打機同讀書平衡一問....

okok4321

唉....我興趣係打機....但係呀媽話打機唔好,應該要專心讀書,我知道要專心讀書...但係我興趣係打機...如果無左興趣就無動力去讀書...E家呀媽係咁叫我唔好打機...但係如果100%唔打機係好悶的...悶就無動力再去讀書...E家都唔知點算好


(好對唔住....我知我起E道講埋D唔關龜事的野...但係我真係唔知同邊個訴苦了)

khip

okok4321 發表於 2012-7-21 23:40
唉....我興趣係打機....但係呀媽話打機唔好,應該要專心讀書,我知道要專心讀書...但係我興趣係打機...如果無 ...

多多藉口，興趣可唔可以當飯食?     

如果你老豆老母唔係到，只有讀書可以俾飯你食，俾屋你住，你仲有冇問題?

或者咁講，係唔係俾你打機就可以拿100分番黎?  

如果俾你打機但拿唔到高分，俾你打機黎做乜?  有咩用?   

yuk郁

讀完書考埋dse 成個暑假任你打~打到嘔泡都得
堅持呀

教父

中幾??
諗清楚 打機係你娛樂定興趣先

chanka

老實說,我家陣中5,咁我聽左我miss講,e排del唒d game,每日分3節溫書每節2個半鐘(當然我仲未跟足唒啦...)
d時間除左花係溫書之外,仲可以花係興趣上(唔係打機),例如玩音樂,做運動,養寵物等等
我而家就係咁樣過日子lu...打算keep到考完dse為止
個心情係會變左,我無打機之後,個感覺,生活係無咁頹廢,係有返d意義係度,而唔係浪費唒d時間係d好無謂的野(打機其實唔係你真正的興趣)
其實打機最唔好係會浪費你的精力,你溫書的精力用左係打機度,咁到你溫書果陣就好攰,一睇書就想訓,另外,你打完機有時輸左唔鋸又繼續打,有個引係度,我自問自制能力差,所以索性del鬼左佢,唔玩,反而花d時間係讀書同興趣上,當然你都要有決心del同keep住唔dl返落黎玩啦,而我的決心係來自老師對我的鼓勵同期望,你都盡快落個決定啦
希望我e段勸告對你有用啦

殺破狼

打機唔係問題,我覺得打機係正常現代人都會做既野..只係打機外仲需要讀書..有時D野你諗深1層..屋企人唔比你打機出發點係想你讀書..咁你未讀左先玩囉..玩少D又唔係無得玩..

啊橙

okok4321 發表於 2012-7-21 23:40
唉....我興趣係打機....但係呀媽話打機唔好,應該要專心讀書,我知道要專心讀書...但係我興趣係打機...如果無 ...

打機帶比你既快感只會係一陣
讀書帶比你既成就係跟你一世

打機係冇問題，
你打出自己既心得可能為你帶黎一時財富
你可以去做電玩雜誌既撰文，
但呢個世界講既係學識，就算比你打到神一樣，
冇番一張沙紙，係香港都係冇作為

最重要既係，你讀書店唔店先，
如果唔店都係掛住打機，
呢d叫自作孽不可活

如期日日對住部腦，我寧願對住本書，亡羊補牢
呢d係一個過來人既經驗，
聽與唔聽就悉隨尊便

啊橙

中意打機係冇問題
如果做到打機同讀書一樣咁店
咁先係叻仔

如果做唔到兩樣都咁勁既時候，
不如唔好打咁多機，讀多d書好過

唔係唔好打，等溫好晒當日教過既野，確定自己係讀熟左
再去打機都未遲

chanka

其實一個有習慣打機的青少年係好難(近乎無可能)取讀書同打機之間的平衡,即使做緊d讀書野果陣,有時都會心掛掛d打機野,所以我個miss好鼓勵我del game,直情唔玩,就唔會有咩牽掛
的確時間多左,我自己都會生生性性走去溫下書,睇下書,做下數

所以樓主,你要諗深入d,你而家會反思自己打機的問題係好事黎,你望你d fd就知,當你做左決定,就唔會好似而家咁迷惘,聽左咁多人的意見,你再諗諗啦

khip

睇到呢D Post，真係想小爆佢，如果樓主係我細佬，即時打佢一鑊金金地..

tonycha

頂你地呢一班廢柴, 父母辛苦搵錢, 你地就打機、敗家、浪費青春, 跟住雙失, 又話咩野社會唔比機會你地, 歧視你地.  香港將來D老野指意你地養?  PK囉.  所以我地唔敢生仔, 費事生多件PK敗家仔危害香港.

我當年讀書, 唔好話打機, 電視都唔睇!!!!!!!!!!!!!

Mrturtle

其實吾可以怪曬樓主，因為香港讀書，老師只是跟時間表教書，比notes加死背。
但如果在外國，student讀書是因為佢地enjoy 個process of learning,如果樓主生在外國，佢受到外國的教育，自然不會出這post

seira2242527

我路過 我嘆息不是因為樓主 而是自己

okok4321

多謝各位的意見!!讚GE彈GE我都會虛心接受,我會好好反思一下!!

tbasd

首先樓主幾歲先?
如果16-7歲仲唔打算將來又真係唔得喎......
不過,要成功又唔一定要讀書嘅,但係讀書將來會好少少~
但讀書一定要認清目標,唔好死讀書


話說你打開邊類機,因為我好耐冇打過機.......有冇好介紹....(笑~

okok4321

khip 發表於 2012-7-21 23:42
多多藉口，興趣可唔可以當飯食?     

如果你老豆老母唔係到，只有讀書可以俾飯你食，俾屋你住，你 ...

首先多謝CHING意見先,我諗我應該係過份自滿先有E個諗法,因為我在果間BAND 2 中學入面成績比其他同學都優勝,所以覺得自己HEA住都可以拎高分,但你的一句說話點醒左我(如果俾你打機但拿唔到高分，俾你打機黎做乜?)...如果我對比出面D BAND 1中學我只係一粒蟻....我應該要向高分前進...而唔係打完機成績拎到70幾分就自滿...應該要更新一層樓

okok4321

教父 發表於 2012-7-21 23:46
中幾??
諗清楚 打機係你娛樂定興趣先

打機係我放鬆的方法之一,因為讀書好辛苦,要做D野放鬆下

okok4321

chanka 發表於 2012-7-21 23:54
老實說,我家陣中5,咁我聽左我miss講,e排del唒d game,每日分3節溫書每節2個半鐘(當然我仲未跟足唒啦...)
d時 ...

我覺得你講中晒我心聲....我諗你GE勸告會幫我拔出E個深淵

okok4321

殺破狼 發表於 2012-7-22 00:06
打機唔係問題,我覺得打機係正常現代人都會做既野..只係打機外仲需要讀書..有時D野你諗深1層..屋企人唔比你 ...

我決定DEL GAME以免自己心掛掛,多謝CHING意見!!

okok4321

啊橙 發表於 2012-7-22 00:14
打機帶比你既快感只會係一陣
讀書帶比你既成就係跟你一世

打機帶比你既快感只會係一陣
讀書帶比你既成就係跟你一世

E兩句野我會銘記,我自問成績起BAND2入面係中上....但對比BAND1實係最低...我決定DEL GAME以免自己心掛掛,而且努力向更高分前進,多謝CHING意見!