我不是好主人

JevinLee

我有隻巴西
養左三 , 四個月到
之前因為餵太多糧比佢
引致佢暴肥
兩星期前我停左佢食一日
之後這兩星期都唔食野
拎左去中蜂到睇
中蜂開左藥水比佢浸
浸晒藥水都未開口食野
試過好多糧都唔食
豐年蝦又唔食
真係好內疚
都係我既錯
搞到佢咁 ... ...

大烽

竟然就係因為停食左1日野
而成2星期唔食野 奇怪=口=

1mm

唔好傷心啦..其實你都係想佢快d大,,先餵得多姐...龜唔同人, 飽左都會繼續食... 所以你一時唔記得左姐...

wel524

回復 JevinLee 的帖子

可能隻龜感受到你耍佢, 發脾氣

wel524

回復 JevinLee 的帖子

有無試過用蝦乾?, 真係萬試萬靈

JevinLee

回復 大烽 的帖子

係呀！試過比唔同既野佢食，佢都唔食

JevinLee

回復 1mm 的帖子

就係咁先內疚，好地地既一條生命
宜家比我搞到咁。。。

JevinLee

回復 wel524 的帖子

蝦乾、菜、開口糧、zoomed 糧、豐年蝦，全部都唔食。。。

wel524

回復 JevinLee 的帖子

蝦乾-->邊隻牌子既蝦乾?
菜--->毫無吸引力,下次唔食唔好試尼樣, 可能會導致佢更緊張
開口糧--->未試過, 不便評論
zoomed 糧---->細粒裝嗎?? 有無試過數住放幾粒, 用隻手指响佢面前指一指糧既位置(此動作不要導致龜驚嚇), 之后走開, 隔一陣返去數下有無少到?
豐年蝦----> 我覺得某d龜未必鐘意, 因為蝦太細, 又整到水污糟, 唔方便隻龜set target

wel524

回復 JevinLee 的帖子

餵太多糧-->其實你之前一日餵幾多糧俾佢? 同埋咩糧?

兩星期前我停左佢食一日
之後這兩星期都唔食野----->我覺得停佢一日唔食, 應該唔會咁, 會唔會有內在問題 or 隻龜有心理病
養左三 , 四個月到------>我覺得可能係隻龜同你未熟, 佢又胆小, 有機會係餵飼方法既問題(我諗)

拎左去中蜂到睇
中蜂開左藥水比佢浸
浸晒藥水都未開口食野-------->好奇想知係咩藥水?

JevinLee

回復 wel524 的帖子

蝦乾我都唔記得咩牌子
zoomed 糧係細粒，我試過放佢面前，佢拔開，放係手指遞比佢，佢淨係對住我手指咬，就算咬到粒糧都吐番出黎。。。

JevinLee

回復 wel524 的帖子

廿幾粒zoomed糧。。。
我之前成日同佢玩，佢唔驚我，但宜家就係驚左我
中蜂開左D玻璃樽、細細枝既藥水

wel524

回復 JevinLee 的帖子

蝦乾我都唔記得咩牌子------>有隻牌子叫'寸金'罐裝蝦乾, 非常香, 我覺得可以試下果款, 之前我果d俾哂人, 所以無响手, 唔係可以俾你試下, 不過尼隻牌子不可以餵多(每次1-2條止),唔係你既龜食既話, 之后有機會扭計唔食糧

我覺得隻龜同你未熟, 如果你見佢好緊張, 好怕人驚人, 唔建議親手餵, 餵左真係會吐出黎, 有d龜好串, 好好食既野, 佢好想食, 但係佢又怕, 又會吐,
我建議以下方法:
用蝦乾响佢面前揚一揚(當然此動作唔好嚇親佢, 唔需要好近佢, 但係要俾佢睇到知道), 再特登唔理佢, 當佢唔存在, 慢動作掉响佢附近(最好係佢視線範圍內), 咁e個時候走開, 隔一陣返黎望下有無唔見左(可能要回望幾次, 俾少少時間佢等佢認為現場環境安全, 出黎散步搵食), 如果食蝦乾, 用同様方法試糧

wel524

wel524 發表於 2012-6-22 04:36
回復 JevinLee 的帖子

蝦乾我都唔記得咩牌子------>有隻牌子叫'寸金'罐裝蝦乾, 非常香, 我覺得可以試下果 ...

另外, 有無差唔多大少既龜同佢一齊住 or 同佢好fd? 如果有, 餵果隻果時一齊餵, 如果可以用手餵果隻, 就响果隻面前親手餵另一隻, 咁佢見到你親手餵佢, 佢見個fd食, 佢會安心d, 其實有無setting睇下?? 同埋你隻龜係咪真係好驚人?? 因為未觀察過了解唔到隻龜係咩心理??

JevinLee

回復 wel524 的帖子

我只係記得我隻蝦干係透明袋包住
之前佢見到我都會游埋黎，又會跟我手指游
但係我停左佢食幾日之後，佢就變到好細膽，放糧落去佢會向後退，拎上手亦會縮

wel524

回復 JevinLee 的帖子

廿幾粒zoomed糧--->其實尼個份量我覺得係稍多, 又唔算多得好離譜, 因為我無記錯, 我以前隻巴西龜細細隻果時都係駁命食1x-2x粒, 所以未必係飽過龍問題

我之前成日同佢玩，佢唔驚我，但宜家就係驚左我----> 你地係玩d咩??(好奇想知) 由唔驚變驚之間可以嘗試回想下係咪做過d咩令佢手手腳腳博命爬, 因為我覺得有機會可能係跌一跌親佢, 嚇親佢而令佢覺得極度驚慌, 佢就會好怕俾你拿上手, 其實每次你幫佢換水拿起佢果時係咪又佢條條fing?? 我建議拿上手用手掌托住佢, 要俾佢四隻腳有野撐住, 佢就會定d, 無咁驚, 佢既頭望向你塊面就perfect,如果驚佢跌可以用另一隻手輕輕放佢背部 or 托住佢果隻手既手指按住背

wel524

回復 JevinLee 的帖子

中蜂開左D玻璃樽、細細枝既藥水--->其實我未去過中峰果度, 成日想去參觀下, 不過尼......

wel524

回復 JevinLee 的帖子

我只係記得我隻蝦干係透明袋包住---->係咪街市/魚街十零蚊3包果d? 如果係其實尼款我都用過, 尼款係幾香, 不過都未夠寸金果款, 同埋尼款品質唔多好, 我覺得俾佢食得多無益

之前佢見到我都會游埋黎，又會跟我手指游-----> 證明已經玩熟左一排, 應該係中間有d野嚇親佢 or 佢有病 (暫時感覺似前者, 后者要見龜再探討)

但係我停左佢食幾日之後，佢就變到好細膽，放糧落去佢會向後退，拎上手亦會縮----->
可能佢真係餓親下, 其實我留意所見, 龜係會慣性有段時間自動出黎問主人拎野食, 咁果幾日佢有無出過黎眼金金望住你 or 追逐你? 如果佢咁渴望, 你唔俾少少野食佢, 佢有可能心裏覺得你好衰, 嬲左你(我覺得咋我唔係龜, 我唔可以肯定)

JevinLee

回復 wel524 的帖子

之前同佢玩
http://www.hkturtle.org/forum.php?mod=viewthread&tid=39087
http://www.hkturtle.org/forum.php?mod=viewthread&tid=39478
同埋用手指引佢四圍游

換個時我係兩隻手指係佢背 , 一隻手指比佢隻手抓住 , 另外一隻手指就係逗住佢對腳

JevinLee

回復 wel524 的帖子

有另外兩隻龜一齊住 ( 一隻巴西同一隻班龜 )
setting要朝早先比到你
唔單止驚人 , 係郁到個缸少少都即刻縮