一個小手術,搵土爪灣最出名果個爬蟲醫生, 竟然要死!

大奇保

我隻黃緣健康大食活潑, 之後發現患了初期中耳炎, 小弟立即幫他登記睇佢, 其實我知道醫治中耳炎好簡單, 不過我真係好愛惜我呢隻龜, 所以搵呢個全港最權威性的醫生醫佢, 在等睇醫生期間, 牠仍然大食.

到了見醫生, 阿靚仔醫生同我講話隻龜除了中耳炎, 還生蟲. 醫生問我:佢之前是否唔食野, 我答: 冇喎~佢一向很大食. 之後阿靚仔醫生好認真同我講話一定要杜蟲~ 我答佢:好啦~總之麻煩醫生你幫我醫好佢啦~!

當晚佢話佢仲有好多症要睇, 所以唔可以即場做手術, 叫我聽日黎攞.  手術費, 驗便費, 杜蟲費, 藥費, 總共$1290.

第二日我攞番隻龜, 耳仔整好左, 但就一直冇晒精神, 食慾不振, 我4至5日先親手餵到佢食幾粒糧~

一個月喇, 今日我放工番黎, 發現我心愛嘅龜死左喇, 我呢一刻心如刀割, 我好痛心~

點解一個小手術會搞到咁~!   嗚嗚嗚.............................
係我唔好彩! 係我遇人不淑!
中耳炎, 呢到求其搵個龜友都醫到啦

pls535499

R.I.P

hongie

中間呢段時間有無覆診呀?  如果頭一、兩個禮拜唔開口，我肯定會再拎佢去要求醫生 follow up..

happygirl055

失去心愛的龜龜真的很難受。不要太難過龜龜也想主人開心

J0hnShun

R.I.P,我明白你現在的心情

肥仔c

龜龜一路好走

大奇保

回復 hongie 的帖子

有~ 不過食量減了十份一, 仲要親手餵.
係我唔好彩! 係我遇人不淑!
中耳炎, 呢到求其搵個龜友都醫到啦

大奇保

我花盡了心機照顧你喇, 龜仔你安息啦~

奶野

R.I.P.....

Koa

RIP
我都試過比佢杜蟲，由食野到吾食野，根住rip埋。。。我估可能龜有其它問題時，杜蟲可能會送佢一程。。。個人意見only不喜勿插。

你阿妹

咁岩呀？我隻龜唔食野，又係去左e間，抽唔到便便驗，但醫生話驗到有蟲，杜左，仲教堆ff,唔記得一個定兩個星期後覆診，再杜一次，剛剛force feed完藥就因為有隻狗急症入左黎，就完左覆診，我真係好唔想俾診金！都冇問診過，我後悔去左果間診所，一早揾到c姐，可能隻龜唔使咁慘

大奇保

成日聽呢個醫生點好點好點有愛心, 搵笨架!!
我一次錯唔決定就害左我隻寶貝龜喇~
我而家要帶龜仔落去花園土葬, 大家有心了

大奇保

回復 你阿妹 的帖子

咁你隻龜醫得番嗎?

小豹

我三隻都係揾佢杜蟲，都冇事！可能有特别例子呢

fai890

師兄吾好成日聽人講某某人好,某某人有愛心'某某人賣啲龜又平又靚,可能搵你笨就係個啲人

GIANT

我都有隻安哥比佢医完過幾日死左,

iamnero

樓主：愛龜RIP。
呵呵，前排仲有位德高望重既師姐教育我：唔好自己亂甘醫龜，唔好學小學雞拿龜做實驗，唔好自把自為，要有同理心，要搵註冊爬醫。
點知搵個甘權威既醫生，做左D令我等小學雞難以理解既診斷之後，隻龜竟然撒手西去……
唉，大家如果為隻龜好，都系放佢地返大自然啦……連醫生都醫唔好，我地仲可以點？

Tony_Chu

RIP

我地陸龜區Catmandy隻豹龜BB "雞蛋仔" 上個星期RIP左, 都係搵佢杜蟲, 人地BB乒乓龜, 佢10日內杜兩次蟲, 癡媽筋, 爬醫網話大龜都係14日杜一次.

Tony_Chu

iamnero 發表於 2012-7-10 02:08
樓主：愛龜RIP。
呵呵，前排仲有位德高望重既師姐教育我：唔好自己亂甘醫龜，唔好學小學雞拿龜做實驗，唔好 ...

不如整個爬醫RIP區, 睇下有幾多龜死於佢手??!!

iamnero

Tony_Chu 發表於 2012-7-10 02:23
不如整個爬醫RIP區, 睇下有幾多龜死於佢手!!

甘又唔好，要有同理心。
人地原本都唔系讀herpetology，見你愛龜受病魔折磨，勉為其難出手相助，人事已盡，有時無力回天在所難免。你仲過橋抽板，甘樣對人，你就唔啱啦。