盾食了梅菜生豬肉!HELP!!

daisyy

我隻盾盾AH BE依家差唔多2歲, 重2.1KG~ 本身日日好精靈、好百厭、十分好動架!…

但係琴 日為食之過唔小心O係廚房食左D生豬肉…今朝一起身就見到佢肚痾~ 成間屋個地下都鋪左一層深綠色O既青苔咁款…..

今朝嚇到我請左半日假帶佢去大圍奇珍異獸睇醫生 T_T”

醫生話佢脫水, 而且好瘦弱 (嗚我之前仲以為佢肥到個底板有血痕唔比佢食咁多添
>”<), 底板又軟, 頂殼又K型…..

醫生話要比2千幾蚊驗血同照X光先知AH BE 有咩事….然後先再比藥或者打針果D….依家糧尾又無$, 所以我跌左300 諮詢費就帶左AH BE 番屋企了>.<

聽朋友講用寶礦力1:1開暖水浸佢會令佢精神D…但係浸左成2個鐘AH BE 都依然係無反應
T_T”

平時好活躍周圍行周圍走…今日行左幾步就停O係路中間好累唔郁了 >.<! 今日成日都蒙豬眼咁想訓想訓….我比D力想捉佢隻手仔出黎佢就出力反抗一尾縮….比水果糧佢又唔肯開口食野…..平時食好多食2-3碟都唔夠皮架!! T_T”

我好擔心….放工去左水中情買左1支電解質唸住聽日開水浸佢, 同埋買左1樽腸道益生菌, mix 左落D水果糧度餵佢但佢唔肯開口 >_<!

嗚嗚…AH BE 會唔會頂唔住BYEBYE架?! …

蒙豬眼 AH BE...><"

K型2突1笠點點角...?_?

8ways

你試吓天然療法, 就係每日曬太陽半至一個鐘, 同時浸暖水半個鐘 .  道理上食錯嘢痾清就冇事, 但如果問題持續有五日, 就要考慮用藥來幫助.

daisyy

首先唔該晒你reply..~

其實我不嬲日日都有用暖水浸AH BE 半個鐘同晒太陽~

琴日同今日已經加左電解質溝暖水, 仲浸左成個半鐘.... 而且唔單止下午晒太陽, 我仲長開UVB 燈比佢...到晚黑12點後先熄燈比佢訓覺....~

但係已經2日了...AH BE 都依然係唔肯開口食野 (平時最愛o既水果糧同菜都有擺o係度, 但都無掂過)...2日都係咁keep 住蒙豬眼訓覺.....>___<

請問 AH BE 咁o既情況需要立即食藥嗎?

我驚佢頂唔到5日咁多

benlc

daisyy 發表於 2011-8-25 16:53
首先唔該晒你reply..~

其實我不嬲日日都有用暖水浸AH BE 半個鐘同晒太陽~

師姐快d帶佢睇醫生，可能唔係關舊豬肉事呢

一夜白髮

呢次都都係要搵下神醫打救...
係咁的...我剛剛問清楚原來事前....佢媽媽近來有給他吃白米飯...
佢爸爸給他食煲完湯的湯渣.... 還有生果...橙...香蕉....
但基本上一直都係好精神好大食....
直至星期二的中午....佢食左媽媽不小心掉在地上的"梅菜生豬肉"

所以攪成咁 現在已經係第三天...

星期三手腳還很有力...唔開口  帶左去睇醫生....
虎醫生剛巧不在,佢又冇講明食左"梅菜生豬肉"所以其他醫生叫佢驗血照x光...

星期四手開始腳冇力 唔係幾肯行,依然唔食....在我不了解的情況下先叫他浸了電解
星期五 浸了電解手腳有番d力,會行下

報告完畢....
梅菜生豬肉....我真係唔知點攪....應該都係鹽份問題....

sukky

其實會吾會柯清就無事ga la ...
ah be 同樓主要加油

keir

唔駛擔心既 , 食錯野有D肚痛....
比Ｄ耐心 , 浸D熱小小既水.......晒多小小
等龜仔內臟行快小小  

睇你隻龜 , 前手好似幼左小小
你平時有無比鈣佢