盾臂新手好多問題

琛仔

我養左盾BB一星期, 我個箱係金魚街最常見嘅兩尺前面徜門黑膠玻璃箱。我左面用60火射燈(頭兩日用100火,但我覺成個箱熱哂,轉左細火啲）
中間用10.0UVB
右邊洞穴下有暖毯但係我一開射燈左面有成32度，右面都有30度,温差太少,會唔會有問題？
老細話暖毯24小時開, 但會唔會太熱?

我頭兩日比左生菜, 佢都食得幾好, 但之後我知生菜唔好, 我就轉左油墨菜，佢胃口就無咁好! 比兩片, 佢食左無一半就去洞穴呢埋, 咁剩左啲菜係咪繼續擺喺箱內, 因盾B隔一段時間會出黎食兩啖,又呢入去洞!但啲菜又會乾哂!
但盾B大多時間都呢入洞, 我有時會捉佢出黎,佢行一兩個圏又走番入去,是否正常?
我今日夾左一粒龜糧同一片菜, 佢肯食, 但又食唔哂, 夠竟餵龜糧啱唔啱?

佢每天都有大便, 我就唔覺有尿痾，而我每日都比佢浸水15分鐘, 佢喺第四日開始都有痾白色好似屎嘅野, 呢啲係咪尿酸？連續幾天都有正常嗎？

每天食野前我都會開UVB, 拎走個洞穴, 等佢曬兩個鐘, 夠唔夠?
我今日下午帶佢落公園曬太陽, 佢不停行, 行左15分鐘, 週圍食地下啲野, 我驚汚漕, 又唔知公園會唔會放左老鼠藥？夠竟應唔應該帶落街呢?
落完街番屋企, 佢好似無晒力咁,腳都第唔起!正常嗎?

請各位師兄帥姐師傅

kinsumc

post 相上嚟睇下啦

琛仔

因技術問題，暫未能上載照片！
我真的很疑惑，請問各位師傅，師兄，師姐解答我的疑慮呢？

Johannchan

我知小小, 24小時冇人答你, 我試下幫你啦:

你個setting 表面上OK, 但要通風, 風向外吹, 好似電腦風扇咁, 抽氣.  因為盾唔中意太焗太濕.

盾中意 熱 同 乾燥!!  射點要熱 32-36度, 但也要保持冷點 27-28度, 平均溫度28-30度.  用
暖毯24小時開OK, 但要保持有一個冷點 27-28度在箱的一邊, 咁盾會自己衡量去邊度訓.

盾好大食!!  佢食得少代表佢未習慣環境, 或佢有病, 或你個setting 唔岩佢.  盾B要食50%糧+50%菜, 你試下買Mazuri糧浸淋食.....

盾B 岩岩黎好多尿酸石, 你個setting可能好乾, 日日浸32-35度暖水15-20分鐘, 幫佢排尿酸, 同埋補水分.

洞穴要天黑才放, 天光拿走, 等佢曬UVB, 盾B殼軟, 所以要曬10個鐘, UVB燈膽好弱, 係太陽光既10分1, 所以要照10個鐘!  最好唔好放洞穴, 我唔放洞穴, D龜就唔會怕人或太驚青

食剩左啲菜繼續擺喺箱內, 佢肚餓會食, 就算乾左都會食兩啖, 在非洲, 龜龜(特別係豹龜)中意食乾草 - 為左去除水分(太多水分的菜會令龜腸爆原蟲同all爛屎), 菜乾就乾吧, 唔使驚, 每日換一次菜.

龜糧係最好!!!  但龜糧好意肥, 龜B最好50%龜糧 50%菜.

佢每天都有大便係very good, 唔覺有尿痾就要多浸水!!  四日開始都有痾白色好似屎嘅野, 呢啲係尿酸! 要1-2日排一次酸!! 直到冇石為止, 有石粒代表店內太過乾!  或你的setting太過乾!!!  咁可以一日浸兩次暖水, 每次15-20分鐘.

盾每日行幾百米路!!!  盾中意散步!!

琛仔

唔該哂！
但係我一開60w射膽， 冷點都會升到30度點算？熱點就32度左右！
箱內濕度有60 至70左右！
即係日頭要攞走洞穴，佢之前每日晒UVB兩個鐘咋！

琛仔

回復 琛仔 的帖子

真的謝謝你！