從鬼門關逃回來的布甸.....

hongie · 發表於 2012-4-10 15:58:31

本帖最後由 hongie 於 2012-7-25 22:02 編輯

應該是 1 月中，農曆新年前個多星期左右吧.....

這龜一向大食活躍，但突然有天竟然唔食野，神情有點呆滯，即管過兩天餵食時再觀察吧

兩天後如常餵食，依然對住食盤發呆，我感到有點不妙了，因為距離上次進食已 5、6 天，應該是有點事了，反正還有幾天便過年，趕快去看獸醫吧。當天晚上去了好艱難動物醫院，醫生檢查了沒發現異常，照了 x-ray 也沒有什麼異樣，應該不是吃了垃圾 (硬物)，我養的變異星之前乜都咬，發泡膠背景板，樹皮，報紙.......  通通是零食，之後其實我都無乜野放落龜箱，只有纖維背景板和假樹 (搵過無野少左...)...  最後開了抗生素和、草奶粉和一些藥物回家，要開始灌食了

接著的幾天，這龜灌食之後都全部嘔翻出黎，而且表情好像有點辛苦，大鑊了，再過兩天便是公眾假期，馬上殺落好艱難搵 Terry.... 因為龜是甚少會嘔的 (通常是大鑊野)，獸醫也覺得有點異常，當晚決定幫小龜插喉灌食及餵藥.....  由於是公眾假期，小龜一定要回家照料，不能留醫

接下來的一個星期 (農曆新年)，對我簡直是惡夢，基本上所有經喉餵食的藥物、草奶粉、水全部都嘔翻出來，而且小龜狀態開始跌 watt，明顯是越來越嚴重....

假期後第一天馬上回好艱難，留醫已是必然了，獸醫決定打顯影劑照 x-ray，再觀察.....  之後過了幾天，x-ray 照出來顯影劑仍然留在胃部無落格，而且胃部越來越脹 (仍有灌藥和草奶粉)，而 x-ray 清楚看到由胃出腸的轉灣位是塞住了，而小龜的狀態亦再差了一點....

跟住點，我諗你地都諗到了，開刀......

開刀後，獸醫從胃及腸清了一堆 oxbow 的龜糧 (timothy hay) 及其它食物出來，應該是這龜吃了太多乾草，消化唔到，塞了腸胃......  由於傷口都幾大，獸醫說只是一半半機會完全康復，但起碼是找到根源吧

接下來的兩個月，小龜都留在 ICU，慢慢開始進食、活動.......  但另一個問題來了，好像小龜一路都無大便.....  一個可能是便秘 (消化不良吧....)，另一可能是腸完全停了 (即係無得醫)，由於兩樣都係無咩可以做，獸醫唯有試下餵油及減少餵食 (因為重量不斷上升又無屎屙)....

轉眼已過了兩個多月，獸醫說可做的已做了，唯一可以做的是等......  而他亦開始覺得有機會醫唔翻隻龜，要打定輸數

昨天下午，獸醫打電話俾我，說布甸終於屙了兩個多月來的第一篤屎，而且是好大篤，而布甸狀態亦不差，有進食有活動，感謝神，Terry 說布甸終於可以回家了! 佢認為布甸已接近完全康復了!!!

這相是布甸回家後第一次曬太陽，手腳有力，爬黎爬去，狀態唔錯，等了兩個多月，布甸終於回家了!!

SnappingTurtle · 發表於 2012-4-10 15:59:41

加油！！！

啊橙 · 發表於 2012-4-10 16:01:59

使唔使三皮野落街?

ashbone · 發表於 2012-4-10 16:10:15

負責任既好主人

boom76 · 發表於 2012-4-10 16:14:22

應該是這龜吃了太多乾草，消化唔到，塞了腸胃

呢個唔講唔知,真係要小心餵食~~~~

祝龜龜身體健康~~~~

小豹 · 發表於 2012-4-10 16:14:47

洗左幾多錢？

Panerai1950 · 發表於 2012-4-10 16:15:08

本帖最後由 Panerai1950 於 2012-4-10 22:06 編輯

醫番好是無價的! 恭喜恭喜!

龜媽 · 發表於 2012-4-10 16:30:20

恭喜!恭喜!
祝布甸健健康康!

~阿民~ · 發表於 2012-4-10 16:30:23

個POST好有ZERO FEEL~
不同的是這POST有圖有真相
樓主加油! 睇得出你好有"真愛心"

leoyuchiu · 發表於 2012-4-10 16:47:49

恭喜！樓主對龜龜好好...

owen4880 · 發表於 2012-4-10 18:25:30

記得做完手術不要喂太多啊！

hongie · 發表於 2012-4-10 18:38:13

回復 owen4880 的帖子

係呀，因為底甲封左，大唔到

小豹 · 發表於 2012-4-10 18:56:42

hongie 發表於 2012-4-10 18:38
回復 owen4880 的帖子

係呀，因為底甲封左，大唔到

下，成世就咁大隻啦

chim · 發表於 2012-4-10 19:09:44

祝早日康復....

ManManLi · 發表於 2012-4-10 19:15:26

替你高興呀!! 加油繼續照顧龜龜呀!!

hyy · 發表於 2012-4-10 20:16:03

龜龜加油！

我隻龜龜係我到都成星期未便便，我都驚緊

owen4880 · 發表於 2012-4-10 20:44:46

小豹發表於 2012-4-10 18:56
下，成世就咁大隻啦

唔會唔大，唔喂太多係驚佢大得快，痴住嗰個位生長唔到而令個殻變形！

Koa · 發表於 2012-4-10 22:02:06

唔怪得余醫生成日同我講喂乾草要小心塞腸。。。好彩醫到！加油！！

ahching · 發表於 2012-4-10 22:16:40

師兄對隻龜真系好好.
祝佢早日康復丫;)
師兄應該用左好多錢@@..

wel524 · 發表於 2012-4-10 22:17:30

回復 hongie 的帖子

恭喜, 太好啦可以e番好

帳號		自動登錄	找回密碼
密碼			註冊

從鬼門關逃回來的布甸.....

評分

點評

點評