意! 其實2歲大都可以讓牠自然過冬, 暖管看門口.

kakaihk

正常暖管係需要自己調教溫度既，無得自己調教溫度既暖管，點會有人要？？通常頂部位置可以擰到高低溫，正常調教26-28度。如果你支真係無自己調教溫度暖管，不如買過支可以擰到高低溫，仲有埋溫度顯示啦!

RainTonGTonG

wel524 發表於 2015-10-13 01:07
坦白說, 其實我覺得自小習慣不加溫養既龜特別強壯, 如果養草龜有3歲大可以讓牠自然過冬, 暖管看門口 ...

唔該你先
其實我以前都無用暖管既習慣，但好多人都話冬天最好俾暖管，所以我買支試下
我亦聽話幼龜係冬天較為危險

RainTonGTonG

kakaihk 發表於 2015-10-14 12:17
正常暖管係需要自己調教溫度既，無得自己調教溫度既暖管，點會有人要？？通常頂部位置可以擰到高低溫，正常 ...

依一支我係係一個爬友介紹，佢質料較堅固同電線係有
一層鐵圈圍住，係防止龜咬合力太大而設
專for水龜

kakaihk

師兄你問的本來是實用基本原問題：
    1/.手摸落去唔暖，正常定唔正常？
溫度講讀數，不是憑你手感估估下，所以你必需先設有水溫度計，才知水溫正常定唔正常，否則無人會幫到你。
   2/.定我用得唔對？
每款暖管不同，如果無得自己調教溫度既暖管，實用上會有問題？應問清楚介紹你的爬友或賣暖管零售商。正如上邊師兄都主張冷水過冬，冷或暖水過冬，本身有很多看法和爭議。師兄們所說睇門口，指有時在最冷日子，將暖管調低些合適溫度，令弱龜在生存和合乎原生態下，幫助龜盡量在低溫下，勉強小小進食過冬，其實也是暖管調溫中庸技巧學問。
   3/.防止龜咬合力太大？
這是師兄後加問題，也不知師兄養什麼兇猛烈龜。一般常養龜很少會咬爛暖管，我講的是概律，講錯勿怪。

RainTonGTonG

kakaihk 發表於 2015-10-15 11:55
師兄你問的本來是實用基本原問題：
    1/.手摸落去唔暖，正常定唔正常？
溫度講讀數，不是憑你手感估估下 ...

唔該師兄你詳細既回覆
1我係有貼溫度貼，依幾日天氣轉涼，就算放左暖管後溫度都係22度
2係你提岀左個好主意，我會去問翻零售商
3其實我都係聽人介紹依碌野講，我養刀背旦同黑旦各一同兩隻草龜

zreo德仔

暖管可以自己設定温度建议28-33度！龜自然過冬较好！我今年的2隻草龜苗都准备自然過冬！

羅生門

zreo德仔 發表於 2015-10-16 08:46
暖管可以自己設定温度建议28-33度！龜自然過冬较好！我今年的2隻草龜苗都准备自然過冬！ ...

龜苗過冬洗唔洗暖d果陣餵野佢食？

zreo德仔

羅生門 發表於 2015-10-16 14:00
龜苗過冬洗唔洗暖d果陣餵野佢食？

25度以上再喂！自然過冬前  停喂7日以上  清肠！岩岩其它帖有回复你！

shabin110112

暖管?买果只德国制作扁平既陶瓷管咯,,,,几好用,,我一支用几年都无坏过,又安全悟会爆,,,,好似250港纸左右,

cheung428

支暖管不能調節
咁..支暖管預設係幾度?

waterwater

暖管無可能無調節，一般响頂有膠包住唔起眼啫，暖管運作時發熱線會變紅，有D會有燈指示添，個人一樣覺得唔需要暖管，以前有用過，但壞左後就無買新，其實室溫凍極都有十四五度，對龜影響唔係太大，至多唔郁唔食野，只要定時加番熱水比佢地就得，尤其食野時比暖水比耐D時間佢地就會食，當然食量不大，但龜本身可以幾個月唔食野都得，所以好難會餓死佢地，問過一D舖頭佢地都係咁講，其實模仿番自然環境溫差，比D磨鍊龜龜，對佢地反而會好D身體會強壯D，睇下野外嘅龜生命力咁強就知，寺廟嘅龜長期在外水又污濁，一樣長命百歲。