豹龜B雙眼腫白打唔開...求救!!!!

wings

豹龜B雙眼腫白打唔開...求救!!!!
新手唔識UPLOAD相..請看頭相,THANKS!

Siumanchan

雙眼紅腫? 唔食野?

kaholoveyee

揾中蜂兄佢會幫到你

swingman1019

俾個setting睇吓先，setting唔啱都會咁！

wings

買返黎只係3WEEKS..店員話執齊SETTING比我,因此我係新手,唯有信佢..20吋缸,75W燈..盒寫有UVA+UVB $90,用栗米沙..後尾發現唔對路..夜晚轉100W紅燈...初時好肯食野,一星期後開始單眼,用手捽又開返..之後兩日唔食野,開始成日訓,唔玩唔郁,眼開唔到,白晒腫晒,餵菜成幾啖...去魚街買ZOOMED滴眼,再多買一盞UVB燈,日頭開,黃昏熄因為發覺之前75W根本無UVB..滴左藥三日無咁腫..但依然開唔到,已經日日浸水,浸時佢成個頭會潛晒入水..好驚佢嗆到..但佢又好似好舒服咁就由佢..但依家佢都係唔食野..已經幾日...好驚佢挨唔耐...係咪要睇醫生?邊度睇好呢...?各位師兄教下路!感澈!!

swingman1019

回復 wings 的帖子

底材要轉草粒，粟米沙誤食會塞腸！二十吋爬箱你可以白天淨開uvb加一個50w陶瓷膽，uvb放箱中間，陶瓷膽放角位，咁樣你可以做到冷熱點俾佢自己選擇，uva暫時唔用住！佢唔開眼同燈光都有些影響！佢唔食嘢方面，你可以去金魚街買樽Reptoboost俾佢浸，約$150！每日兩次，浸水時放小許落去，浸過腳仔就可以了！

swingman1019

晚上關掉uvb，長開陶瓷膽就可以了！

wings

唔該晒C兄..會盡快去買..
今日有新進展..對眼無頭幾日咁腫..同佢浸水時佢開左眼..有時開一隻,有時兩隻開晒..不過個樣好似未訓醒咁,一陣又合返埋,浸完水試下比菜佢都唔食..跟住又再訓過,咁其實係咪好先兆呢??

chunyu430

睇醫生好d

swingman1019

回復 wings 的帖子

順便一問，豹仔有大便嗎？如果屎係啫喱狀就係爆原蟲，呢個係十居其九龜B唔食嘢嘅原因，呢個情況就一定要睇醫生，土瓜灣余醫生大約六百幾！

織田俊義

回復 wings 的帖子

隻豹有冇吹波仔？
浸水落啲REPTOBOOST電解粉+黑藥，
底材最好就轉其他啦!!!好似假草坪，果殼砂個啲，方便又易打理。同埋餵菜盡量將菜整乾佢，因為豹本身天生腸胃唔好，
長期食太濕嘅食物會屙爤便，嚴重甚至腸胃炎。
不過新手都係爬多啲文至養寵物，方為正道。

abcma12345

wings 發表於 2014-1-16 22:10
買返黎只係3WEEKS..店員話執齊SETTING比我,因此我係新手,唯有信佢..20吋缸,75W燈..盒寫有UVA+UVB $90,用栗 ...

粟米沙吾得。。
箱細燈光太強。。吾得。。
而且uva+uvb 都要過Hkd400。。

wings

BB有屙便便..不過好似有D白白地色又透透地嘅野...唔知係咪所謂啫喱屎...

wings

回復 織田俊義 的帖子

多謝C兄賜教..請問假草坪同果殼砂係咪魚街有得賣?

wings

回復 swingman1019 的帖子

請問有無余醫生地址?感激!!

織田俊義

回復 wings 的帖子

當然有啦～

swingman1019

應該係爆原蟲，余醫生地址～土瓜灣北帝街139號地下（傲雲峰對面）Tel 27119909（需預約）

swingman1019

余醫生都有草粒底材出售！

龜人巴巴

應該要"道"虫...
希望佢快D 無事啦!!

wings

睇左余醫生..佢話龜b有寄生虫,救返機會不大,問我試唔試..餵藥10日睇下反應,雖然同龜龜相處時間只係短短一個月..但真係唔忍心睇住佢死(雖然藥費),而且由決定養佢開始自己確實係要有責任,所以點都想試下同龜b一齊努力..希望bb要加油,乖乖比我餵藥,快d振作起來!!