[求救]新手養龜

kk123

1.頭盔龜唔行浮石
2.暖管+暖燈夠唔夠過冬3.佢地食乜?
4.呢個水位OK MA?
5.其實點樣龜BB

我愛爬蟲類

暖管加番個套，咁就好好多

kk123

點解既，我二隻好鐘意爬去暖管，d水好似吾暖

jeffreychan

浮石上吾到，是否佢太細隻而石太大？

我愛爬蟲類

kk123 發表於 2014-12-1 22:08
點解既，我二隻好鐘意爬去暖管，d水好似吾暖

你set係幾度?

kk123

set 26,系一隻識爬一隻吾識

kk123

現在二隻識爬，但我飼蝦乾同龜糧，佢地冇食，仲有要5要天天換水同刷龜

cloudtse1212

我set到27度左右,不過蛋龜好少爬上水,at least我屋企兩隻有台都唔會上,加上天氣凍更加鐘意留喺水

kk123

分享下，我二隻太細

kk123

仲有換水問題

小粒子

回復 kk123 的帖子

有C HING 教過, 如果冇水流,  水溫會唔平均, 龜龜近暖管係因為果度附近D水比較暖。

冇過灑器既話, 最好日日換, 小妹隻中巴一日換一次(工作時間關係只能換到一次), 而一對小草苗就住緊小膠缸 食完排好多便便, 小膠缸輕便,所以早晚會換一次水。

換水時要注意水溫唔好溫差太大, 同埋BB龜要用隔夜水(隔12~24小時), 唔好直接用水喉水對BB唔好, AND 唔好以人既體溫去量度水溫, 小妹試過用手去量度水溫比龜龜浸住等換水, 手試時覺得D水少少暖暖地, 用溫度計量就有33度.... 差D害到D龜龜。

小龜D手腳罅位好易藏糧粒, 我家其中一隻小草就係咁, 換水時都要幫佢用溫水洗白白時順便檢查身體有冇異樣, 有時見到溶咗既糧粒係手腳罅位,要用棉花棒清洗...

仲有, 千萬唔好比佢地吹風, 否則會病。

論壇有精華區有養龜注意事項, 你可以去睇睇。

iris007

kk123 發表於 2014-12-1 21:52
1.頭盔龜唔行浮石
2.暖管+暖燈夠唔夠過冬3.佢地食乜?
4.呢個水位OK MA?

如果缸大,浮石會浮來浮去流動,一支射燈对住浮石,溫度會好不穩定,怕龟係石會易凍,最好整個固定曬台做熱点,射燈对住溫度就穩定好多.

旦龟熟水性,可以加D水蓋過背,暖管要比水蓋過多D,5係水蒸發支暖管外路,就會容易過熱.

Ravichu

蛋龜唔洗用浮石

kk123

得番三線
頭盔不食野

kk123

我日日有換水

iris007

回復 kk123 的帖子

有無溫度計,留意溫度,溫度太低,龟5多想食嘢.

之前支暖管溫度誤差大,換左支後set左26度, 水保持係25-27度左右,宜家龟成日要嘢食.

kk123

有温度計，有那些不咬人

小粒子

回復 kk123 的帖子

請善用回復(覆)功能, 唔係會比C HING 們話的~AND 其他人唔知你回覆緊邊個人。

買龜注意事宜

上面網址有教剛剛買回來既龜龜要點處理, 我唔知道你的龜龜係唔係剛剛新買回來, 但我會跟住來做。

唔知你缸有幾大, C HING教要準備幾支溫度計, 一支度水溫, 一支度室溫(即缸外), 一支測暖燈射既熱能點。

龜龜唔食野多方面睇, 新龜唔熟環境有壓力所以唔食; 氣溫太凍所以唔食(忘了幾度, 十度？); 生病會唔食(感冒肺炎)。 如果生病, 患有肺炎既話有幾種特徵: 浮水沉唔到落底, 開口呼吸有聲, 游水側身(斜埋一邊), 唔食野, 所以,你要用時間觀察下隻龜龜情況,自己判斷。

我家兩隻草苗, 冇暖管同燈, 小膠缸(金魚街果D)同少少石春, 水到甲邊, 室溫保持20, 買回來就快一個月, 健健康康日日食糧同好多便便, 一隻好大膽活躍, 用棉花棒洗白白洗手腳罅位唔驚任洗勁逃走, 另一隻較靜, 洗白白縮埋哂手腳頭, 食野時要用膠羹尾引引下先會食野, 兩隻成日追住個匙羹尾咬。

至於「有那些不咬人」是指有邊種龜唔咬人嗎？ 我只知盡量唔好餵肉就會冇咁惡(不適用於鱷龜), 上網爬文睇過好似草龜比較純, 巴西有攻擊性, 我從來都唔會將手指接近大巴同中巴口部附近, 聽聞我家工人好似比大巴咬過...換水時...  唔知佢點同大巴換水, 但我換水從來好安全冇事發生。中唔中意咬唔咬人其實個人睇法係睇下個主人養育方法係點。

有時間就睇下精華區既養龜方法, 唔好嫌多字又長篇就唔想睇, 睇咗了解咗或許日後會救到你家小龜既一命。個人經驗...

PIGMAN503

真係用好多心機

kclok323

回復 小粒子 的帖子

其實比巴西 黑旦果D咬
痛唔痛的...?