呢度有冇人D龜幾日先食一次嘢？

Monkeyee

我家有2隻1歲有多嘅盾， 其中一隻大食、活潑、多便便，多酸！另外一隻初初養時，都好大食活潑，但大約半年前曾經有點傷風後，開始食量大減。
於是帶咗佢去睇醫生和杜蟲，好番後，食量依然不多，有時1至2日，甚至3至4日先食一次嘢，每次只吃最多一粒Sudo，有時甚至半粒都冇。雖然係咁，佢精神都不太差同行路都依然有力同唔會係拖住個地行。至於便便除咗比較少外，都算正常，酸雖然唔多，但隔一輪都會有。
不過他的體型好似唔識大咁，比另外嗰隻細好多，這樣正常嗎？

Italyroma

回復 Monkeyee 的帖子

師兄 試下幫隻盾B轉M糧睇下會唔會有好轉 我隻豹B買回來都好細食成年無+過體重又係食Sudo糧唔食M糧  第二年我決定逼佢食M糧 停餵食3日佢開始食M糧 我格日餵一次佢最多食到半粒M糧
每次食完M糧我會比小麥草佢食 一個月體重111G升到119見佢一日比一日好 而家格日佢食到大半粒M糧 長大左少少 我覺得小麥草好有用 你可以試試

山貓

首先, 你要肯定佢健康無問題
方法1:
唔好日日俾野佢食, 隔1日或2日餵1次.
份量唔好多, 如果佢每次只食一粒Sudo, 就只係放1粒俾佢, 甚至半粒, 令佢唔夠喉.
佢慢慢會發覺唔係成日有機會食野, 而且份量又唔多, 希望會增加食欲.
我上youtube見人餵星龜, 拎住樽水果糧從遠處揚來揚去, 引隻龜由老遠走來, 攪一大輪先至俾佢食.

方法2:
照樣隔1至2日餵1次, 但暫時唔好餵Sudo, 試多d唔同既野, 例如M糧, 水果糧, 車前草, 桑葉, 牧草...  但每次只餵1種食物, 唔好大雜會.
試晒咁多種食物, 你就會知道邊幾種係佢最喜歡. 然後就用佢溝龜糧, 繼續隔1-2日餵1次, 但慢慢加份量, 逐少逐少加, 情願佢唔夠食, 唔好俾佢食剩.
等佢食欲正常返, 可以慢慢減少溝糧, 直到淨係餵龜糧(如果你懶得溝的話).

小星星

請問師兄邊到杜蟲同埋幾錢

Monkeyee

回復 小星星 的帖子

杜蟲要杜兩次，我記得第一次去完要在兩星期內杜等二次。
因為我隻龜之前睇埋傷風，第一次化驗+杜蟲+傷風药+眼药水，大約要1千。
第二次我帶埋另外嗰隻龜去檢查，兩隻龜化驗+病龜第二次杜蟲，大約要1千。
我另外嗰隻龜因為好健康，所以唔使杜蟲。
我是在余醫生那裏幫隻龜睇病，我隻龜個咀倒及，佢都幫佢搞埋！
佢對醫龜龜好有經驗！

Monkeyee

回復 Italyroma 的帖子

謝謝師兄, 我會試試！

Monkeyee

回復 山貓 的帖子

謝謝師兄，我會試試M糧，因為其他如牧草，車前草，水果糧，桑葉，生菜，蘋果等都試過！個衰豬會食嘢時，會自己走埋去大啖大啖食，唔似有病！