光暗制燈罩

iamnero

養龜幾個月，接觸過大量燈具。發現最令人苦惱既就系，所有既燈罩都冇光暗制，少數有光暗制既燈座，又系無罩既……非常唔方便。尤其系使用日/夜加熱燈時，好多時候既需要反光罩（避免光線影響人，提高光/熱效率），又需要光暗制（以應對唔同既環境同埋天氣情況），如果用冇光暗制既燈罩，就要根據天氣同埋環境改變燈既高度（既麻煩又唔現實），或者乾脆同一種燈買幾隻唔同W數既（浪費）。
頭先，終於搵到廠家，可以提供帶光暗制既燈罩俾我，因此睇下有冇龜友都要，一齊買。

產品資料如下（光暗制燈罩因系我個人訂造既產品，冇圖片提供。以下提供我自己截圖既部份燈座/燈罩圖片供參考）：
廠家系大陸既
燈罩尺寸：5.5寸、8.5寸、8.5寸深桶
除深桶燈罩之外，都系高反光內壁
香港三腳插頭/大陸兩腳插頭
有夾
有保護網

關於價錢，最貴既8.5寸深筒唔會超過$200港幣，最平既5.5寸唔會低過$100港幣。具體價錢，等我確定購買數量與運費之後會逐個PM通知。

各位需要先行付款俾我，以免我付左款，貨到之後有人因各種理由唔要，我就損失好大，請體諒。若信不過我，都唔緊要。

提示：我與各位一樣，是且僅是買家，並非商家既代理/代表。我唔會對產品既質量負責，但會站在買家既立場，幫遇到問題既龜友與廠家聯繫。呢個廠家生產既燈具，我已經用左一段時間，個人認為系可靠既。

想要既龜友，請在此留言或PM。暫定預訂期限為3月7日。

iamnero

補充：若有龜友需要其他燈具器材（除UVB外，UVB請認准ZooMed ReptiSun 10.0 UVB），都可搭單。會比魚街平好多

kenbb

提醒一點,裝左光暗制既燈罩,裝上uvb燈時會閃閃下..(我個人經驗.如有得罪,我刪留言)

iamnero

kenbb 發表於 2012-3-3 22:24
提醒一點,裝左光暗制既燈罩,裝上uvb燈時會閃閃下..(我個人經驗.如有得罪,我刪留言) ...

對的。
UVB省電膽系唔可以用光暗制調光的。

anthonywoo

我有興趣

iamnero

anthonywoo 發表於 2012-3-3 23:19
我有興趣

師兄想要D乜呢？

盾臂小子

你呢隻個光暗制去唔去到150w打上先？
我有5個燈罩連光暗制全新。放70蚊一個。5.5寸

龜大哥

睇個制個size都應該係150W打上
大陸仔野唔好全信.打反個8折
不過師兄你賣親野都有人入黎攪事
印像上次賣燈又係

iamnero

龜大哥 發表於 2012-3-4 00:39
睇個制個size都應該係150W打上
大陸仔野唔好全信.打反個8折
不過師兄你賣親野都有人入黎攪事

據廠家稱，都系300W既。
我自己就覺得，呢D燈座、駁線、光暗制，其實系技術含量低到無得再低既野，大陸既廠家做呢D，只要誠信合法，質量我都信得過既。反而好多國際品牌，因生產成本既緣故，都會選擇系大陸製造。
我自己唔系商家，都唔系代理。因此唔存在“搶我生意”之類既說法啦。冇人買既話，我仲費事煩，又落訂又拿貨又交收

龜大哥

大陸野信唔信得過就見人志
你講得無錯.呢D光暗制係系技術含量低到無得再低既野
不過你清唔清楚呢D當暗制原理?
簡單D黎講最主要二樣野.電阻同銅線圈
如果線圈數唔夠的話好大機會去唔到300W
而現時銅價86XX尼講,想比足你都好難
所以我話打個8折就係甘解
大牌子甘貴一定有佢道理
唔信你可以爆開大陸隻個D黎睇下

iamnero

龜大哥 發表於 2012-3-4 01:01
大陸野信唔信得過就見人志
你講得無錯.呢D光暗制係系技術含量低到無得再低既野
不過你清唔清楚呢D當暗制原 ...

有道理。多謝指點
以你所講，300W打八折，240W，應該都應付到絕大多數爬蟲燈膽

龜大哥

放心.240W絕對夠用

盾臂小子

又要等又要貴自己上淘寶訂再加運費都唔使你甘贵。
難為你重話幫人代訂

waiman

龜大哥 發表於 2012-3-3 12:01
大陸野信唔信得過就見人志
你講得無錯.呢D光暗制係系技術含量低到無得再低既野
不過你清唔清楚呢D當暗制原 ...

放心果D唔係用銅線圈降壓牛, 而係用双向触发二极管, 幾多瓦數, 完全係睇呢粒管有幾瓦.

iamnero

暫時有兩位師兄要：
大陸插頭深桶光暗制燈罩（噴漆內壁）*1=$200（含運費）
大陸插頭5.5寸光暗制燈罩（鋁製拋光內壁）*1+大陸插頭深桶光暗制燈罩（噴漆內壁）*1=$300（含運費）
付款方式及本人聯絡方式已PM兩位師兄