龜龜傻行為

沙田鄂仔

我隻草草來咗我家三年多, 過冬之後, 驚蟄之後開始食嘢, 不但大食咗, 仲見親我就衝過來, 係喺水缸入面急速游或爬過來, 挨住缸邊向上爬. 當我蹲低身到缸底高度時, 佢又停咗唔向上爬, 慢慢跣番到缸底. 我貼近缸邊的話, 佢就靜落來, 一行開又衝過, 而且無論係唔係開餐時候都係咁. 娘親話佢似個小朋友想扭抱
你地啲龜龜有無咁行為呢?

我愛爬蟲類

胃口好既表現

waterwater

龜係咁㗎，恭喜你，證明佢對你唔抗拒，佢可能係扭抱又可能係扭食，一般正常嘅龜係廿四小時都扭食，佢地天生唔知飽，所以飼主要克制，唔係龜龜就會過肥。佢表現係要見到你，要你知佢嘅存在，走開時不停爬係唔比你走，因佢目的未達到，你可以試下抱佢，但抱過就要有心理準備佢下次又會經常咁發癲要你抱，你可能覺得煩，但當佢唔發癲時你會仲煩。

沙田鄂仔

waterwater 發表於 2016-4-23 10:51
龜係咁㗎，恭喜你，證明佢對你唔抗拒，佢可能係扭抱又可能係扭食，一般正常嘅龜係廿四小時都扭食，佢地天生 ...

我每次抱起佢, 佢唔心足喎, 不斷向我頭頂上爬, 似乎呃我抱出缸後乘機逃走.

waterwater

沙田鄂仔 發表於 2016-4-23 13:07
我每次抱起佢, 佢唔心足喎, 不斷向我頭頂上爬, 似乎呃我抱出缸後乘機逃走. ...

咁即係你地仲未溝通到，龜係有向上向高處爬嘅習性，佢只係當左你係個地方一個岸，上左岸就係山向上爬，爬上「山頂」就有太陽有風景，嘆完太陽下山就番海，山下嘅永遠就係水，所以佢地到邊位係會毫不猶豫咁向下跳，你唔想佢見野就跳就要教，想方法要佢知下邊唔係水會跌死佢，我大妹「甜甜」以前都係咁，跳過幾次搞到頭仔損晒嚇到我個心離晒，不過教左一輪佢依家唔會跳啦，有時我整古佢不停推佢去邊位嚇到佢死死下係咁不停發癲番轉頭爬向我。你唔想佢爬上你頭頂可以阻止佢，或者順下佢意抱住佢周圍行比佢睇下野，咁佢會安靜D唔再煩你，試過多次後佢就知佢唔得爬上你手以外嘅地方，不過你抱開佢周圍走佢又要你下次咁做，你又可以試下叫佢聽「No」嘅指令，每次你唔準佢做某D野就講「No」然後撥開佢，試多幾次佢一聽到「No」呢個音就知你會阻止佢咁佢就會停一停，當然佢唔會知「No」係咩意思，佢只認個音，有呢個音時你就會阻止佢做緊嘅野。

沙田鄂仔

waterwater 發表於 2016-4-23 14:20
咁即係你地仲未溝通到，龜係有向上向高處爬嘅習性，佢只係當左你係個地方一個岸，上左岸就係山向上爬，爬 ...

原來係咁. 多謝指點.

masuku

我養的亀亀養耐左都会有同様反応架！
楼主有無同亀亀傾計阿？
多D同亀亀溝通下、亀亀会感覚同自己更有新切感的。

waterwater

仲有抱佢响大脾，若果係龜囡仲會不停响你大脾係咁掘，想掘個窿捐入去，唔比佢激死都笑死，男嘅要小心，咪比佢掘傷左阿媽會肉痛。

沙田鄂仔

masuku 發表於 2016-4-23 15:50
我養的亀亀養耐左都会有同様反応架！
楼主有無同亀亀傾計阿？
多D同亀亀溝通下、亀亀会感覚同自己更有新切 ...

哈, 我同佢講咩, 佢反應都係一樣, 衝前~ 狂游~ 向上爬

沙田鄂仔

waterwater 發表於 2016-4-23 17:27
仲有抱佢响大脾，若果係龜囡仲會不停响你大脾係咁掘，想掘個窿捐入去，唔比佢激死都笑死，男嘅要小心，咪比 ...

抱起佢腳仔無托住的話, 佢起勢"young", 啲腳指又真係幾大力, 一放另一隻手近佢頭, 佢又會揾個鼻鼻聞下靜番啲.

waterwater

沙田鄂仔 發表於 2016-4-26 10:14
抱起佢腳仔無托住的話, 佢起勢"young", 啲腳指又真係幾大力, 一放另一隻手近佢頭, 佢又會揾個鼻鼻聞下靜 ...

教你一個同佢玩嘅方法，托住佢底甲帶佢玩空中游水周圍行，佢見到野就好想「游」埋去不停撥手仔腳仔，佢一撥你就行，佢一停你又停，佢就以為真係自己游緊水 ，若果佢撥左手你行右，佢撥右手你行左，佢就會一臉迷惘唔知撥左手定右手只知不停撥

龜係用嗅覺認野，所以咩都聞一餐，聞橫你陣味佢就唔會咬，若果新味道，佢會猶豫一下係咪食得，跟住就會慢動作地一啖咬落去。