大家點睇中國末來經濟? ^_^

KPS

大家點睇中國末來經濟? 因有幾樣野我覺得無法解決, 因為依D係切身問題, 希望大家多D留意
1. 一孩政策, 估計幾年後開始, 內地一個青年人要養四個老人家,
2. 量食問題, 依20-30年內地農村年青人已去晒工廠打工, 無人生產量食, 而中共又加重農產品稅, 所以越來越小人做農民,
    加上內地農耕技術落後西方國家100年, 現在已有好大部分量食需要輸入
3. 能原 同 天然資原大部份已在過去20-30年發掘左9成, 好多都輸出到國外了, 現在中國連原油同天然氣都要入口
4. 內地工廠因經濟不景好多關閉了, 大量工人失業
5. 因為經濟放慢, GDP 下跌, 又要保八, 所以上年開始大量投放金錢同資原在無用的基建上,
    上年內地GDP有大約50%都係基建產生, 十分不健康

緣來如此

盛極必衰

KPS

緣來如此 發表於 2012-8-8 11:42
盛極必衰

主要係想講, 大家以後吾好再諗住依賴內地了, 中共依家自保都有困難

khip

KPS 發表於 2012-8-8 11:38
大家點睇中國末來經濟? 因有幾樣野我覺得無法解決, 因為依D係切身問題, 希望大家多D留意
1. 一孩政策, 估 ...

1. 其實而家都唔算係一孩，只要你俾得起罰款，生幾多都得。
2. 主要係大米方面既供應，不過佢地唔做都仲有太國頂住，所以影響不大既。
3. 中國市區發展太快，而且多左人渣車，混能汽車既發展急不及待。
4. 內地工廠，其實只係個別地區，大部份都開始北移，而且未必係因為業務問題，反而可能係因為國內基建(如高速公路)需要用到工廠既地區，而要求工廠移走。
  而且國內工人既福利開始上升，包括最低工資，加班費等等.....有時諗真D可能比香港仲好。
5. GDP都係D參考數字黎嫁姐..唔準既..大家做條數出黎睇下而已...真係要計市場數據，要用Real GDP比較。

khip

緣來如此 發表於 2012-8-8 11:42
盛極必衰

冇錯, 每一個國家都有繁盛時期和衰退期，呢個係每一個市場既週期循環.........中國其實好多數據已經有點停滯.....冇升得咁勁....所以未來10年可能美國會再度繁盛....

山貓

我擔心暴發戶起得快跌得快,作為中國人當然希望國家富強.

khip

山貓 發表於 2012-8-8 12:00
我擔心暴發戶起得快跌得快,作為中國人當然希望國家富強.

放心啦..一雞死, 一雞鳴

KPS

khip 發表於 2012-8-8 11:55
1. 其實而家都唔算係一孩，只要你俾得起罰款，生幾多都得。
2. 主要係大米方面既供應，不過佢地唔做都仲 ...

師兄真係好樂觀
1. 俾得起罰款 (每個4萬至10萬) , 內地平均收入4-5千人仔
2. 泰國會吾會成本價賣米比大陸? 咪又係要好多錢 (本來能自給自足)
3. 吾係混能汽車問題, 係要输入能原, 咪又係要好多錢 (本來能自給自足)
4. 已經吾係北吾北移問題, 係各國已經無咁大需求, 訂單小, 输出小, 內需小
5.  GDP都吾信, 咁大陸做咩要保八呀? 講個大話比市民知, 話中國經濟好好咪得羅

khip

KPS 發表於 2012-8-8 12:07
師兄真係好樂觀
1. 俾得起罰款 (每個4萬至10萬) , 內地平均收入4-5千人仔
2. 泰國會吾會成 ...

1. 對於當地D人黎講(特別本身有地收租既)，根本唔係咩錢。 就以我以前做個間廠為例，十個有5個坐寫字樓既，都俾人罰過錢仲打算繼續生。
2. 其實國際貿易都係一個重要環節，對於經濟黎講並唔係單單靠可以自給自足就可以豐盛發展。
3. 其實中國係短短10年加速工廠式作業，大興土木，市區既人都富起來，即使不賣出去，長遠下去亦會因為供不應求，所以問題其實一直都存在，並不在於賣唔賣俾人。  再講，油公司有權對外銷售這個亦無可口非。
4.所以係歐美單野爆發左之後，其實好多廠都轉投市場係內需方面，而且好多工廠而家都開始要轉型，由以前既三來一補轉為獨資公司。  中國亦有段時間發佈過要加強內需既政策，對於增值稅發票 扣稅優惠等等....
5. GDP其實真係一個唔準確既數字，你有讀會去讀Economics時，會更深入了解到。

KPS

khip 發表於 2012-8-8 12:26
1. 對於當地D人黎講(特別本身有地收租既)，根本唔係咩錢。 就以我以前做個間廠為例，十個有5個坐寫字樓既 ...

1. 錢當然係問題啦, 只不過計過數點都要生, 煱比, 如果係你, 兩公婆加上來一萬/月, 要比4-5萬生多一個, 要儲幾耐錢???
2. 吾係"自給自足就可以豐盛", 係要有基本的生產量, 如需求的50-60%比較合理
3. 你知吾知賣出左幾多, & 個D係國企
4. 食完飯至答你
5. 食完飯至答你

khip

KPS 發表於 2012-8-8 12:37
1. 錢當然係問題啦, 只不過計過數點都要生, 煱比, 如果係你, 兩公婆加上來一萬/月, 要比4-5萬生多一個,  ...

1. 其實大陸搵錢.....真係唔難..特別做廠個D採購.,..台面一個, 台底一個。
   當地區政府台底又一筆......  帳面幾千，台底一定唔止。  當然唔係每一個人都可以啦，但實際上唔在意既人數確實好多......
2. 其實近年國內天氣異常得好緊要，加上國內轉向工廠，年輕一輩根本冇興趣陪你做農...  
    不如你俾個建議方案可增加就業農民呀!
3. 俾你會想要外匯定人仔呀?  再加上天然資源本來就有限，根本發展再生能源係必須要做的事。  而家大家都不斷爭緊D油田.,.但終有一日會用盡，到時又點算呢?   同埋以國家既理念黎講，中國一定有油庫儲備，而家只係控制緊市面流量而已。

4.

power15

假經濟,唔會好得幾耐~~
生活上既細微野唔做好D,強國唔會強得去邊~~
唔係渣住銀紙就叫強,無質素可言~~

教父

只知道.. 堅尼系數.. 大到唔再公布
GDP 要保8 只係不停起冇人住同部分冇用基建..
中國模式其實唔被睇好。食物個D有錢就唔係大問題，同埋中國其他一向都係入口食品
而且印度大停電 中國GE能源科技有可能係印度企穩
不過長遠 中國都會係一線國家

khip

power15 發表於 2012-8-8 12:47
假經濟,唔會好得幾耐~~
生活上既細微野唔做好D,強國唔會強得去邊~~
唔係渣住銀紙就叫強,無質素可言~~ ...

中國又冇話假既..呀爺下下都話幾十億..咁擺落D政策到..實際幾多去到人民手上..大家有眼見嫁啦..有咩事佢咩開水喉射一射住囉.....

起條鐵路都6XX億啦

power15

回復 khip 的帖子

地方政府之咁惡,就係有人在京~~
中國地方唔會有咩民主既野~~
唔會再咁天真~~

khip

教父 發表於 2012-8-8 12:50
只知道.. 堅尼系數.. 大到唔再公布
GDP 要保8 只係不停起冇人住同部分冇用基建..
中國模式其實唔被睇好。食 ...

淨係佢D財政儲備已經嚇死人...換晒一蚊銀...掟死美國佬有餘

khip

power15 發表於 2012-8-8 12:55
回復 khip 的帖子

地方政府之咁惡,就係有人在京~~

冇錯......講到尾都係...$$$  

講樣真人真事你地知..我以前倣個間廠原本要搬走的，因為係正高速公路發展藍圖，

之後我老細花少少錢，而家就安全了，高速公路移離左我地既區域...

power15

回復 khip 的帖子

總之大陸官講既野,不需要聽咁多,好多野都有保留的~~
大陸我生活過,點會唔知佢龍野~~
門面野永遠都好睇,好唔好食就唔知啦~~
所以百姓永遠受苦~~~

khip

power15 發表於 2012-8-8 13:02
回復 khip 的帖子

總之大陸官講既野,不需要聽咁多,好多野都有保留的~~

冇錯..........十幾廿個部門.....全部都係吹水怪

KPS

khip 發表於 2012-8-8 12:47
1. 其實大陸搵錢.....真係唔難..特別做廠個D採購.,..台面一個, 台底一個。
   當地區政府台底又一筆..... ...

師兄果然係樂觀, 睇完你的論述, 可以睇到一句
"世事無絕對 只有真情趣"