新手問題少年有龜龜的問題!! 感謝各位!

kwokhin

大家好!!
小弟可能比較多口水,所以highlight重點方便大家.
其實我家龜龜(巴西龜)由手掌養到現在成隻 成人手咁大
一直都是放在廁所的膠盤
一放牠出來就走去黑,有遮蓋的地方-馬桶附近
現在把心一橫,又無意中找到一個咁好,完善的論壇,
想給龜龜一個更好的環境!

1)現在想問下龜箱(膠箱)應該要幾大?
是否ikea的好?
因為我見各位的都是幼龜龜,
我家的是大龜龜(橫5"直6")(12cm 15cm)
圖中的箱是長13"闊8.5"(33cm 22cm)
買左龜箱不會再放牠入廁所爬(反正都是一放就爬去遮蓋處)
龜箱Max 長16" 闊 11" 高9.3"(40cm 28cm 23cm) 可以嗎?

2)各位會平時放龜出來嗎?(廁所?客廳?)
另外陸地一問,
我之前曾經買過一舊石,
但發現舊石"滑散散"
原是何在? 我應該買什麼石作陸地好?
4)另外就是燈一問(已有),
請問這是什麼燈?比龜龜照有用嗎?

5)請問這一隻糧好嗎?

最後就是龜龜健康問題. . .
6)我家龜龜的紅圈位置有少許粒陷的情況出現,
但個殼沒有軟淋淋
何解??但龜龜仍然很生猛
原因是否 "長期攝取不足鈣質，維他命D"(from Yahoo!知識)
治療是否帶牠囇多一點太陽就可以?
"喂多d有維生素d and 鈣質多的食物" 可以嗎?
有什麼這一類食物推介?






最後就是萬分感謝各位的幫忙!!!
感謝各位付出寶貴的時間幫小弟!
我會經常上此post回應各位及update
Thank you sooooo much!!

pkick

巴西龜要曬太陽...長期擺廁所實吾好

箱呢樣野個人認為越大越好...睇你能力

peterkwong2005

如果唔用過濾既話,就最好買d有轆既箱,方便換水,dsc d箱最平,去買個最大既透明箱岩la,16''實在太細,轉身都有困難,一係就買個水盆,加個樓梯俾佢自出自入都好過擺在咁細既箱,
糧就係時候要轉zoomed大粒裝la,這個size可以多餵菜,少餵肉,我d龜特別鐘意食椰菜,仲有要俾佢曬太陽,個殼先長得健康~~~

ah_jai2005

回復 kwokhin 的帖子

1)現在想問下龜箱(膠箱)應該要幾大?是否ikea的好?龜箱Max 長16" 闊 11" 高9.3"(40cm 28cm 23cm) 可以嗎?

>> 你隻龜依家六吋長，應該仲有得大。(除非唔夠空間俾佢活動)  你預佢有機會連頭帶身10寸長或以上啦。 如果單養一隻，你講既「MAX 長16" 闊 11" 高9.3"」又無話一定唔夠既，叫做比依家好，但又略嫌唔夠濶落咁。如果可以再大多少少就更好，轉個身都易嘛！不過始終豐由人，屋企真係無位都無辦法。

2)各位會平時放龜出來嗎?(廁所?客廳?)

>>小弟養草龜，甚少放佢自由行，係放假得閒時會俾佢響我視線範圍內周地走下。

另外陸地一問,我之前曾經買過一舊石,但發現舊石"滑散散"原是何在? 我應該買什麼石作陸地好?

>> 無圖無實物較難答。不過，大部份野放響水入面耐左就會有「散」，「卒」得走既。至於買什麼石作陸地，其實已實用為原則，總之方便佢爬上去晾乾就得。

4)另外就是燈一問(已有),請問這是什麼燈?比龜龜照有用嗎?

>> 不肯定有無紫外光(睇落似無)。而呢類光管無乜熱能，即係只可以照明，等你睇龜睇得清楚d、靚d。

5)請問這一隻糧好嗎?

>> 幾好！應該係龜友們推薦既頭幾位。 ZooMed！

6)我家龜龜的紅圈位置有少許粒陷的情況出現,但個殼沒有軟淋淋 何解??但龜龜仍然很生猛
原因是否 "長期攝取不足鈣質，維他命D"(from Yahoo!知識) 治療是否帶牠囇多一點太陽就可以? "喂多d有維生素d and 鈣質多的食物" 可以嗎? 有什麼這一類食物推介?

>> 據講，當個殼變到軟淋淋係已經好嚴重既地步。 但係咪缺鈣呢？我都唔肯定。 不過，你俾佢食既龜糧應該已經有頗充足既鈣質同維他命D。
至於曬太陽呢個問題，小弟既睇法同不少龜友有出入(可能係我已經學壞師)。 據我理解，之所以曬太陽，主要係因為當中既紫外光同熱能係龜龜自身產生維他命D既必要原素，人同龜一樣，無陽光就唔能夠產生維他命D，無維他命D就無辦法吸收鈣質。 但，我認為如果膳食之中已經有足夠維他命D的話，曬太陽就並非必須。 當然，有時間俾佢曬下，或者有其他益處都未定，所謂寧可信其有，前輩們既訓示總有其傳統智慧。

>> 補充，我見過不少巴西龜似咁樣凹殼，而巧合地通常佢地都係被人長期乾養又或者係水無浸過龜背，唔肯定有無關係。

kwokhin

回復 ah_jai2005 的帖子

>> 無圖無實物較難答。不過，大部份野放響水入面耐左就會有「散」，「卒」得走既。至於買什麼石作陸地，其實已實用為原則，總之方便佢爬上去晾乾就得。

d「散」對龜龜有沒有害? 用膠板之類可以嗎?

>> 不肯定有無紫外光(睇落似無)。而呢類光管無乜熱能，即係只可以照明，等你睇龜睇得清楚d、靚d。

這隻燈原先係比魚照的, 一開得耐就會好熱,燙手個種,您估計可以嗎?

至於曬太陽呢個問題，小弟既睇法同不少龜友有出入(可能係我已經學壞師)。 據我理解，之所以曬太陽，主要係因為當中既紫外光同熱能係龜龜自身產生維他命D既必要原素，人同龜一樣，無陽光就唔能夠產生維他命D，無維他命D就無辦法吸收鈣質。 但，我認為如果膳食之中已足夠維他命D的話，曬太陽就並非必須。 當然，有時間俾佢曬下，或者有其他益處都未定，所謂寧可信其有，前輩們既訓示總有其傳統智慧。

但情況持續,除了曬大陽,有什麼方法可以令龜龜健康d?

thank you so much!

kwokhin

回復 pkick 的帖子

先感謝您的回覆!
是否廁所濕氣重所以對龜龜唔好?
但如果每天曬完太陽後放廁所可以嗎?

kwokhin

回復 peterkwong2005 的帖子

感謝您的回覆!
請問zoomed的大粒裝,
1粒大約等於幾多粒中粒?
菜方面我會嘗試,thanks!

Dick_Neo

有散可能係有青苔

kwokhin

回復 Dick_Neo 的帖子

請問你地的陸地有這個問題嗎？
是否應該用牙刷刷甩就可以？
Thanks

peterkwong2005

回復 kwokhin 的帖子

大約係2-3倍左右~~~

kwokhin

回復 peterkwong2005 的帖子

請問以我隻龜的大小，應該大約食幾多粒中糧先到8成飽？因為我無論比幾多佢都一定食哂...

Dick_Neo

回復 kwokhin 的帖子

正常可以GE刀

peterkwong2005

回復 kwokhin 的帖子

糧既份量大概係頭既大小,另外可以餵多D菜,菜做主糧都OK~~

jeff918

回復 peterkwong2005 的帖子

ching我想問下點加樓梯 可唔可以俾圖 我想試試

peterkwong2005

回復 jeff918 的帖子

我未試過,不過有見CHING做過,用格仔板整到梯形或三角形咁,俾佢可以爬出同爬入~~~

jeff918

回復 peterkwong2005 的帖子

就錦擺一塊格仔板得唔得

peterkwong2005

回復 jeff918 的帖子

咁佢未必爬到出去~~

jeff918

回復 peterkwong2005 的帖子


錦樣*浪*一*浪*
      l
     l  l
    l    l
   l   
  l
l
l

ah_jai2005

回復 kwokhin 的帖子

d「散」對龜龜有沒有害? 用膠板之類可以嗎?

>> 其實，呢d「潺」可以理解為大自然既一部份，無咩害。唔怕累贅既我就將我所知既講一講(用淺色，唔想睇既可以跳過)：
據我認知，呢d「潺」其實係一層菌膜，但唔係病菌。其實菌本身無處不在，但響濕氣重既地方就容易滋長。舉個例，如果你一日無刷牙，你摸一摸你既牙面，會覺得有層薄薄既「散」，即係細菌積聚，叫做牙菌膜。呢d菌一定存在，但因為唔係致病既菌，正常情況下對健康既人係完全無害既。 而牙菌膜會引致蛀牙既原因，係因為菌都要「食」野，當有食物停響菌膜面，佢地就會「食」野(化學過程)，而過程中會程生酸性物質，而牙只係俾呢d酸性物質侵蝕而出現裂痕、凹陷同啞白色等，而重點係：呢d菌本身害處不大。
就算用膠板，都一樣會有呢d「潺」，不過無咩大影響。

這隻燈原先係比魚照的, 一開得耐就會好熱,燙手個種,您估計可以嗎?

>> 開得耐會熱可能係因為火牛，但熱力未必係透過燈照而發出。如果你想要有熱能，用鎢絲燈膽或射燈膽會適合d。又，如果你想試你支燈有無熱力，科學d，放個溫度計俾佢照住，照一頭半個鐘，再睇下溫度就得。 都係果句，睇下照燈為左咩目的。

但情況持續,除了曬大陽,有什麼方法可以令龜龜健康d?

>> 先講，個殼去到呢個外型就無得話醫唔醫到，就算曬太陽，都係確保佢產生維d，同能夠「補充」鈣質，但對於呢d成年龜個殼型應該作用不大。接受佢依家個樣就得。
>> 至於健康，我覺得如果佢食得、走得、夠活力，眼仔又精靈有神，咁已經好健康。
>> 至於曬太陽既益處，正如樓上師兄點評所講，曬下可以殺下菌，增加下體溫，而且陽光光譜下龜龜睇野d色彩會豐富好多，心情都好d。加上我相信日月真係有精華，汲收下好呀！！

peterkwong2005

回復 jeff918 的帖子

就係整到梯形咁就ok la
       l l l l                    
     l        l
   l            l
  l              l