騙子的故事，誠信的反思

牛奶喵喵

首先自介一下，我只係一個愛龜人，一個平平凡凡既玩家。我同各位，應該係話同大部分人一樣，唔中意同人嘈交，遇到沒誠信既賣家，小數目既，選擇忍氣呑聲，暗怨自己唔好彩，提醒自己下次小心啲，多一事不如小一事，以和為貴算。我自己被人呃左十次都有了，到今時今日先出聲。其實大家有沒諗過，我哋今日既忍讓，係成就左騙子既增長同放肆，令更多更多同你一樣中意龜既同好者受害？

開呢個帖前，我有猶豫過。開呢個帖，需要同騙子互相交戰，需要花時間同心力同唔認同你既人，質疑你既人討論，而最終佢哋可能唔接受仲罵你一餐，不過既然開左，我已經預左面對，期望用自己微不足道既犠牲，换取大家既反思同關注，提防騙子。除咗呢件事，其實仲有其他事我最近有係投訴版反享。

故事發生沒耐前，我係度收石金錢龜，識咗一個叫adien既師兄。呢位師兄好好傾，態度温和，第一日我就同佢係凌晨傾左幾個鐘頭電話交流龜經，之後仲約左拎埋自己部份龜，上佢屋企睇龜吹水。adien既小朋友好中意同我玩，老婆又親切，大家又岩傾咩都講，我曾經期望過呢段友誼係長久。當時參觀既時候,我見到佢其他想賣既石金錢都係爛肉得幾嚴重下，龜龜互咬咬到甩哂指同斷尾。係朋友角度我同佢講有幾嚴重，同佢講你乾養左先，醫好左先賣吧，如果你唔識，我可以幫你醫，甘樣對龜龜又好，你又可以賣貴啲.佢話好.當日，我買左佢一隻石金錢龜，另用一隻安布盒龜加錢換多一隻石金錢龜。大家都應承左唔會賣，佢話第時真係真係沒辦法要賣既話，會同我講，我可以買番。

劇情大家都預計得到。佢沒同我講就開左帖賣，而其他傷得好勁既石金錢都在列，帖中佢話係全品，我非常愕然。不過由於我哋本身約咗一齊去揀龜，就去左先，番到嚟再同佢講你點解要賣我只安布，佢話唔記得左講，平比你你要唔要番。由於我嗰時已經唔養安布，我沒要到，亦接受佢解釋，比佢繼續賣，同時再次提醒佢醫治好石金先賣，同唔係全品個帖有誤。之後whatsapp同電話聯絡，佢話啲龜賣走哂，想買新龜叫我俾意見。我好好奇點解會有人要，睇番佢啲帖，佢竟然話係全品，而角度拎得好令係完全睇唔出！我問番佢，佢話啲人唔驗，嗰一刻我真係認同唔到佢做法，決定疏遠佢。無奈我同佢買嘅龜一直唔食野，我要同佢換糧。佢話有新龜，又叫我拎我啲新龜去交流，聚會後我語重心長叫佢唔好再甘做(唔全品話係全品)，亦相信佢即場既多次承諾，用$250賣原本開價$400既一隻雜地圖同一隻東錦俾佢，條件係絕不可賣。結果，佢依家賣緊，標價更高價一倍，係俾我留言踢爆後，設定為僅作者可見然後重開新帖。

故事講到呢度，除咗想提醒大家提防呢位賣家adien，更希望大家同唔相熟既賣家交易時，睇清楚先好交收，唔好怕尷尬或者唔好意思甚至想慳時間，唔好話唔全品，甚至係第二隻龜黎我都試過，可以的話，盡量選擇見光率高，有點聲名的賣家；賣家相片唔清楚，影啲唔影啲既，要求對方提供清晰圖；被騙了，唔好啞忍，開帖分享；為人父母者，以身作則，話俾子女聽誠信既重要性………

誠信和金錢，你選擇那樣？
誠信的價值，又是什麽呢 ？
誠信重要還是金錢重要，值得我們想想，謝謝

shingshing

如果係真，要小心小心。。。

sysysy

謝師兄提點

ansonleung

哈哈，枉我岩先仲對該師兄既東錦感興趣，謝提醒

kinglam2014

支持師兄..踢爆無良無品賣家..

你阿妹

真心照明月 明月照溝渠

春馬天

真係乜人都有！家中有老婆小孩！地址！電話也給你知道！仍然是這樣！真特別

合龜友

多謝c兄、我學左野啦！

釣魚台

支持~開帖~分享~踢爆~無良~無品~賣(買)家~

來自星星的屎屎

支持支持

many104723

Uncledash

誠信待人換來咁樣...

牛奶喵喵

多謝支持，希望大家多點CM,令更多人關注！

raymondcheng

本人都支持你的開貼.
雖表面你不會得到甚麼,但你實在幫了其他人.
我相信地球是圓的,所做的任何事都會有回報的.
不論好與壞,早晚問題.
望兄台不要再遇這種小人,開開心心每一天!!!

808204

呢個故事話卑我地知，人以群分，物以類聚，好高興你無同流合污。

PeterWong2015

多謝提醒

小虎

其實呢d都可叫做昆狗

龜龜ying

謝謝提醒。。推推

牛奶喵喵

多謝收看，多謝評分^^

Kaka01

佢又賣龟了,係咪你架?