求大家救救我家小龜:'(

kathy41102003

養左我屋企兩隻龜仔兩個月，已經成日提心吊膽..好驚佢地會有咩事，本來有咩特别野我都係爬下文，
但係而家咁既狀況我又唔太清楚，
同埋見情況好嚴重，好希望各位師兄師姐幫幫我




我兩隻龜龜分别係Guts
佢個嘴仔本來一直有一dat野,我本來有keep住同佢茶龜精靈，
但係見茶左一排都無太大功效就無理到佢，
今朝乾養，回家後發覺佢個嘴仔個dat野連忽肉成忽無左，
但係佢依然有好強既食慾，但係食野個陣個嘴會噴好多氣泡出黎，
我咩都唔識下本能又同左佢茶龜精靈
請問各位我可以做咩幫到Guts?



另外一隻係ShyShy
佢買返黎個陣就不停Keep住大, 初初我見佢殼片同殼片間變左透明，
圖中有一塊仔突起既殼就係新生出黎既，咁我就以為佢係換殼，
無理到佢，但最近發現佢個殼無啦啦多左d白色mo仔，
我都以為關換殼事，到越黎越多再search先知可能係角質化，我又本能地茶龜精靈，
但係之後又有人話龜精靈無用，要乾養同埋多曬太陽先可以好轉，又有d人話要茶藥膏，
因為唔係好清楚，所以又想問問大家。
同埋佢係咪真係換既殼呢?好返後會唔會有方法可以從根本改進?




好多好多問題，希望大家可以幫幫小妹同埋我兩隻龜。
感激不盡

龜大仙

兩隻是否打交咀無左忽肉搽聚維酮碘干養分開牠們養先至於甲問題都照搽下睇下情況有否好點

1mm

你第二隻龜仔。。白色殼果d 應該是角質化。。。要多晒太陽。猛烈太陽下每次不能超過半小時～　　　角質化　要改善，先改善水質，然後幫佢地茶藥水消毒個背甲。每晚乾養。d 白色野是真菌來。真菌最驚冇水。

kathy41102003

龜大仙 發表於 2013-6-14 01:57
兩隻是否打交咀無左忽肉搽聚維酮碘干養分開牠們養先至於甲問題都照搽下睇下情況有否好點
...

佢地以經分開養左好耐了，應該唔會係打交問題。
請問聚維酮碘可以係邊度買到架? 要去魚街/普通藥房都可以?
謝謝你

kathy41102003

1mm 發表於 2013-6-14 01:58
你第二隻龜仔。。白色殼果d 應該是角質化。。。要多晒太陽。猛烈太陽下每次不能超過半小時～　　　角質化　 ...

想問師兄其實水質呢樣野有咩要特别注意架?
因為我都係每日換水，每次水都會隔夜，重有咩可以令水質穩定d架?
至於藥水都係用聚維酮碘嗎?

Thankyou so much!

龜大仙

kathy41102003 發表於 2013-6-14 02:03
佢地以經分開養左好耐了，應該唔會係打交問題。
請問聚維酮碘可以係邊度買到架? 要去魚街/普通藥房都可以 ...

聚維酮碘在漁佬水族有得買水質我曾滴幾滴酮碘落去可殺菌

twbb

首先分開乾養,以免交叉感染,每八至十二小時浸半個鐘水(排便,進食,飲水),我會係比佢地浸水前先用小小水慢慢地淋佢地個身,以免佢地太耐無水一下子入水會唔慣,爛咀嘅我無經驗唔敢答你,但你可以留意下佢有無側身游水或開口透氣,會係肺炎積像,另外shyshy可乾養及搽聚維酮碘至好返為止,應該問題唔大,你亦可將水全部換新隔夜水,缸及器材用滾水消毒,再多d睇多一d有關設備及水質嘅文章,請努力及細心照顧你的龜龜吧

龜龜ying

回復 kathy41102003 的帖子

呢方面冇經驗喔＊
不過都希望Guts同Shyshy　齊齊早日康復啦！

kathy41102003

龜大仙 發表於 2013-6-14 02:09
聚維酮碘在漁佬水族有得買水質我曾滴幾滴酮碘落去可殺菌

謝謝你啊 我去買枝先

kathy41102003

twbb 發表於 2013-6-14 02:32
首先分開乾養,以免交叉感染,每八至十二小時浸半個鐘水(排便,進食,飲水),我會係比佢地浸水前先用小小水慢慢 ...

感謝師兄
其實我都買左個新既大缸打算整間新屋比佢地
但係而家佢地情況咁樣都會開新缸住
我會盡心盡力照顧佢地兩隻野架啦
希望佢地快高長大 大個d強壯d就唔會再有咁多病痛啦

龜大仙

回復 kathy41102003 的帖子

建議師姐比個有洞的爬石給牠龜進去會有安全感龜沒有太大壓力

kathy41102003

龜大仙 發表於 2013-6-15 01:23
回復 kathy41102003 的帖子

建議師姐比個有洞的爬石給牠龜進去會有安全感龜沒有太大壓力 ...

師兄突然情況有變 剛剛離水乾養既時候
Guts突然用口呼吸，係最近一次乾養先出現既行為
但係佢食慾無變 重係活活潑潑咁
真係好擔心唔知點解無啦啦又會咁

龜大仙

kathy41102003 發表於 2013-6-15 03:58
師兄突然情況有變 剛剛離水乾養既時候
Guts突然用口呼吸，係最近一次乾養先出現既行為
但係佢食慾無變 重 ...

開口最好去睇下醫生或去中蜂到

Ahbold

幫佢加溫同埋快啲搵醫生啦，聞說土瓜灣余醫生幾好