可悲...

阿vi

基於我宜家做緊既機構係主要做就業，所以平時出入既人都係黎求職。
咁入正題啦... 今日番工 .. 上午既時間啦.. 果時好大風，仲有D雨添..

突然有個50幾歲既伯伯入左黎﹕
我想問呢度係唔係有工搵呀.. 我想搵清潔工呀... (呢個伯伯身體應該一般，佢講野唔係好好氣)

我同事﹕
今日暫時未有呀.. 我地仲未更新個職位空缺板.. 你過2日先再黎睇啦...

伯伯﹕
過2日先有呀? 哦.. 咁好啦.... ( 佢好失望咁走左 )

我果刻真係好想喊.... 一個50幾歲既伯伯.. 佢既背部已經有少少彎... 佢都要搵清潔工做...
重點係打緊風... 佢都行黎我地中心搵工...
我地仲要未能比到理想既答案佢... 令佢既希望幻滅 ...
我即刻覺得自己好失敗.. 亦好無奈呢個社會唔公平。
覺得自己失敗係因為望住個伯伯.. 望住一個50幾歲.. 但求職意慾仲好高既人失望咁走..
而我.. 一D都幫唔到佢 .. 真係好失敗.
覺得呢個社會好唔公平.. 係因為好多人都係因為年紀比較大而被僱主拒諸門外..
一係敷衍佢地..要佢地番屋企等消息.. 佢地一等..就一直等落去..
但佢地都仲有工作既能力.. 仲有好強烈既工作意慾.. 點解僱主唔可以比一個機會佢地呢??
一個年紀有番咁上下既人仲會求職，證明佢地有心... 會好比心機工作.. 我相信僱主一定有賺無蝕... !!
我真係越諗越唔開心... 呢個社會有人好求其就搵到野做... 而且係hea住做野.. 就有人請...
但一d真係好需要工作既人就無工作..無入職.. 甚至無面試既機會...
呢個社會公平嗎?!
佢地既要求唔高... 佢地好知足，但無人會識欣賞.... 無人可以幫到佢地..
有人拎綜援.. 佢地可以不勞而獲得政府資助..
當然不能以篇蓋全.. 我知有拎綜援既人都好努力搵工.. 想脫離綜援網..
呢個社會可唔可以公平d..!!
我真係好想幫到佢地. 但..我既能力.... 好有限.. 甚至可以話我無能力幫到佢地..
我只可以盡量幫佢地配對合適既工作.. 僱主請唔請.. 我亦無能力左右...

呢個社會.. 真係好可悲...
我終於知道.. 點解我咁想做果個職業..

變色龍

可憐........

mvp

無計!

ah林-3-

算吧！
不過都覺得佢好可憐

6龜

回歸咁耐.........香港就衰咁耐
大陸越好我地就一定越差

阿vi

真係覺得好唔公平! ..

一夜白髮

沙士個年...我係銅鑼灣一間餐廳做水吧,眼見門口一日內有30幾人衝入來見同一份6500蚊既"企堂"工...
有大有細....年青有為大學生30幾歲話見企堂...50歲既又有
中三結業又來見...

車仔1030

呢個世界係唔公平架啦..
特別資本主義添..
但都唔代表共產係公平..
好複雜

阿vi

車仔1030 發表於 2011-6-22 21:58
呢個世界係唔公平架啦..
特別資本主義添..
但都唔代表共產係公平..

我想問你... 有咩咁精彩-0-''

jimmybyc

回復 阿vi 的帖子

政府衰在照顧唔到弱勢的一群~
以為弱勢一定會拎綜援
但好多有骨氣地靠自己謀生...
然而社會的價值觀已經有明顯改變...

阿vi

一夜白髮 發表於 2011-6-22 21:58
沙士個年...我係銅鑼灣一間餐廳做水吧,眼見門口一日內有30幾人衝入來見同一份6500蚊既"企堂"工...
有大有細 ...

其實好多人都需要一份工去過活.. 但競爭力都係一個問題...
未必個個都可以有一份工..

車仔1030

回復 阿vi 的帖子

我幾時有話精彩

阿vi

jimmybyc 發表於 2011-6-22 22:00
回復 阿vi 的帖子

政府衰在照顧唔到弱勢的一群~

絕對同意師兄既講法!!!!
好多弱勢社群未能獲得工作謀生!唔單止香港人.. 連南亞裔人士都係.. !
根本未有一個好既方法可以幫到佢地..
政府亦未能顧及到一班有需要而又無拎綜援既人..

阿vi

車仔1030 發表於 2011-6-22 22:05
回復 阿vi 的帖子

我幾時有話精彩

你個評分..

車仔1030

回復 阿vi 的帖子

梗係精彩啦.. 我係出面比雨淋.. 老婆 你就打呢遍好文..
我呢d 人 都係無人幫架啦..
成身濕 仲掛住個電話 ..唉~~

阿vi

車仔1030 發表於 2011-6-22 22:15
回復 阿vi 的帖子

梗係精彩啦.. 我係出面比雨淋.. 老婆 你就打呢遍好文..

你唔好咁啦.. 乖啦..
我發洩到唔記得左覆你msg ma..

敏carmanlui

香港社會是沒有公平、公義的

我近來已經感受到

阿vi

敏carmanlui 發表於 2011-6-22 23:31
香港社會是沒有公平、公義的

我近來已經感受到

我也漸漸體會到... =(

bumblebee

我樓下請清潔工呀，如果你有個阿伯既資料，我可以send個電話俾你，你轉交俾佢

keitahahn

貧富懸殊,人情冷暖