譴責攻擊旺角急救站人士

enzanblack

回復 龜龜ying 的帖子

你知唔個時序既發生？
學聯罷課
遊行
警方胡椒噴霧，催淚彈
愈黎愈多遣責暴力清場
警黑合作
再慢慢演變到咁
依家仲叫佔中？

你話老師唔係個人意願教
咁即係話老師可以hea,錯住黎教？
在其位，謀其事你識？

中央唔會揀個反中央既行政長官
咁個行政長官就可以出賣香港？
你點知689佢唔想做？

龜龜ying

回復 enzanblack 的帖子

一開始唔係有佔中呢個行動，有你所講呢一大堆問題嗎？
我都想有民主，但我絕對唔會用咁既方法去爭取想要既野！
警方唔係受到衝擊，會無緣無故用胡椒噴霧催淚彈嗎？
一句為全港市民好就可以咁，我一句冇錢係咪可以打劫銀行先

你係咪認為香港可以脫離到中國，可以自主獨立，選個唔受中央影響既人做特首？
如果你天真地認為係可以既，咁我講咩都冇用

cowboycc

回復 龜龜ying 的帖子

咁你講你會用咩方法而又可以有民主喇.....
689講咩都唔聽...
奶媽又話咩有商有量...之後就變左有根有據...實現普選... 咁又算點?

龜龜ying

回復 cowboycc 的帖子

和平爭取既方法有好多，但唔用只需一個藉口。
如果佔中班人肯絕食，肯定得到更多市民支持，政府亦會迫切關注你地既需求。
既唔會防礙到人(唔會犯眾憎)，同時可令政府必須理你地(應該話唔理都唔得)
咁樣"犧牲"反而獲得更多掌聲同尊重吧！

而家佢地既方法都係犧牲，不過係犧牲人地黎迫政府妥協讓步，咁做會唔會過份左Ｄ？
難聽Ｄ講，比一班咁既人得到普選又點？
紛爭總會有，但用呢種手段黎爭取自己所想所求，會唔會太自私呀？