被逼結業，很傷心！

zero_1

SnappingTurtle 發表於 2012-6-28 11:43
師兄，由頭到尾都只是水中情話要封我鋪，無奈龜痴宜家公開講大話，話有兩三個版主投訴我，唔比我開舖，此 ...

我完全無參與過呢件事,亦吾清楚來龍去脈吾評論了~BTW祝你早日賣出剩下既貨啦

SnappingTurtle

zero_1 發表於 2012-6-28 11:52
我完全無參與過呢件事,亦吾清楚來龍去脈吾評論了~BTW祝你早日賣出剩下既貨啦 ...

明白，我只想將真相向你講出黎，我知你身份尷尬，唔想評論得罪任何一方，但我相信你心裡面有一個答案

龜痴

SnappingTurtle 發表於 2012-6-28 11:35
師姐，我ban呢條友是因為他不斷開分身買野放人飛機，仲想引埋我上當，我ban呢條友相信絕大部分龜友都會支 ...

請不要再有被迫害罔想症,無人因為你的售價太低而將你趕走,而是因為你濫用權力,不斷攪亂論壇運作...

1. 如果售價太低是被趕走的原因, 中鋒和魚佬一早已經不存在了...

2. 我雖然把你踢出龜友小店, 但你也可以在會員交易區賣貨... 一樣會影響其他商戶... 有人迫害你的話, 一早已 BAN 了你 AC, 又或禁止你再交易... 趕你出龜友小店的原因是因為你影響論壇形象...

3. 如果你認為其他人放飛機便可以任意 BAN 人... 我一早 BAN 了你... 我翻查 PM 才發現... 去年我攪遊船河... 你開始時說參加, 等我俾晒錢 BOOK 好船後又反口唔去... 攪到我要臨急 CALL 人... 差 D 蝕左百幾二百蚊...

4. 依家你一口咬定係有人迫害你趕你走... 其實只是舊事從提... 你第一次 PM 我話我因為你售價太低而迫害你是在一個月前, 當時你認定我因為你售價太低而 DEL POST, 而事實係你一連開了六七個類似的 POST 在交易區,嚴重灌水...我已多次解釋你都要認為我因為受其他商戶壓力才 DEL 你 POST... 試問如果當時我 DEL POST 的原因是受到商戶壓力, 為甚麼之後我又讓你加入龜友小店???

wongfafa

師姐，我ban呢條友是因為他不斷開分身買野放人飛機，仲想引埋我上當，我ban呢條友相信絕大部分龜友都會支持！！！ 宜家龜痴只不過利用呢件事轉移視線，在我開鋪的第二日龜痴已經同我講水中情要我收檔，而最主要的原因就是我賣得平，但宜家龜痴不斷用其他原因掩飾呢個真相！！！！！！！ 我發誓我所講既千真萬確，如有半點虛言，我不得好死，立刻死！！！！！！！

大家都講個信字，你話如果水中情老闆因為你賣得太平，有競爭問題，呢個我相信你無講錯，而且佢唔鐘意都合乎情理，但至唔至於因為呢個原因要收你檔…我相信唔會。你其實唔好太自信…其實除左你，好多人都有平野賣，點解只係搞你，唔搞其他人？除此以外，你同水中情有幾多樣貨品有重複？水中情既貨品應該好多樣化，如果只係幾種貨品有重複，都唔會大費週章，搞咁多野出黎。
雖然你唔係義工，但我都見你支持左論壇好耐，一直以黎龜痴做過咩，你同我都有眼見，佢講大話動機係咩？為左賺錢？一直以來佢都貼唔少錢啦，如果只係為錢，論壇一早摺左啦。
我係論壇都有一段日子，可能龜痴有時吹下水，講下笑，人地覺得佢唔太正經玩玩下…但佢搞論壇管理時候，唔會玩玩下。點解師兄只係關心水中情老闆意見，忽然左一直講既禁言問題呢？
師兄講「呢條友」放飛機，人人都唔鐘意佢，如果真係放飛機的話，我都覺得佢唔應該。但用禁言或者禁止訪問，係完全不符合，或是完全違反論壇一貫管理方法，買賣問題係私人問題，論壇唔應該干涉。當然…如果有人放飛機令你好不滿，你大可以去投訴版「唱衰佢」，如果持之有據，無過分言論，我地一向都唔會干涉。我希望你都明白，版主權力要用係適合既地方，今次我覺得真係有小小過火。
我希望你係我地論壇可以賺到錢，同樣都希望其他會員可以得益。正如之前巴姐被禁言，大家都討論左好耐，之前又有警告，支持反對大家覺有意見，之後又投票。唔係次次禁言都要搞咁多野，但如果好似今次一樣，禁言對其他會員都唔公平，咁做的確唔太合適。

skclan

嘈嚟有嘜用 事情已定了 結果亦不會變
如果比小弟見到有抽水搞事者不會手軟
希望各位見諒 開開心心玩論壇不好嗎？
大家都忘記了當初上來嘅目的嗎？

龜痴

以下是兩個星期前我與 SnappingTurtle 的 PM 記錄...
當時他已開始賣貨... 仲未申請做龜友推介人...我一 DEL 他的 POST... 他已經有被迫害罔想症...
夾硬要話有人針對佢賣野太平... 仲自動請纓要公開道歉...
我為免他成日以為有人針對他, 才把他升做龜友推介人...
點知一升他便出了事... 我一消除了他龜友推介人的身份便又開始陰謀論...
我對 SnappingTurtle 人至義盡, 多次幫他還要反咬我一口...
我頂佢唔順喇... 佢喜歡玩陰謀論便繼續陰謀論下去... 對此事我不再回應... 我唔想再浪費時間在此人身上...

龜痴 2012-6-14 20:50
不要洗版... 我俾 20 分鐘你把 POST 結合成為一個 POST 推出... 如果 20 分鐘內無回覆我便當你灌水 DEL POST...

SnappingTurtle 2012-6-14 21:08
哇
我剛入門口，你比多少少時間我，唔該

SnappingTurtle 2012-6-14 21:11
其實唔算洗版吧，講明一日可以發八個，我冲完涼搞下啦

龜痴 2012-6-14 21:16
比左錢的商戶一日當然可以八個
如果人人都八個，比錢來托呀？

SnappingTurtle 2012-6-14 21:45
甘究竟可以幾多個啊？ 講明啦，定係我賣得平得罪你D商戶？

龜痴 2012-6-14 21:48
http://www.hkturtle.org/forum.ph ... o=lastpost#lastpost

剛剛有人見你咁多 POST, 有樣學樣...
所以我叫你 20 分鐘內解決...
以免下次有人攪事時, 問我點解 DEL 佢唔 DEL 你...
又有陰謀論出現...

20分鐘已過... 事已出... 你唔可以怪我 DEL 你 POST.

SnappingTurtle 2012-6-14 21:59
學我?呢條友唔係第一次啦，你唔好賴我啊。

SnappingTurtle 2012-6-14 22:01
講明先，我唔係搞事，只係想搵下錢姐，如果因為我賣得平，得罪你D商戶，我可以公開道歉的。

SnappingTurtle 2012-6-14 22:06
洗唔洗？

龜痴 2012-6-14 22:07
放心... 我唔會理你有無得罪商戶...
我做野前會以一個正常旁觀者身份去睇事情...
如果你的行為正常合理, 我不會過問...
但係一次開咁多 POST, 真係已經超出了正常合理的範圍...
下次你可以分開幾次開... 咁每一頁都見到你 D POST,
又唔會一次過咁多 POST 惹人反感...

SnappingTurtle 2012-6-14 22:12
總之我唔想我既生意受到影響，你知宜家搵食艱難，所以.....唔好阻我搵食

龜痴 2012-6-14 22:17
你搵食當然無問題...
但你唔好攪亂個壇...
你今日一次過開 5 個 post,
明天便會有人開 6 個... 之後 7 個...
到時太嚴重, 我處理時便會有人問我當日做咩唔 del 你 post..
之後又嘈交... 呢 d 野你見唔少... 唔使我多講...

大家成年人... 唔同你多廢話...
總之今次並沒有人針對你...
已經俾左機會你自己合併所有 post... 唔好再 waste my time...

SnappingTurtle 2012-6-14 22:21
我宜家可以開個合併post嗎？版主大人，價錢洗唔洗調高D，高到同你D商戶一樣？

龜痴 2012-6-14 22:24
都講左唔關商戶事... 無商戶投訴過...
你係眼盲定係智障... 先入為主自以為是又唔理人講野...

你開合併 post 其實對你對大家都好...
起碼唔洗推走晒其他會員的 post...
至於開 post 與否是你自己的決定, 不要問我...
我由始至終只叫你唔好灌水...

SnappingTurtle 2012-6-14 22:29
你話唔關商戶事就唔關囖，就當我又盲又智障啦，先入為主既係你，自以為是既都係你，唔理人講野既都係你，你上次禁我言，我見識過，你唔會聽人講野的

龜痴 2012-6-14 22:30
你又來了.... =.=''

anyway... don't waste my time...

SnappingTurtle 2012-6-14 22:49
好，我唔阻你時間，我申請做龜友推介人，每個月賺左錢比你抽佣，可以嗎？ 我認真的，唔係講笑

龜痴 2012-6-14 22:52
等我攪掂萬轉單野先...
始終龜友小店主力是萬轉...
佢出了事我都唔知龜友小店仲可唔可以玩下去...

SnappingTurtle 2012-6-14 22:54
好老實講，你唔洗理班魚記囖，人哋又唔會封你壇既

龜痴 2012-6-14 22:59
官字兩個口...
原本諗住投票... 大家會叫我吊高(諧音)漁記...
點知大多人支持我順從...

我都無法...

SnappingTurtle 2012-6-14 23:00
唔係囖，順從既人唔及下面三個多，多數人想你唔順從的，你睇清楚

SnappingTurtle 2012-6-14 23:07
希望你前事不計，批准我既申請

龜痴 2012-6-14 23:12

都話同前事無關... 你要我講幾多次你先明???
先至覺得我唔係針對你???
後生仔... 成熟啦... 好煩呀...


SnappingTurtle 2012-6-14 23:13
得，明白，敢即係可唔可以呢？我想賺多D，宜家得好少

龜痴 2012-6-14 23:24
不如你等我三日...
我攪掂另一邊先再處理你的問題...
我唔想一波未平一波又起, 惹人猜測...

skclan

老闆我信你 一直以來我都覺得呢個人怪怪地
直到佢竟然當埋推介人更驚訝 從以上對話所得
佢一定係有被逼害妄想症。總次承上言
對搞事抽水絕不手軟 講過提過都唔聽就出手。

SnappingTurtle

wongfafa 發表於 2012-6-28 16:41
大家都講個信字，你話如果水中情老闆因為你賣得太平，有競爭問題，呢個我相信你無講錯，而且佢唔鐘意都合乎 ...

信唔信由得你，我只可以講，龜痴電話中所講，主要原因的確是我D野賣得平，尤其是Mazuri路龜糧，這真真正正是主因，我無講大話，句句講真，如果有假的話，保佑我一世無運行，出親街都X街，絕子絕孫，不得好死，宜家龜痴所做的一切都只是掩飾真相，你信唔信我唔重要，我只想將事實講出來

SnappingTurtle

龜痴 發表於 2012-6-28 17:16
以下是兩個星期前我與 SnappingTurtle 的 PM 記錄...
當時他已開始賣貨... 仲未申請做龜友推介人...我一 DE ...

你post呢段野出黎有何意思？我真的非常後悔無錄低我同你既電話對話，你講到明封我鋪既原因係我賣野賣得平，你仲話自己同水中情解釋過封我鋪無用，我會繼續係交易區賣，但水中情話一定要封，呢D野全部出自你口中的，你仲話想 小 魚佬，因為魚佬賣M糧賣50蚊，你仲話我減價只會頂爛市，水中情對此不滿...............
以上內容全部出自你口中，我無加過任何修飾，而你宜家所做既一切實在是喪盡天良，仲要掉轉頭話我屈你？

wongfafa

SnappingTurtle 發表於 2012-6-28 21:47
你post呢段野出黎有何意思？我真的非常後悔無錄低我同你既電話對話，你講到明封我鋪既原因係我賣野賣得平 ...

咁講啦…

我D野賣得平，尤其是Mazuri路龜糧
同水中情解釋過封我鋪無用
但水中情話一定要封
減價只會頂爛市，水中情對此不滿...............

以上引文龜痴已經作出解說如下…

的確有商戶向我投訴他開價過平, 影響市場平衡,
但龜友論壇一向不干擾所有人的訂價及交易物種,
這個不是要他離開的原因...

宜家你最主要問題
係指出龜痴講過以下說話…

因為你賣得平，破壞市場平衡（頂爛市），所以要封你鋪

我有無講錯？