分享貼: 我的果核龜

殺破狼

前言:
  其實我覺得養龜最緊要係你能夠比咩環境隻龜,唔係清一色一個膠兜養一隻龜,咁養法我個人覺得佢唔舒服,自己又會反思自己係唔係真係當佢係一個生命看待呢? 有時候買龜果時諗下,就算買左隻天價龜,自己有無本事去令佢可以一直keep到咁令呢?
  呢次要介紹既龜係果核龜一隻,小弟因為環境有限,唔敢買成長後體型會超大既龜,所以兩年前生日就買左隻成體後體型較細既果核龜了。

小資料:

果核龜
屬蛋龜類
水性良好
成體後約12cm
雜食性(會咬水草)
對水質要求不高,適合新手養殖

相片:





後記:
  我話果核龜水性良好? 因為只要細心留意,佢腳指同腳指之間係有塊薄膜,相比之下石金錢反而無,同時根據我自己留意,果核龜水性比石金好,所以我對網上有人話果核水性差抱住一種懷疑既心態。另外好多人話養果核龜係唔需要有浮台,其實我又有d反對,因為我屋企隻果核龜日日都會上浮台(見圖1),只係我次次經過佢必定會落水,所以我做左以下假設: 有d人屋企養既果核成日唔上浮台,係因為隻果核龜無安全感,所以唔敢上水。ps:我自己養果核,2年泥我未試過捉佢上手玩,所以龜龜對環境都唔會無安全感。

(以上資料只拱參考)

小樓一夜

養龜就係貪佢夠互動    唔拎上手不如養魚 (個人感覺)

殺破狼

回復 小樓一夜 的帖子

要亙動比野佢食時同佢玩好過0_0
不過我無叫人唔好捉,只係我唔會捉佢=)

超級瑪利奧

我都唔會用兜養 用缸養先好睇