新龜喂食一問

小猴

大家好，小弟第一次養龜，養左兩隻草龜苗。
知道新到小龜未必咁快開口，但係都想知道要點喂佢地。
１）我應該係主缸喂食，定係分缸比佢地食呢？
２）我係用nutrafin喂佢地，但係其實比起佢地，都係好大粒，我係咪要整細粒Ｄ？
３）我應該將糧放係水入面，定係陸地度？
唔該晒各位呀，新手養龜，好多野唔識，唔想害左佢地　－﹏－

PS 一隻鍾意係陸地上趴，睇落都相當精神；另一隻鍾意得閒游下水，幾貪玩咁；估計兩隻都應該健康的。

brianlam314

水龜進食必須在水中，缸內還是缸外喂個人喜歡，龜糧可以弄小點喂，如果你有加溫，28度水溫開食機會大點

brianlam314

如果沒加溫，冬天喂食份量盡量減少

halo_gugu

回復 小猴 的帖子

1) 分缸餵乾淨d, 不過冬天避免冷親佢地, 可以每日臨換水時系主缸餵
2) 一條meet開幾粒啦, 我都係
3) 草龜要有水先吞到食物  

van214

回復 小猴 的帖子

其實你有咩設備俾龜龜??
如果分缸既話,D水就比較乾淨,但係就易冷親,如果有保暖工具都可以分缸餵
如果唔係就係主缸餵比較好,不過要1-2日換水一次,因為龜龜係污穢既水係唔肯食野架
換水就要用隔夜水,因為水喉水有氯氣,龜龜好易有白點病架,宜家最緊要係保暖
如果龜BB冷親就好麻煩,因為佢地抵抗力弱,所以要好小心照顧佢地
你可以整細少少俾佢地食,又或者買幼龜糧都得
你可以將D糧放係水到,因為D糧會吸水變軟,龜龜易食D
希望幫到你同你2隻龜龜健健康康

不過我都係新手,如何有錯,請其他師兄師姐指教

小猴

依家有濾水(做水流比佢玩)、射燈和浮台。
水溫keep到26度，不過佢地多數都係係浮台上面。
換水係用煲過、攤凍既水。

其實我唔太清楚要整到幾粒細，因為浸軟左，
再人手整碎，搞到好似好散、有點粉咁，都唔知佢地食唔食。

brianlam314

小猴 發表於 2012-1-22 17:04
依家有濾水(做水流比佢玩)、射燈和浮台。
水溫keep到26度，不過佢地多數都係係浮台上面。
換水係用煲過、攤 ...

煲過既水唔建議使用,係就已經殺死晒D細菌,但同時都已經殺死晒好多龜龜必要養份,建議將自來水晾2-3日使用

小猴

回復 brianlam314 的帖子

好的，明白，唔該晒你！

brianlam314

小猴 發表於 2012-1-22 17:24
回復 brianlam314 的帖子

好的，明白，唔該晒你！

唔駛客氣,新年快樂

van214

回復 小猴 的帖子

你2隻龜龜有幾大呀??一般我諗係未浸軟既時候,分開2-3份應該都OKAY架啦
另外,龜龜d水唔好太深,最高建議高過龜背少少就好啦,因為BB草龜既水性唔算太好
太多水好易有意外會浸死架,我表妹個隻就係咁走左

brianlam314

van214 發表於 2012-1-22 17:34
回復 小猴 的帖子

你2隻龜龜有幾大呀??一般我諗係未浸軟既時候,分開2-3份應該都OKAY架啦

樓上正解，草龜水性在水龜類三甲以內（由尾數起）

brianlam314

但草龜互動性及靈性在水龜類就在三甲以內（由頭數起）

小猴

龜龜終於開口，但係叫肚餓方式嚇死我。
忽然聽到啪啪聲，以為有咩裂左，原來係有隻龜仔係咁開合口，整到好大聲。
佢咁搞法，有冇事架？

brianlam314

小猴 發表於 2012-1-24 06:28
龜龜終於開口，但係叫肚餓方式嚇死我。
忽然聽到啪啪聲，以為有咩裂左，原來係有隻龜仔係咁開合口，整到好 ...

龜龜肚餓唔會開合口發出聲音，樓主要注意係唔係開口呼吸發出聲音，開口呼吸，呼吸發出聲音，側身浮水，口角有白色粘液，鼻孔有白色異物塞住，都係感冒或肺炎病徵。

蛇頸B

小猴 發表於 2012-1-24 06:28
龜龜終於開口，但係叫肚餓方式嚇死我。
忽然聽到啪啪聲，以為有咩裂左，原來係有隻龜仔係咁開合口，整到好 ...

如果佢個動作似我地人類打呵欠GE應該問題不大～但如果佢成日上陸地～合眼＋長期大開口～好似踹氣咁～多數係肺炎～
1）如果主缸有用暖管～你可以分缸餵食～用主缸GE水分出去分缸餵～好處係隻龜食野時係用返主缸水～比較易開口～加上本身D水暖～變凍要一段時間～最好10MIN後放返入主缸～否則會太凍～
2）NUTRAFIN應該係一條條～你可以用手整斷3～4粒餵～等龜背甲到5CM後～可以成條餵～佢地會有能力自已整斷～到10CM分分鐘成條吞=.=
3）糧放係水到餵～當佢地同你熟左～你可以引佢地到陸地放糧～佢地會咬住落水食～好得意～XD
最後～真係最好用暖管加熱膽～龜最好2歲先開始學習唔加溫過冬會好D～水最好用隔夜水～者話將水喉水放係盤到～等最少8小時～冬天你盡量撈走龜龜D屎～每日換水1／4（有濾水器的話）～唔建議一次過換哂水～因為暖管未加熱D新水～龜會好易肺炎～
祝新年快樂～龜龜快高長大～:)

小猴

佢暫時淨係試過一次咁。如果再有我要諗計了。
佢兩個都會間中落水玩下，不過多數陸上攤。

我換水前喂佢地，一條分開三四段，佢地都食到。
我今次都用返隔夜水。
我依家淨係用左燈咋，因為少水，燈都keep到水溫。

brianlam314

小猴 發表於 2012-1-24 14:57
佢暫時淨係試過一次咁。如果再有我要諗計了。
佢兩個都會間中落水玩下，不過多數陸上攤。

以目前這溫差,龜龜水陸上上落落好容易感冒,建議加支暖管恆溫(因為晚上UVA燈亮起龜龜精神會很緊張),水亦要加深蓋過曬台等龜龜上曬台時亦水過背不至於溫差太大感冒(除非你UVA燈能長時間保持陸上跟水裡同一溫度)

小猴

水溫26，陸溫不知，不過燈打在陸上，應該比水更暖吧。

brianlam314

小猴 發表於 2012-1-24 15:33
水溫26，陸溫不知，不過燈打在陸上，應該比水更暖吧。

嗯,我的缸是加了水溫計跟陸溫計的,有時開了UVA燈陸上過熱也能及時作出調整,安全一點,俾張圖你看下參考下,有什麼可以改善多多指教(PS:我全部燈都有定時器定時開關的)