找工請教...

4848

雖然呢到係爬蟲論壇  但我有好多事都會上來請教=3=  
可能呢到唔會比人插啦  同埋呢到既人比較成熟

入正題   

岩岩中六讀完啦  又等緊ive  

想話係呢兩個月找份野做下   主要想找攝影/戶外既工作來試下   
但我上勞工處個網好少呢類工就算有都要好高學歷   所以想上來問下攝影可以點找呀......  
定還是攝影呢類係香港比較離地找唔到食呢.......?  除左係網上找有冇其他方法呢= =??

頭盔李

係好離搵到，
一黎無經驗已經唔會請咁濟
你仲要話係暑期工，打板都唔識，
個天色變左，佢就玩完

EV-DAY

去做模特  都可

4848

頭盔李 發表於 2015-4-27 23:45
係好離搵到，
一黎無經驗已經唔會請咁濟
你仲要話係暑期工，打板都唔識，

所以都放棄左

因為我想找  係我ive都報左有關攝影既課程  睇下將來易唔易找工

所以係到想緊有冇其他工找下  我自知性格內向  真係唔多野岩做= =|||

Reason

EV-DAY 發表於 2015-4-27 23:54
去做模特  都可

你有公介紹比佢？

EV-DAY

Reason 發表於 2015-4-28 00:24
你有公介紹比佢？

冇冴88db果喲得5得傢?

kailunlun

攝影真係好小請無經驗新人...

暑期工不如諗下做u記/H&M/ZERA/馬會之類既工, 一黎人工唔算差 二黎又學到野 真係做落2-3個月覺得ok既9月又可以轉part time半工讀

Tony_Chu

好似打機咁, 你想賺XP 定係 $$?

如果係$$, 香港失業率3.3%, 世界最低, 勞動力缺乏, 大把工做.

如果係XP, 你主動同人講,最低工資,搵D婚莎攝影job,做靓,托下燈、反光板. 偷下師,對將來有用.

Tony_Chu

自己做freelancer得唔得? 玩爛市!  我發現好多餐廳,公司,工廠都好需要拍攝專業產品相, 出面專業公司勁貴.  上次我公司要拍D產品相做catalog, 公司嫌D專業公司貴, 自己拍, 點知D同事連用廣角鏡可以catalog效果平面D都唔識, 廣角鏡有3類都唔知.

我地大陸合作既廠, 有接近1000員工, 二百幾個工程師, 得一個小攝影棚仔, 頂, 半專業都冇, 影到好鬼差, 大陸請人影都係麻麻地.  我覺得你可以投資, 買套專業設備, 可能有得做?  

如果屋企冇錢, 或者先打下其他工, 再買設備, 學下IVE, 學下電腦editing, 再搵下經驗, 前途無限.

後生仔唔好怕蝕底, 唔好怕人工低.  我有好多朋友, 出黎做野, 有工就做, 攞XP, 有個FD勁低人工做工程師, 另外一個做律師行intern, 人工只夠買麵包, 捱左好多年, 做左最top既高級工程師, 另一個做左中環大firm既associate, 人工勁高, 學到既野仲去教新人, 我問佢地怕唔怕人地偷師然後搶你地飯碗? 佢地話 "唔怕新人偷師, 根本偷唔完! 而且新一代好廢, 唔捱得!".  所以話, 人生要不斷增值自己, 唔好怕蝕底.  

Tony_Chu

有次公司有人按門鈴, 係個19歲後生仔, 佢問有冇請人, 我地話冇請人, 點解要cold call?  佢話佢見完樓上份工, 然後順便問下周圍既寫字樓有冇請人.  我當時真係好感動, 香港有救了!  我叫佢留低電話, 將來請人一定搵佢.  你試下cold call, 以你既積極去感動下D攝影公司老闆.

4848

Tony_Chu 發表於 2015-4-28 04:18
有次公司有人按門鈴, 係個19歲後生仔, 佢問有冇請人, 我地話冇請人, 點解要cold call?  佢話佢見完樓上份工 ...

好老實講  我好浮沉

一 我冇咩理想  好驚玩攝影係三分熱度
因為當初迷上影相都係呢個論壇既影響

二 我自知唔係讀書材料 驚IVE可能唔收 因為我英文差到......

或者你講得岩既   任何事都係從低做起 捱得住總有出頭天

返正題  今日再試下出去找工吧    賽馬會未試過   去見識下吧